ମସ୍କୋ, ୦୨/୦୯: ଆମେରିକୀୟ ମହାକାଶ ସଂସ୍ଥା ନାସା ଚନ୍ଦ୍ରପୃଷ୍ଠରେ ଋଷର ଲୁନା-୨୫ କ୍ରାସ୍ ଲ୍ୟାଣ୍ଡିଂ ସାଇଟ୍ ଖୋଜି ପାଇଛି । ନାସାର ଦାବି ଅନୁସାରେ, ଉକ୍ତ ସ୍ଥାନରେ ହିଁ ଲୁନା-୨୫ ମାଡ଼ ହୋଇଥିବା ବେଳେ ୧୦ ମିଟର ଓସାରର ଗାତ ସୃଷ୍ଟି ହୋଇଛି । ଏହାକୁ ନେଇ ନାସା ୨ଟି ଫଟୋ ଜାରି କରିଛି ।

ଲୁନାର ରିକୋନାଇସାନ୍ସ ଅର୍ବିଟର (LRO) ମହାକାଶ ଯାନ ଅଗଷ୍ଟ ୨୪ରେ ଚନ୍ଦ୍ରପୃଷ୍ଠରେ ଏକ ନୂଆ ଗାତ ଦେଖିଥିଲା । ଏହି ଗାତଟି ଲୁନା-୨୫ କ୍ରାସ୍ ହୋଇଥିବା ସ୍ଥାନ ନିକଟରେ ସୃଷ୍ଟି ହୋଇଛି । ଯାହାକୁ ନେଇ ଏଲ୍ଆରଓ ନିଷ୍କର୍ସରେ ପହଞ୍ଚିଛି, ଏହି ଗାତ ପ୍ରାକୃତିକ ପ୍ରଭାବ ବଦଳରେ ଲୁନା-୨୫ ପାଇଁ ହୋଇଥିବା ସମ୍ଭାବନା ରହିଛି ।

ବଢ଼ିଲା ନନ୍ଦନକାନନ ସଫାରୀ ଟିକେଟ ମୂଲ୍ୟ, ଏବେ ୪ଟି ସଫାରୀ ବୁଲିବା ପାଇଁ ପର୍ଯ୍ୟଟକ ଗଣିବେ ଅଧିକ ଟଙ୍କା

ଋଷ ମହାକାଶ ସଂସ୍ଥା ରସକମସ୍ ଅଗଷ୍ଟ ୧୯ ସନ୍ଧ୍ୟା ୫ଟା ୨୭ରେ ମହାକାଶ ଯାନ ସହ ଯୋଗାଯୋଗ ବିଛିନ୍ନ ହୋଇ ଯାଇଥିଲା । ପ୍ରି-ଲ୍ୟାଣ୍ଡିଂ ଅର୍ବିଟ୍ ବଦଳାଇବା ବେଳେ ଲୁନା-୨୫ରେ ଯାନ୍ତ୍ରିକ ତ୍ରୁଟି ଦେଖା ଦେଇଥିଲା । ସେତେବେଳେ ଲୁନା-୨୫କୁ ୧୮ କିଲୋମିଟର X ୧୦୦ କିଲୋମିଟର କକ୍ଷପଥକୁ ଯିବା ଲାଗି କମାଣ୍ଡ ଦିଆ ଯାଇଥିଲା ।

ଆଉ ସେହି ସମୟରେ ଲୁନା-୨୫ରେ ଜରୁରୀକାଳୀନ ସ୍ଥିତି ଦେଖା ଦେଇଥିଲା । ସ୍ପେଶକ୍ରାଫ୍ଟ ଆକଚୁଆଲ୍ ପାରାମିଟରରେ ଥ୍ରଷ୍ଟର ଫାୟର ହୋଇପାରି ନଥିଲା । ପ୍ରଥମ ବିଶ୍ଲେଷଣରୁ ଜଣାପଡ଼ିଥିଲା, କାଲକୁଲେଟେଡ୍ ଭ୍ୟାଲୁ ଅଧିକ ଥିଲା । ଫଳରେ ଥ୍ରଷ୍ଟର ଅଧିକ ସମୟ ପାଇଁ ଫାୟାର ହେବା ସହ ବେଗ କମିବାରୁ ମହାକାଶ ଯାନ ଏକ ଅଫ୍-ଡିଜାଇନ୍ ଅର୍ବିଟକୁ ଚାଲି ଯାଇ ଚନ୍ଦ୍ରରେ କ୍ରାସ୍ ହୋଇ ଯାଇଥିଲା ।

ଆଜି ଇସ୍ରୋର ସୂର୍ଯ୍ୟ ଅଭିଯାନ: ଆଦିତ୍ୟ ଏଲ୍‌-୧ ପାଇଁ ଅବଗଣନା ଆରମ୍ଭ, ପୂର୍ବାହ୍ଣ ୧୧.୫୦ରେ ଶ୍ରୀହରିକୋଟାରୁ ଲଞ୍ଚ

ଅଗଷ୍ଟ ୧୧ରେ ଋଷ ଲୁନା-୨୫କୁ ସୋୟୁଜ ୨.୧ବି ରକେଟରେ ଉତକ୍ଷେପଣ କରିଥିଲା । ସେହିଦିନ ଲୁନା-୨୫କୁ ପୃଥିବୀର କକ୍ଷପଥରୁ ଚନ୍ଦ୍ର କକ୍ଷପଥକୁ ପଠା ଯାଇଥିଲା । ଅଗଷ୍ଟ ୧୬ରେ ମହାକାଶ ଯାନ ଚନ୍ଦ୍ର କକ୍ଷପଥରେ ୧୦୦ କିଲୋମିଟର ଅର୍ବିଟରେ ରହିଥିଲା ।