ନୂଆଦିଲ୍ଲୀ, ୦୩/୧୨: ୪ ରାଜ୍ୟ ମଧ୍ୟପ୍ରଦେଶ, ଛତିଶଗଡ଼, ରାଜସ୍ଥାନ ଓ ତେଲଙ୍ଗାନା ବିଧାନସଭା ନିର୍ବାଚନ ଭୋଟ୍ ଗଣତି ଆରମ୍ଭ ହୋଇ ସାରିଛି । ଛତିଶଗଡ଼ର ୯୦ ଆସନ, ମଧ୍ୟପ୍ରଦେଶର ୨୩୦ ଆସନ, ରାଜସ୍ଥାନର ୧୯୯ ଆସନ, ତେଲଙ୍ଗାନାର ୧୧୯ ଆସନରେ ଗଣତି ଆରମ୍ଭ ହୋଇଛି ।
ମଧ୍ୟପ୍ରଦେଶ ଭୋଟ୍ ଗଣତି ଟ୍ରେଣ୍ଡିଂରେ ବିଜେପି ଆଗୁଆ ରହିଛି । ରାଜସ୍ଥାନରେ ବିଜେପି ଓ କଂଗ୍ରେସ ମଧ୍ୟରେ କଡ଼ା ଟକ୍କର ଦେଖିବାକୁ ମିଳୁଛି । ସେହିଭଳି ତେଲଙ୍ଗାନା ଓ ଛତିଶଗଡ଼ରେ ଆଗୁଆ ରହିଛି କଂଗ୍ରେସ ।
ଆଜି ୪ ରାଜ୍ୟରେ ଭୋଟ ଗଣତି, ଇଭିଏମ୍ରୁ ଖୋଲିବ ପ୍ରାର୍ଥୀଙ୍କ ଭାଗ୍ୟ
ରାଜସ୍ଥାନରେ ମୋଟ ୧୯୯ଟି ଆସନ ରହିଥିବା ବେଳେ ବହୁମତ ହେଉଛି ୧୦୦ । ୨୦୧୮ରେ ରାଜସ୍ଥାନରେ ବିଜେପି ୭୩, କଂଗ୍ରେସ ୧୦୦ ଆସନରେ ବିଜୟୀ ହୋଇଥିବା ବେଳେ ଅନ୍ୟ ଦଳର ୨୬ ଜଣ ନିର୍ବାଚନ ଜିତିଥିଲେ ।
୨୩୦ଟି ଆସନ ବିଶିଷ୍ଟ ମଧ୍ୟପ୍ରଦେଶରେ ବହୁମତ ହେଉଛି ୧୧୬ । ୨୦୧୮ ନିର୍ବାଚନରେ ବିଜେପି ୧୦୯, କଂଗ୍ରେସ ୧୧୪ ଏବଂ ଅନ୍ୟ ଦଳ ୭ଟି ଆସନ ପାଇଥିଲେ । ୯୦ ଆସନ ବିଶିଷ୍ଟ ଛତିଶଗଡ଼ରେ ୪୬ ହେଉଛି ବହୁମତ ।
୨୦୧୮ରେ ବିଜେପି ୧୫, କଂଗ୍ରେସ ୮୬ ଆସନରେ ଜିତିଥିବା ବେଳେ ୭ ଜଣ ସ୍ୱାଧୀନ ପ୍ରାର୍ଥୀ ବିଜୟୀ ହୋଇଥିଲେ ।୧୧୯ ବିଶିଷ୍ଟ ତେଲଙ୍ଗାନା ବିଧାନସଭାରେ ବହୁମତ ୬୦ । ବିଜେପି ୨୦୧୮ରେ ଗୋଟିଏ ଆସନରେ ଜିତିଥିବା ବେଳେ କଂଗ୍ରେସ ୧୯ ଓ ବିଆରଏସ୍ ୮୮ଟି ଆସନରେ ବିଜୟୀ ହୋଇଥିଲା ।