ନୂଆଦିଲ୍ଲୀ, ୦୧/୦୯: ହିଣ୍ଡେନବର୍ଗ ପରେ ଓସିସିଆରପିର ରିପୋର୍ଟ ଆସିବା ପରେ ଅଦାନୀ ସମୂହର ସେୟାର ପୁଣି ଥରେ ଖସିବା ଆରମ୍ଭ କରିଛି । ଅରବପତି ଗୌତମ ଅଦାନୀଙ୍କ ପୋର୍ଟ ଟୁ ଏନର୍ଜି ଗ୍ରୁପ୍ ଷ୍ଟକରେ ହେରଫେର କରିଥିବା ନେଇ ଓସିସିଆରପି ଅଭିଯୋଗ କରିଛି । ଗୁରୁବାର ଏଭଳି ରିପୋର୍ଟ ଆସିବା ପରେ ଅଦାନୀ ସମୂହର ସେୟାର ଖସି ଚାଲିଛି ।
ଆଉ ଏହାର ପ୍ରଭାବ ପଡ଼ିଛି ଏଲ୍ଆଇସି ଉପରେ । ଅଦାନୀ ସମୂହ କମ୍ପାନୀରେ ନିବେଶ କରିଥିବା ଏଲ୍ଆଇସିର ଏମକ୍ୟାପ୍ କମିବା ସହ ଭାରତୀୟ ଜୀବନ ବୀମା ନିଗମକୁ କ୍ଷତି ହୋଇଛି । ଏଲଆଇସିକୁ ୧୪୩୯.୮ କୋଟି କ୍ଷତି ସହିବାକୁ ପଡ଼ିଛି ।
ଘରୋଇ ଗ୍ୟାସ୍ ପରେ ହ୍ରାସ ପାଇଲା ବାଣିଜ୍ୟିକ ସିଲିଣ୍ଡର ଦର
ଗୁରୁବାର ଓସିସିଆରପିର ରିପୋର୍ଟ ଆସିବା ପରେ ଅଦାନୀ ସମୂହର ଗୋଟିଏ ଦିନରେ ୩୫ ହଜାର କୋଟି କ୍ଷତି ହୋଇଛି । ଅଦାନୀ ଗ୍ରୁପର ୬ କମ୍ପାନୀରେ ଏଲ୍ଆଇସି ବିପୁଳ ନିବେଶ କରିଛି । ତଥ୍ୟ ଅନୁସାରେ, ଏଲ୍ଆଇସି ପାଖରେ ଅଦାନୀ ପୋର୍ଟ୍ସ ଆଣ୍ଡ ସ୍ପେଶାଲ୍ ଇକୋନୋମିକର ୯.୧୨ ପ୍ରତିଶତ, ଅଦାନୀ ଏଣ୍ଟରପ୍ରାଇଜେସରେ ୪.୨୬ ପ୍ରତିଶତ, ଅଦାନୀ ଟୋଟଲ ଗ୍ୟାସ୍, ଏସିସି ଓ ଅମ୍ବୁଜା ସିମେଣ୍ଟରେ ୬ ପ୍ରତିଶତରୁ ଅଧିକ ଅଂଶଧନ ରହିଛି ।
ପ୍ରାୟ ୮ ମାସ ଭିତରେ ଦ୍ୱିତୀୟ ଥର ଲାଗି ଅଦାନୀ ଗ୍ରୁପ୍ ଉପରେ ଷ୍ଟକ୍ ହେରଫେର ନେଇ ଅଭିଯୋଗ ଆସିଛି । ଓସିସିଆରପି ପୂର୍ବରୁ ଚଳିତବର୍ଷ ଜାନୁଆରୀରେ ଆମେରିକୀୟ ରିସର୍ଚ୍ଚ କମ୍ପାନୀ ହିଣ୍ଡେନବର୍ଗ ମଧ୍ୟ ଅଦାନୀ ସମୂହ ଷ୍ଟକ ମୂଲ୍ୟରେ ହେରଫେର୍ ଏବଂ ଫ୍ରଡ୍ ଆକାଉଣ୍ଟ ନେଇ ଅଭିଯୋଗ ଆଣିଥିଲା । ତେବେ, ହିଣ୍ଡେନବର୍ଗର ଅଭିଯୋଗକୁ ଅଗ୍ରାହ୍ୟ କରି ଦେଇଥିଲା ଅଦାନୀ ସମୂହ । କର୍ତ୍ତୃପକ୍ଷ ଓସିସିଆରପିର ରିପୋର୍ଟକୁ ମଧ୍ୟ ଅଗ୍ରାହ୍ୟ କରିଛି ।
୧୮ ପ୍ରତିଶତ ବଢ଼ିଲା ATF ଦାମ, ପାର୍ବଣ ଋତୁରେ ବିମାନ ଯାତ୍ରା ମହଙ୍ଗା ହେବ