ନୂଆଦିଲ୍ଲୀ, ୦୮/୧୧: ଇସ୍ରାଏଲର ମାରାତ୍ମକ ଆକ୍ରମଣକାରୀ ଓ ଗୁଇନ୍ଦା ଡ୍ରୋନର ବ୍ୟବହାର ଏବେ ଭାରତ କରିବ । ଭାରତରେ ତିଆରି ହେବ ହର୍ମେସ ୯୦୦ ମେଲ୍ ୟୁଏଭି । ଏହାର ନିର୍ମାଣ କରିବ ଆଡାନୀ ଡିଫେନ୍ସ । ଆଶା କରାଯାଉଛି, ଆଗାମୀ ୪ରୁ ୫ ବର୍ଷ ମଧ୍ୟରେ ଏହି ଡ୍ରୋନ୍ ଭାରତକୁ ମିଳିଯିବ ।
ଭାରତରେ ଏହି ଶକ୍ତିଶାଳୀ ଡ୍ରୋନ୍ ନିର୍ମାଣ ଦ୍ୱାରା ରୋଜଗାର ବଢ଼ିବ । ପ୍ରଥମେ ଭାରତୀୟ ସେନାକୁ ଏହି ଶକ୍ତିଶାଳୀ ଡ୍ରୋନ୍ ମିଳିବ । ଏବେ ଯାଏଁ ହର୍ମେସ୍ ଡ୍ରୋନ୍ସକୁ ଇସ୍ରାଏଲର ଏଲବିଟ୍ କମ୍ପାନୀ ତିଆରି କରୁଥିଲା । ବିଶେଷକରି ଏହି ଡ୍ରୋନର ଉପଯୋଗ ସୁରକ୍ଷା ଓ ଗୁଇନ୍ଦା ତଥ୍ୟ ପାଇଁ ବ୍ୟବହାର କରାଯାଏ । ଆବଶ୍ୟକ ସ୍ଥଳେ ଏହି ଡ୍ରୋନରୁ ଆକ୍ରମଣ ବି କରାଯାଇ ପାରିବ ।
ଏହି ଡ୍ରୋନ୍ ଲଗାତାର ୩୦ରୁ ୩୬ ଘଣ୍ଟା ପର୍ଯ୍ୟନ୍ତ ଉଡ଼ାଣ ଭରି ପାରିବ । ଏହା ମିଡିୟମ୍ ଆଲ୍ଟିଟ୍ୟୁଡ୍ ଲଙ୍ଗ୍ ଏଣ୍ଡୁରାନ୍ସ- ୟୁଏଭି । ଏହା ସର୍ବାଧିକ ୩୦ ହଜାର ଫୁଟ୍ ଉଚ୍ଚତାରେ ଉଡ଼ି ପାରିବ । ଏହାର ଡେଣାର ଲମ୍ବ ୪୯ ଫୁଟ୍ । ଡ୍ରୋନ୍ ୪୫୦ କିଲୋଗ୍ରାମର ପେଲୋଡ଼ ନେଇ ଉଡ଼ାଣ ଭରି ପାରିବ ।
ଏଥିରେ ସ୍ପାଇକ୍ ମିସାଇଲ୍ ସଂଯୋଗ ହୋଇ ପାରିବ । ଦୁନିଆରେ ଏହି ମିସାଇଲର ୯ଟି ଭାରିଆଣ୍ଟ ରହିଛି । ଆବଶ୍ୟକ ଅନୁସାରେ, ଡ୍ରୋନ୍ ଏହାର ବ୍ୟବହାର କରିପାରେ । ଏହି ମିସାଇଲ୍ ଶତ୍ରୁ ପକ୍ଷର ଟ୍ୟାଙ୍କକୁ ବି ଧ୍ୱଂସ କରି ପାରିବ । ସବୁଠୁ ବଡ଼ କଥା ହେଉଛି ମିସାଇଲ୍ ଠାରୁ ଟାର୍ଗେଟ୍ ଖସି ପାରିବ ନା ଲୁଚି ପାରିବ ।
Hermes 900 Starliner for Indian Armed Forces
— Indian Aerospace Defence News - IADN (@NewsIADN) November 8, 2023
The Starliner upgrade brings in the capability of flight in civilian un-segregated airspace safely along with de-icing capability.
The platform boasts of 36 hr endurance with 30,000 feet max altitude & 450kg payload capacity.#IADN pic.twitter.com/7wolJ9dIha
ଏବେ ଦୁନିଆର ୩୮ଟି ଦେଶ ଏହି ମିସାଇଲର ବ୍ୟବହାର କରୁଛନ୍ତି । ସ୍ପାଇକ ମିସାଇଲର ଲମ୍ବ ୩ ଫୁଟ୍ ୧୧ ଇଞ୍ଚ୍ ଅଟେ । ଭାରିଆଣ୍ଟ ଅନୁସାରେ ଲମ୍ବ ସାମାନ୍ୟ ବଢ଼ିପାରେ ଅଥବା କମିପାରେ । ଭାରିଆଣ୍ଟ ଅନୁସାରେ ରେଞ୍ଜ ମଧ୍ୟ ଅଲଗା ହେବ । ୫୦ ମିଟରରୁ ଏହାର ରେଞ୍ଜ ୧୦ ହଜାର ମିଟର ।
୨୦୧୪ରେ ପ୍ରଥମଥର ପାଇଁ ଇସ୍ରାଏଲ୍ ଏହି ଡ୍ରୋନର ବ୍ୟବହାର କରିଥିଲା । ୨୦୧୫ ଶେଷ ଆଡ଼କୁ ଇସ୍ରାଏଲ୍ ସେନାରେ ସାମିଲ୍ କରାଯାଇଥିଲା । ଏହି ଗୁଇନ୍ଦା ଡ୍ରୋନ୍ ଶତ୍ରୁ ପକ୍ଷର ସିଗନାଲକୁ ଟ୍ରେସ୍ କରି ଡିକୋଡ୍ କରି ପାରିବ । କୁହାଯାଉଛି, ଆଗାମୀ ଦିନରେ ଆଡାନୀ ଡିଫେନ୍ସ ହର୍ମେସ୍ ୯୦୦ ସହ ୪୫୦ ବି ନିର୍ମାଣ କରିପାରେ ।