ନୂଆଦିଲ୍ଲୀ ୩୦/୦୧: ଶୀତ ପାଗ ଅନେକ ଲୋକଙ୍କୁ ଅସୁସ୍ଥ କରିଥାଏ । ଶୀତ ଋତୁରେ ଲୋକମାନେ ଶୀଘ୍ର ଅସୁସ୍ଥ ହେବା ଆରମ୍ଭ କରନ୍ତି । ଏହାର କାରଣ ହେଉଛି ଖରାପ ଖାଦ୍ୟ। ତେଣୁ ନିଜକୁ ସୁସ୍ଥ ରଖିବା ପାଇଁ ଉତ୍ତମ ଖାଦ୍ୟ ଖାଇବା ଅତ୍ୟନ୍ତ ଜରୁରୀ । ଆପଣଙ୍କୁ ଥଣ୍ଡା ପାଗରେ କିଛି ପନିପରିବା କଞ୍ଚା ଖାଇବା ଉଚିତ୍, ଯାହା ଦ୍ୱାରା ଆପଣଙ୍କ ଶରୀର ଫିଟ୍ ରହିପାରିବ। ଆସନ୍ତୁ ଜାଣିବା ସେହି ସବୁ ପରିବା ବିଷୟରେ...
ମୂଳା :
ଶୀତଦିନେ ନିଜକୁ ଫିଟ୍ ରଖିବା ପାଇଁ ମୂଳା କଞ୍ଚା ଖାଇବା ଉଚିତ୍ । ଏହା ଆପଣଙ୍କୁ ଅନେକ ଫାଇଦା ଦେଇଥାଏ। ଏଥିରେ କ୍ୟାଲସିୟମ୍ ଭରପୁର ମାତ୍ରାରେ ରହିଥାଏ। ଯାହା ହାଡକୁ ମଜବୁତ କରେ।
ବିଟ୍ :
ଶୀତଦିନେ ଆପଣଙ୍କୁ ରୋଗରୁ ରକ୍ଷା କରିବା ପାଇଁ ବିଟ୍ ଭଲ କାମ କରିଥାଏ। ଯଦି ଆପଣ ରକ୍ତହୀନତାର ଶିକାର ହେଉଛନ୍ତି ତେବେ ବିଟ୍ ପ୍ରତିଦିନ କଞ୍ଚା ଖାଆନ୍ତୁ । ଆପଣ ଏହାର ଜୁସ୍ ମଧ୍ୟ ପିଇପାରିବେ।
ବ୍ରୋକଲି :
ବ୍ରୋକୋଲି ଶରୀର ପାଇଁ ଅତ୍ୟନ୍ତ ଲାଭଦାୟକ । ଏଥିରେ ଭିଟାମିନ୍ ସି ଏବଂ ଜିଙ୍କ୍ ଭରପୁର ମାତ୍ରାରେ ରହିଥାଏ। ଯାହା ଇମ୍ୟୁନ୍ ସିଷ୍ଟମକୁ ମଜବୁତ କରିଥାଏ। ଆପଣଙ୍କ ବ୍ରୋକୋଲିକୁ ସାଲାଡ ପରି ଖାଇପାରିବେ।
ଗାଜର :
ଲୋକମାନେ ଥଣ୍ଡା ପାଗରେ ଗାଜର ଖାଇବାକୁ ବେଶ୍ ପସନ୍ଦ କରନ୍ତି । ଏଥିରେ ବିଟା କାରୋଟିନ୍ ଏବଂ ଭିଟାମିନ୍ ଏ ମିଳିଥାଏ । ଆଖିକୁ ସୁସ୍ଥ ରଖିବା ପାଇଁ ଏହା ଅତ୍ୟନ୍ତ ଲାଭଦାୟକ ହୋଇଥାଏ।
ପାଳଙ୍ଗ :
ପାଳଙ୍ଗକୁ ସାଲାଡ ଆକାରରେ କଞ୍ଚା ମଧ୍ୟ ଖାଇ ପାରିବେ। ଏହା ଶରୀର ପାଇଁ ସର୍ବୋତ୍ତମ ସୁପରଫୁଡ୍ ଭାବରେ ବିବେଚନା କରାଯାଏ । ଏଥିରେ ଅନେକ ପ୍ରକାରର ଭିଟାମିନ୍ ଓ ମିନେରାଲ୍ସ ମିଳିଥାଏ। ଗର୍ଭବତୀ ମହିଳାଙ୍କ ପାଇଁ ଏହା ଅତ୍ୟନ୍ତ ଲାଭଦାୟକ ।
