ବେଙ୍ଗାଲୁରୁ,୨୮/୧୧: ବେଆଇନ ଭାବେ ଗର୍ଭନଷ୍ଟ କରାଇବା ଅଭିଯୋଗରେ ବେଙ୍ଗାଲୁରୁର ଜଣେ ଡାକ୍ତର ଓ ତାଙ୍କର ସହଯୋଗୀ ଟେକ୍ନିସିଆନଙ୍କୁ ଗିରଫ କରାଯାଇଛି ।
ଡାକ୍ତରଙ୍କ ନାମ ଚନ୍ଦନ ବହଲ ଏବଂ ଟେକ୍ନିସିଆନ ହେଲେ ନିଶାର । ଉଭୟେ ମହୀଶୂରର ଏକ ହସ୍ପିଟାଲରେ କାର୍ଯ୍ୟ କରୁଥିଲେ । ଗତ ୩ ବର୍ଷରେ ସେମାନେ ୯୦୦ରୁ ଅଧିକ ମହିଳାଙ୍କର ଗର୍ଭନଷ୍ଟ କରିଥିବା ତଦନ୍ତରୁ ଜଣାପଡିଛି । ପ୍ରତି ଗର୍ଭନଷ୍ଟ କରିବାକୁ ସେମାନେ ୩୦ ହଜାର ଟଙ୍କା ନେଉଥିଲେ । ଯେଉଁ ହସ୍ପିଟାଲରେ ଏହି ବେଆଇନ କାରବାର ଚାଲିଥିଲା ତାର ମ୍ୟାନେଜର ଓ ରିସେପସନିଷ୍ଟଙ୍କୁ ଚଳିତମାସ ପ୍ରାରମ୍ଭରେ ପୁଲିସ ଗିରଫ କରିଥିଲା ।
ପୁଲିସ ଅନୁସାରେ, ମାଣ୍ଡ୍ୟାରେ ଏକ ଗୁଡ଼ ପ୍ରସ୍ତୁତ କାରଖାନା ରହିଛି । ତା ଭିତରେ ବେଆଇନ ଭାବେ ଅଲଟ୍ରାସାଉଣ୍ଡ ସ୍କାନ ୟୁନିଟ୍ ଥିଲା । ସେଠାରେ ମହିଳାଙ୍କର ଗର୍ଭ ପରୀକ୍ଷା କରାଯାଉଥିଲା । ଯେଉଁମାନେ ନଷ୍ଟ କରିବାକୁ ଚାହୁଁଥିଲେ ସେମାନଙ୍କୁ ମହୀଶୂରସ୍ଥିତ ଉକ୍ତ ହସ୍ପିଟାଲକୁ ପଠାଇ ଦିଆଯାଉଥିଲା । ପୁଲିସ ସେହି ଅଲଟ୍ରାସାଉଣ୍ଡ ସ୍କାନ ମେସିନ ଜବତ କରିଛି । ର୍ୟାକେଟରେ ଆହୁରି ଅନେକଙ୍କ ସମ୍ପୃକ୍ତି ଥିବା ପୁଲିସ ସନ୍ଦେହ କରୁଛି ।
Also Read :-
ଶେଷ ପର୍ଯ୍ୟାୟରେ ୪୧ ଶ୍ରମିକଙ୍କ ଉଦ୍ଧାର କାର୍ଯ୍ୟ: ଖୁବ୍ ଶୀଘ୍ର ଆସିପାରେ ଖୁସି ଖବର, ଆଉ ମାତ୍ର ୩ ମିଟର ଦୂରତା