ନୂଆଦିଲ୍ଲୀ, ୧୮/୧୧: ଚାଟଜିପିଟି ପ୍ରସ୍ତୁତକାରୀ କମ୍ପାନୀ ଓପନ୍ଏଆଇର ସହ ପ୍ରତିଷ୍ଠାତା ତଥା ସିଇଓ ସ୍ୟାମ୍ ଅଲ୍ଟମ୍ୟାନଙ୍କୁ ପଦରୁ ହଟାଇ ଦିଆଯାଇଛି । ଅଲ୍ଟମ୍ୟାନଙ୍କ ଉପରେ ବୋର୍ଡର ଆଉ ଭରସା ନାହିଁ । ଫଳରେ ଅଲ୍ଟମ୍ୟାନ୍ ପଦରୁ ଇସ୍ତଫା ଦେଇଥିବା ଓପନ୍ଏଆଇ ପକ୍ଷରୁ କୁହାଯାଇଛି ।
ଅଲ୍ଟମ୍ୟାନଙ୍କ ସ୍ଥାନରେ ଚିଫ୍ ଟେକ୍ନୋଲୋଜି ଅଫିସର ମୀରା ମୁରାତିଙ୍କୁ ଅନ୍ତରୀଣ ସିଇଓ କରାଯାଇଛି । ଏହି ସମୟରେ କମ୍ପାନୀ ସ୍ଥାୟୀ ସିଇଓଙ୍କ ସନ୍ଧାନ କରିବ । ଏହାଛଡ଼ା ଓପନ୍ଏଆଇର ସଭାପତି ଗ୍ରେଗ୍ ବ୍ରାଙ୍କମ୍ୟାନ୍ ମଧ୍ୟ ବୋର୍ଡ ଅଧ୍ୟକ୍ଷ ପଦ ଛାଡ଼ିବେ ବୋଲି ଜଣାପଡ଼ିଛି ।
ସାବଧାନ ! ପରକୀୟା ପ୍ରୀତି ଖୋଜାରେ ଘରୋଇ ଗୁଇନ୍ଦା, ଭାବି ଜୀବନସାଥୀର ବାହାର କରୁଛନ୍ତି କୁଣ୍ଡଳି..
ସାନ ଫ୍ରାନ୍ସିସ୍କୋର ଓପନ୍ଏଆଇ ହେଉଛି ଏକ ଘରୋଇ ରିସର୍ଚ୍ଚ ଲ୍ୟାବ୍ । ଯାହାକି ଆର୍ଟିଫିସିଆଲ୍ ଇଣ୍ଟେଲିଜେନ୍ସ ବିକଶିତ କରେ । ଏହାର ପ୍ରତିଷ୍ଠା ୨୦୧୫ରେ ଅଲ୍ଟମ୍ୟାନ୍, ଏଲନ୍ ମସ୍କ ଓ ଅନ୍ୟମାନେ ଅଣ ଲାଭକାରୀ ସଂସ୍ଥା ଭାବେ କରିଥିଲେ ।
ସିଇଓ ପଦ ଛାଡ଼ିବା ପରେ ସ୍ୟାମ୍ ଅଲ୍ଟମ୍ୟାନ କହିଛନ୍ତି, ଓପନ୍ଏଆଇରେ ଅତିବାହିତ କରିଥିବା ସମୟ ବହୁତ ପସନ୍ଦ ଆସିଛି । ଏବେ ଆଗକୁ କଣ କରିବି, ତାକୁ ନେଇ ବହୁତ କିଛି କହିବାର ଅଛି । ଏବେ ଅଲ୍ଟମ୍ୟାନଙ୍କ ସ୍ଥାନରେ ଅନ୍ତରୀମ ସିଇଓ ନିଯୁକ୍ତ ହୋଇଥିବା ମୀରା ମୁରାତି ହେଉଛନ୍ତି ଭାରତୀୟ ବଂଶୋଦ୍ଭବ ।
ଆରବ ସାଗରରେ ମିଳିତ ଅଭ୍ୟାସ କରିବେ ଚୀନ ଓ ପାକିସ୍ତାନ ନୌସେନା, ଡ୍ରାଗନ୍ ଉପରେ ଅସ୍ତ୍ରଶସ୍ତ୍ର ପାଇଁ ବଢ଼ୁଛି ନିର୍ଭରତା
ଅଲ୍ବାନିଆରେ ଜନ୍ମିତ ମୀରା, କାନାଡ଼ାରେ ପଢ଼ିଥିଲେ । ଟେସଲାରେ କାମ କରିବା ପରେ ୨୦୧୮ରେ ସାମିଲ୍ ହୋଇଥିଲେ ଓପନ୍ଏଆଇରେ । ଟେସଲାର ମଡେଲ୍ ଏକ୍ସ କାର ନିର୍ମାଣରେ ମୀରାଙ୍କ ଥିଲା ଗୁରୁତ୍ୱପୂର୍ଣ୍ଣ ଭୂମିକା । ଓପନ୍ଏଆଇରେ ମୀରାଙ୍କୁ ଆପ୍ଲାଏଡ ଏ.ଆଇ ଆଣ୍ଡ ପାର୍ଟନରସିପ୍ ଭାଇସ୍ ପ୍ରେସିଡେଣ୍ଟ ଭାବେ ନିଯୁକ୍ତି ଦେଇଥିଲା ।