ବିଜୟଓ୍ବାଡା, ୧୦/୦୯: ଆନ୍ଧ୍ରପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ଚନ୍ଦ୍ରବାବୁ ନାଇଡୁଙ୍କ ପାଇଁ ଅଡ଼ୁଆ ବଢ଼ିବାରେ ଲାଗିଛି । ରାଜ୍ୟ ଦକ୍ଷତା ବିକାଶ ନିଗମରେ ଦୁର୍ନୀତି ମାମଲାରେ ତାଙ୍କୁ ଶନିବାର ସିଆଇଡି ଗିରଫ କରିଛି । ୩୭୧ କୋଟି ଟଙ୍କା ହେରଫେର ମାମଲାରେ ଚନ୍ଦ୍ରବାବୁ ଏବେ ଜେଲରେ ଅଛନ୍ତି । ହେଲେ ସେ ଯଦି କୋର୍ଟରେ ଦୋଷୀ ସାବ୍ୟସ୍ତ ହୋଇଯାଆନ୍ତି ତେବେ ତାଙ୍କୁ ଆହୁରି ୧୦ ବର୍ଷ ଜେଲରେ ରହିବାକୁ ପଡ଼ିପାରେ ବୋଲି କୁହାଯାଉଛି ।
ଇନଷ୍ଟାଗ୍ରାମ୍ରେ ଲୋକପ୍ରିୟ ହେବାକୁ ଚାହୁଁ ଥିଲେ ଶିକ୍ଷୟିତ୍ରୀ, ଫଲୋୟର୍ସ ବଢାଇବାକୁ କଲେ ଏମିତି ଖରାପ କାମ !
ସିଆଇଡିର ତଦନ୍ତ ଅନୁସାରେ, ୨୦୧୫ରେ ସ୍କିଲ ଡେଭଲପମେଣ୍ଟ ନିଗମ, ସିମେନ୍ସ ସହିତ ୩୩୦୦ କୋଟି ଟଙ୍କାର ଚୁକ୍ତି କରିଥିଲା । ଏହି ଅର୍ଥରେ ଲୋକମାନଙ୍କୁ ବିଭିନ୍ନ କ୍ଷେତ୍ରରେ ପ୍ରଶିକ୍ଷଣ ଦେବାର ଥିଲା । ମୋଟ ଅର୍ଥର ୧୦ ପ୍ରତିଶତ ଅଂଶ ରାଜ୍ୟ ସରକାରଙ୍କର ଥିଲା । ଆଉ ୯୦ ପ୍ରତିଶତ ଅର୍ଥ ସିମେନ୍ସ ଦେଇଥାନ୍ତା । ହେଲେ ସିମେନ୍ସ କୌଣସି ଅର୍ଥ ଦେଇନଥିଲା । ଏପରିକି ଏହି ଅର୍ଥରେ ହେରଫେର ହୋଇଥିଲା ବୋଲି ସିଆଇଡି ପକ୍ଷରୁ ସୂଚନା ଦିଆଯାଇଛି ।
ତେବେ ଦୁର୍ନୀତି ଅର୍ଥକୁ ତେଲୁଗୁ ଦେଶମ ପାର୍ଟି, ନାଇଡୁ ଏବଂ ତତ୍କାଳୀନ ଦକ୍ଷତା ବିକାଶ ମନ୍ତ୍ରୀ ଆତ୍ମସାତ କରିଥିବା ନେଇ ଅଭିଯୋଗ ହୋଇଛି । ଅନ୍ୟପଟେ ଚନ୍ଦ୍ରବାବୁ ନାଇଡୁଙ୍କୁ ଆଜି କୋର୍ଟରେ ହାଜର କରାଯାଇଥିଲା । ଏହି ସମୟରେ ତେଲୁଗୁ ଦେଶମ ପାର୍ଟିର କାର୍ଯ୍ୟକର୍ତ୍ତା ବିଭିନ୍ନ ସ୍ଥାନରେ ବିକ୍ଷୋଭ ପ୍ରଦର୍ଶନ କରିଥିଲେ । ଇତିମଧ୍ୟରେ ବିଜୟଓ୍ବାଡାର ଏସିବି କୋର୍ଟ ଟିଡିପି ମୁଖ୍ୟ ଚନ୍ଦ୍ରବାବୁ ନାଇଡୁଙ୍କୁ ୧୪ ଦିନିଆ ବିଚାର ବିଭାଗୀୟ ହାଜତକୁ ପଠାଇଥିବା ଜଣାପଡ଼ିଛି । ନାଇଡୁଙ୍କୁ ପ୍ରଥମେ ବିଜୟଓ୍ବାଡାର ଏସଆଇଟି କାର୍ଯ୍ୟାଳୟ ଏବଂ ପରେ ସେମାବାର ସକାଳେ ରାଜମୁଣ୍ଡରୀ ସେଣ୍ଟ୍ରାଲ ଜେଳ୍ ନିଆଯିବ ।
ସପେଟ ଗିରଫ ପରେ ଚନ୍ଦ୍ରବାବୁଙ୍କ ଟ୍ବିଟକୁ ନେଇ ଚର୍ଚ୍ଚା ହୋଇଥିଲା । ତାଙ୍କ ଟ୍ବିଟର ହ୍ୟାଣ୍ଡଲରେ ଲେଖାଯାଇଥିଲା ଯେ, ନିସ୍ବାର୍ଥପର ଭାବେ ମୁଁ ତେଲୁଗୁ ଲୋକଙ୍କୁ ସେବା କରିଆସିଛି । ବଞ୍ଚିଥିବା ଯାଏଁ ତେଲୁଗୁ ଲୋକଙ୍କ ପାଇଁ ରକ୍ଷା କବଚ ହୋଇ ରହିବି । ପୃଥିବୀର କୌଣସି ଶକ୍ତି ମୋତେ ତେଲୁଗୁ ଲୋକଙ୍କୁ ସେବା କରିବାରୁ ବଞ୍ଚିତ କରିପାରିବେ ନାହିଁ ।