ଭୁବନେଶ୍ବର,୨୬।୧୧ : ଭରତପୁର ଥାନା ଅନ୍ତର୍ଗତ କଳିଙ୍ଗବିହାରର ଓୟୋ  ହୋଟେଲ ମାଲିକଙ୍କୁ ଆକ୍ରମଣ ଘଟଣାରେ  ଫେରାର ଅଭିଯୁକ୍ତକୁ ଭରତପୁର ଥାନା ପୋଲିସ ଗିରଫ କରିଛି । ଫେରାର ଅଭିଯୁକ୍ତ ଜଣକ ହେଲେ  ମଳିଙ୍ଗା ଓରଫ ସୁଭାସିସ ପ୍ରଧାନ । ମାସେ  ହେବ ଫେରାର ହୋଇ ମଳିଙ୍ଗା ରହି ଥିଲା । ତାଙ୍କ ନିକଟରୁ ଗୋଟିଏ ଖଣ୍ଡା ଜବତ୍ କରାଯାଇଛି । ମଳିଙ୍ଗା ଗ୍ୟାଙ୍ଗରେ ଅନ୍ୟ ୯ ଜଣ ଅଭିଯୁକ୍ତକୁ ଧରିବାକୁ ପୋଲିସ୍ ଚେଷ୍ଟା ଚଳାଇଛି ।

ଗତ ଅକ୍ଟୋବର ୨୫ ତାରିଖ ଦୁର୍ଗାପୁଜା ସନ୍ଧ୍ୟାରେ ଅଭିଯୁକ୍ତ ଜଣକ ନୟାପାଲ୍ଲୀ ଦୁର୍ଗାପୁଜା ମଣ୍ଡପ ନିକଟରେ ହୋଟେଲ ମାଲିକ  ସାଜନ ସାମନୱେଙ୍କ ସହ ବଚସା ହୋଇଥିଲା । ପରବର୍ତ୍ତୀ ସମୟରେ ମାଲିଙ୍ଗା ଗ୍ୟାଙ୍ଗ ଏବଂ ହୋଟେଲ ମାଲିକଙ୍କ ମଧ୍ୟରେ ଗଣ୍ଡଗୋଳ ହୋଇଥିଲା ।  ମାଲିଙ୍ଗା ଏବଂ ତାଙ୍କ ସହଯୋଗୀମାନେ ଖଣ୍ଡା ଏବଂ ଷ୍ଟମ୍ପ୍ ସାହାଯ୍ୟ ରେ  ହୋଟେଲରେ ପ୍ରବେଶ କରି  ଅଶ୍ଳୀଳ ଭାଷାରେ ଗାଳିଗୁଲଜ କରିଥିଲେ। ତା’ପରେ ହଠାତ୍ ମାଲିଙ୍ଗା ଏବଂ ତାଙ୍କ ସହଯୋଗୀ ହୋଟେଲ ମାଲିକ  ସାଜନ ସାମନୱେଙ୍କୁ ଖଣ୍ଡା ଏବଂ ଷ୍ଟମ୍ପ ଦ୍ୱାରା ଆକ୍ରମଣ କରି ତାଙ୍କ ମୁଣ୍ଡରେ ଏବଂ ଅନ୍ୟ ଶରୀରର ଅଂଶରେ ଗଭୀର ଆଘାତ କରିଥିଲେ ।  ହତ୍ୟା କରିବା ଉଦ୍ଦେଶ୍ୟରେ ଆକ୍ରମଣ କରିଥିଲେ। ସେମାନେ ମୋବାଇଲ୍ ଫୋନ୍, ହୋଟେଲର ଆସବାବପତ୍ର ଏବଂ   କେଟିଏମ୍ ବାଇକ୍ ମଧ୍ୟ ଚୋରି କରିଥିଲେ।  ଏହା ପର ଠାରୁ ମାଲିଙ୍ଗା କନ୍ଧମାଳରେ ଲୁଚି ରହିଥିଲା। ପୋଲିସ୍ ତାଙ୍କୁ ସେଠାରୁ  ଗିରଫ କରି ଜେଲ ପଠାଇଛି ।