ଟାଙ୍ଗୀ,୧୩।୬ ଖୋର୍ଦ୍ଧା ଜିଲ୍ଲାର ପ୍ରସିଦ୍ଧ ପୀଠ ତଥା ପର୍ଯ୍ୟଟନ ସ୍ଥଳୀ ଭୁଷଣ୍ଡପୁର ର ମା' ଉଗ୍ରତାରା ଦେବୀ ଙ୍କ ଦାନବାକ୍ସ ଖୋଲାଯାଇଛି । ଏଥିର ମୋଟ ୯ ଲକ୍ଷ ୬୮ ହଜାର ଟଙ୍କା ମିଳିଛି। 

 ସ୍ଥାନୀୟ ପ୍ରଶାସନ ଉପସ୍ଥିତିରେ ଖୋଲା ଯାଇଥିଲା ଏହି ଦାନବାକ୍ସ । ପ୍ରତିବର୍ଷ ରଜ ଉତ୍ସବ ପାଳନ ପୂର୍ବରୁ ଖୋଲା ଯାଇଥାଏ ଏହି ଦାନବାକ୍ସ । ଭକ୍ତ ଓ ଶ୍ରଦ୍ଧାଳୁ ମାନେ ମା' ଉଗ୍ରତାରା ଦେବୀ ଙ୍କୁ ଯେଉଁ ଦାନ ଅର୍ଥ କରିଥାନ୍ତି ତାହାର ଗଣତି କରାଯାଇଥାଏ । ଟାଙ୍ଗୀ ତହସିଲଦାର ମିତାଲି ପାତ୍ର ଏବଂ ଟାଙ୍ଗୀ ଥାନା ପୋଲିସ ଙ୍କ ସହିତ ମନ୍ଦିର ପରିଚାଳନା କମିଟିର ଉପସ୍ଥିତିରେ ଏହି ଦାନବାକ୍ସ ଖୋଲାଯିବା ପରେ ଗଣତି କରାଯାଇଥିଲା । ଏହି ଦାନବାକ୍ସ ରୁ ୯ ଲକ୍ଷ ୬୮ ହଜାର ଟଙ୍କା ମିଳିଥିବା ଟାଙ୍ଗୀ ତହସିଲଦାର ମିତାଲି ପାତ୍ର ଗଣମାଧ୍ୟମକୁ ସୂଚନା ଦେଇଛନ୍ତି ।