ନରସିଂହପୁର ୦୮/୧୦: ବିଷାକ୍ତ ଛତୁ ଖାଇ ହେଲେ ଅସୁସ୍ଥ । ଗୋଟିଏ ପରିବାରର ୭ଜଣ ଅସୁସ୍ଥ ହୋଇଛନ୍ତି। ସେମାନଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି।

ସୂଚନା ଅନୁଯାୟୀ, ନରସିଂହପୁର ବ୍ଲକ ଅନ୍ତର୍ଗତ ଏକଡ଼ାଳ ଗ୍ରାମରେ ରବୀନ୍ଦ୍ର ଦଳେଇଙ୍କ ପରିବାରର ୭ଜଣ ସଦସ୍ୟ ବିଷାକ୍ତ ଛତୁ ଖାଇ ଅସୁସ୍ଥ ହୋଇଛନ୍ତି। ରବୀନ୍ଦ୍ର ଦଳେଇ (୬୦ ବର୍ଷ)ଙ୍କ ସହିତ ପତ୍ନୀ ମଲ୍ଲୀ ଦଳେଇ (୫୫ ବର୍ଷ) ଦୁଇ ପୁଅ କୃଷ୍ଣଚନ୍ଦ୍ର ଦଳେଇ (୩୮ ବର୍ଷ) ,ରଞ୍ଜନ ଦଳେଇ (୨୬ ବର୍ଷ) ଦୁଇ ବୋହୁ ସୀମାରାଣୀ ଦଳେଇ (୧୯ ବର୍ଷ), ସରସ୍ବତୀ ଦଳେଇ (୩୦ ବର୍ଷ) ଏବଂ ନାତୁଣୀ ସୌମ୍ୟା ରାଣୀ ଦଳେଇ (୯ ବର୍ଷ) ବିଷାକ୍ତ ମୌଳା ଛତୁ ଖାଇ ଅସୁସ୍ଥ ହୋଇ ପଡ଼ିଥିଲେ। ସେମାନଙ୍କୁ ନରସିଂହପୁର ମେଡିକାଲରେ ଚିକିତ୍ସା କରାଯାଉଥିବା ବେଳେ ବର୍ତ୍ତମାନ ତାଙ୍କ ସ୍ୱାସ୍ଥ୍ୟବସ୍ଥା ସ୍ଥିର ଥିବା ଜଣାପଡିଛି।