ଭୁବନେଶ୍ବର, ୨୩/୧ : ବାଙ୍କି ପୋଲିସକୁ ମିଳିଛି ବଡ଼ ସଫଳତା । ୬ଜଣ ଅଭିଯୁକ୍ତଙ୍କୁ ଗିରଫ କରିବା ସହ ଗୋଟିଏ ବୋଲେରୋ ଗାଡ଼ି ଏବଂ ଗୋଟିଏ କାରକୁ ଜବତ କରିଛି ପୋଲିସ। ମେଗା ପାନୀୟ ଜଳ ପ୍ରକଳ୍ପରେ ବ୍ୟବହୃତ ହେଉଥିବା ପାଇପ କୁସୁନ୍ଦା ଅଂଚଳରୁ ଚୋରି ଅଭିଯୋଗରେ କଟକ ଜିଲ୍ଲାର ଖୁଣ୍ଟୁଣୀ, ଗୁରୁଡିଝାଟିଆ ଓ ଖୋର୍ଦ୍ଧା ଅଞ୍ଚଳର କୋଟପଲ୍ଲାରେ ଚଢଉ କରି ବାଙ୍କି ପୋଲିସ ୬ ଜଣଙ୍କୁ ଗିରଫ କରିଛି ।
ଏହି ଘଟଣାରେ ଆଗାମୀ ଦିନରେ ଗିରଫ ସଂଖ୍ୟା ବଢିବ ବୋଲି ପୋଲିସ ପକ୍ଷରୁ ସୂଚନା ମିଳିଛି । ଗତ ଜାନୁଆରୀ ୯ତାରିଖରେ ପାଇପ ଚୋରି ହୋଇଥିବା ନେଇ କମ୍ପାନୀ ପକ୍ଷରୁ ବାଙ୍କୀ ଥାନାରେ ହୋଇଥିଲା ଅଭିଯୋଗ। କେଶ ନମ୍ବର ୯ରେ ମାମଲା ରୁଜୁ କରି ପୋଲିସ ଚଳାଇଥିଲା ଭିନ୍ନ ଭିନ୍ନ ସ୍ଥାନରେ ଚଢ଼ଉ। ଆଜି ଏହି ଚଢ଼ଉରେ ସଫଳ ହୋଇଛି ବାଙ୍କୀ ପୋଲିସ।
