ନୂଆଦିଲ୍ଲୀ, ୧୦/୦୫ : ଭାରତ-ପାକ୍ ଯୁଦ୍ଧ ଭିତରେ ସରକାରଙ୍କ ବଡ଼ ନିଷ୍ପତ୍ତି। ନାଗରିକ ସୁରକ୍ଷାକୁ ଦୃଷ୍ଟିରେ ରଖି ଉତ୍ତର ଏବଂ ପଶ୍ଚିମ ଭାରତର ୩୨ ବିମାନ ବନ୍ଦର ବନ୍ଦ। ଘରୋଇ ବିମାନ ଚଳାଚଳ ଉପରେ ପ୍ରତିବନ୍ଧକ। ମେ ୧୫ ସକାଳ ୫ଟା ୩୦ ଯାଏଁ ଉଡାଣ ରଦ୍ଦ ରହିବ। ଏହି ସମସ୍ତ ବିମାନ ବନ୍ଦରରେ ନୋଟମ ଜାରି କରାଯାଇଛି। ଏହି ମଧ୍ୟରେ ଏୟାର ଇଣ୍ଡିଆ ଏବଂ ଇଣ୍ଡିଗୋ ବହୁ ଉଡାଡ଼ ରଦ୍ଦ କରି ଦେଇଛନ୍ତି। ଇଣ୍ଡିଗୋ ଗ୍ରାହକଙ୍କ ପାଇଁ ଫ୍ଲାଇଟ୍ ସ୍ଥିତି ଯାଞ୍ଚ, ରି-ବୁକିଂ, କିମ୍ଵା ରିଫଣ୍ଡ୍ କରିବା ପାଇଁ ଲିଙ୍କ ସେୟାର କରିଛି।
ସୂଚନାନୁଯାୟୀ, ଅଧମପୁର, ଅମ୍ବାଲା, ଅମୃତସର, ଅବନ୍ତୀପୁର, ବଠିଣ୍ଡା, ଭୁଜ, ବିକାନେର, ଚଣ୍ଡିଗଡ଼, ହଲୱାରା, ହିଣ୍ଡନ, ଜୈସାଲେମର, ଜମ୍ମୁ, ଜାମନଗର, ଜୋଧପୁର, କାଣ୍ଡଲା, କାଙ୍ଗଡା, କେଶୋଦ, କିଶନଗଡ, କୁଲ୍ଲୁ ମନାଲି, ଲେହ, ଲୁଧିୟାନା, ମୁନ୍ଦ୍ରା, ନଲିଆ, ପଠାନକୋଟ, ପଟିଆଲା, ପୋରବନ୍ଦର, ରାଜକୋଟ, ସରସାୱା, ଶିମଲା, ଶ୍ରୀନଗର, ଥୋଇସ୍, ଉତ୍ତରଲାଇ ବିମାନ ବନ୍ଦର ବନ୍ଦ ରଖାଯାଇଛି।
ଭାରତ-ପାକ୍ ଯୁଦ୍ଧ ସ୍ଥିତି ଯୋଗୁଁ ବିମାନ ବନ୍ଦର ଗୁଡ଼ିକରେ ସୁରକ୍ଷା ବ୍ୟବସ୍ଥା କଡ଼ାକଡ଼ି କରାଯାଇଛି। ସମସ୍ତ ଯାତ୍ରୀଙ୍କ ପାଇଁ ସେକେଣ୍ଡାରୀ ଲ୍ୟାଡର ପଏଣ୍ଟ ଚେକ୍ ଅନିବାର୍ଯ୍ୟ କରାଯାଇଛି। ଭିଜିଟର ଏଣ୍ଟ୍ରି ସମ୍ପୂର୍ଣ୍ଣ ଭାବେ ସସପେଣ୍ଡ୍ କରାଯାଇଛି। ଏୟାର ମାର୍ସଲ ନିୟୋଜିତ କରାଯାଇଛି। ଅତି କମ୍ରେ ୩ ଘଣ୍ଟା ଆଗରୁ ବିମାନ ବନ୍ଦରରେ ପହଞ୍ଚିବାକୁ ଏୟାରଲାଇନ ଯାତ୍ରୀମାନଙ୍କୁ ଅନୁରୋଧ କରିଛି।
ଏହି ଖବରଟିକୁ ପଢନ୍ତୁ-ରାଜୌରୀ ଅତିରିକ୍ତ ଜିଲ୍ଲା ଉନ୍ନୟନ କମିଶନରଙ୍କ ଘର ଉପରକୁ ପାକିସ୍ତାନର ଆକ୍ରମଣ, ଅଧିକାରୀଙ୍କ ସମେତ ୨ ମୃତ
