ଲାହୋର: ପାକିସ୍ତାନର ତିନିଟି ବଡ ଏୟାର ବେସ ଉପରେ ଭାରତ ରକେଟ ମାଡ କରିଛି। ଏହି ଆକ୍ରମଣରେ ପାକିସ୍ତାନର ରଫିକି, ମୁରିଦ ଓ ରାୱଲପିଣ୍ଡି ଏୟାର ବେସ ଧ୍ୱସଂ ହୋଇଯାଇଛି। ଅପରେସନ ସିନ୍ଦୁର ପରେ ଏହା ପାକିସ୍ତାନ ଉପରେ ଭାରତର ଏହା ସବୁଠୁ ବଡ ଆକ୍ରମଣ ବୋଲି ବିଶେଷଜ୍ଞମାନେ ମତ୍ତ ପ୍ରକାଶ କରିଛନ୍ତି।
ଏହି ଆକ୍ରମଣରେ ପାକିସ୍ତାନର ଏୟାର ବେସ ଗୁଡିକ ଗୁରୁତର ଭାବେ କ୍ଷତିଗ୍ରସ୍ତ ହୋଇଛନ୍ତି। ପାକିସ୍ତାନ ବାୟୁ ସେନାର ଅନେକ ସାମରିକ ଓ ବେସାମରିକ ବିମାନ ଏହି ଆକ୍ରମଣରେ ନଷ୍ଟ ହୋଇଯାଇଛି। ଏହି ଆକ୍ରମଣ ଏତେ ଭୟଙ୍କର ଥିଲା ଯେ କ୍ଷତିଗ୍ରସ୍ତ ହୋଇଥିବା ବିମାନର ମସିନାରି ଗୁଡିକ ମଧ୍ୟ କାମ କରିବା ବନ୍ଦ କରିଦେଇଛନ୍ତି। ଏନେଇ ପାକିସ୍ତାନ ସେନା ଆଧିକାରିକ ସ୍ତରରେ ଘୋଷଣା କରିଛି।
ପାକିସ୍ତାନ ସେନାର ୱିଙ୍ଗ ଡିଜିଆଇଏସପିଆରଙ୍କ ତରଫରୁ ଭାରତକୁ ଏହାର ପରିଣାମ ଭୋଗିବାକୁ ପଡିବ ବୋଲି ଫମ୍ଫା ଧମକ ମଧ୍ୟ ଦିଆଯାଇଛି। ଭାରତ ଆକ୍ରମଣ କରିଥିବା ଏୟାର ବେସ ଗୁଡିକ ପାକିସ୍ତାନର ସବୁଠୁ ବଡ ଏୟାର ବେସ ଗୁଡିକ ମଧ୍ୟରେ ପରିଗଣିତ ହୋଇଥାଏ। ଏହି ଆକ୍ରମଣ ପରେ ପାକିସ୍ତାନ ନିଜର ସମସ୍ତ ବଡ ସହର ପାଇଁ ହାଇ ଆଲର୍ଟ ଘୋଷଣା କରିଛି।
ଭାରତର ଏହି କାର୍ଯ୍ୟାନୁଷ୍ଠାନରେ ପାକିସ୍ତାନକୁ ବହୁତ କ୍ଷତି ପହଞ୍ଚିଛି। ଏହି ଆକ୍ରମଣପେର ପାକିସ୍ତାନ ବାୟୁସେନା ନିଜ ମେସିନାରୀ ଗୁଡିକୁ ଚାଲୁ ମଧ୍ୟ କରିପାରି ନଥିଲା। ଇସ୍ଲାମାବାଦ, ରାୱଲପିଣ୍ଡି, ସିଆଲକୋଟ, ଲାହୋର ଓ ପେଶାୱର ଉପରେ ଭାରତର ଅନେକ ଡ୍ରୋନ ଘୁରି ବୁଲୁଛି ବୋଲି ପାକିସ୍ତାନ ସେନା ଦାବି କରିଛି। ଏହାଛଡା ଗୁଜରାୱାଲା, ଅଟକ ଓ ଅନ୍ୟ ବଡ ସହରମାନଙ୍କରେ ମଧ୍ୟ ସମାନ ପରିସ୍ଥିତି ରହିଥିବା ଜଣାପଡିଛି।
