ସୁନ୍ଦରଗଡ, ୨୮/୯ : ଛତିଶଗଡ଼ ଜସପୁର ଜିଲ୍ଲା ତପକରା ଥାନା ଅନ୍ତର୍ଗତ ଲୁଆକେରା କୁନକୁରି ମୁଖ୍ୟ ରାସ୍ତା କତେଇବିରାଠାରେ ଏକ ଟ୍ରକ୍ ଧକ୍କାରେ ଦୁଇ ଜଣ ହକି ଖେଳାଳୀଙ୍କ ଘଟଣାସ୍ଥଳରେ ମୃତ୍ୟୁ । ମୃତ ଦୁଇ ଯୁବକ ହକି ଖେଳାଳୀ ହେଲେ ତଳସରା ଥାନା ଅନ୍ତର୍ଗତ ରାମପୁର ପଞ୍ଚାୟତ ଲିମଡ଼ିହି ଗ୍ରାମର ସଚିନ କିଣ୍ଡୋ, ସୁମିଲନ ଟପ୍ପୋ।
ଛତିଶଗଡ଼ର ଫରସାବାହାର ଗ୍ରାମ ବଳୁଆବାହାଲ ଠାରେ ହକି ଖେଳିବାକୁ ଯାଇଥିଲେ । ରାମପୁର ଲିମଡ଼ିହି ଗ୍ରାମର ଦୁଇ ଯୁବ ହକି ଖେଳାଳୀ ନିଜ ସ୍କୁଟିରେ ଘରକୁ ଫେରୁଥିବା ସମୟରେ କତେଇବିରା ଗ୍ରାମଠାରେ ଟ୍ରକ ଧକ୍କା ଫଳରେ ହିଁ ଘଟଣାସ୍ଥଳରେ ଦୁଇ ଜଣଙ୍କ ମୃତ୍ୟୁ ଘଟିଛି । ତପକରା ଥାନା ଅଧିକାରୀ ଖୋମରାଜ ଠାକୁରଙ୍କ ସୂଚନା ଅନୁଯାୟୀ ଟକ୍ ଡ୍ରାଇଭର ଫେରାର ଥିବାବେଳେ ସ୍କୁଟି ଏବଂ ଟ୍ରକ୍କୁ ଜବତ କରିଥିବା ଜଣାପଡ଼ିଛି।
