ସମ୍ବଲପୁର, ୧୦।୧୧ : ସଦର ଥାନା କୁଦୋପାଲିରେ ମର୍ମନ୍ତୁଦ ସଡକ ଦୁର୍ଘଟଣା । ପିକଅପକୁ ପଛ ପଟରୁ ବାଡେଇଲା କଣ୍ଟେନର । ଘଟଣାରେ ୨ଜଣଙ୍କ ମୃତ୍ୟୁୂ ହୋଇଛି । ଏଥିସହ ୬ ଜଣ ଆହତ ହୋଇଛନ୍ତି।
କେନଘାଟିରେ କେତେ ଜଣ ଶ୍ରମିକ ରହି ରେଲବାଇ କର୍ଲଭର୍ଟ କାମ କରୁଥିଲେ । ରବିବାର ସିନ୍ଦୁରପଙ୍କକୁ ୯ଜଣ ଶ୍ରମିକ ବଜାର କରିବା ପାଇଁ ଆସୁଥିଲେ । ବଜାର ସାରି ଏକ ପିକଅପ ଭ୍ୟାନରେ କେନଘାଟି ଫେରୁଥିଲେ। ଏହି ସମୟରେ ଦେବଗଡ ଯାଉଥିବା ଏକ କଣ୍ଟେନର ପଛପଟୁ ପିକଅପକୁ ଧକ୍କା ଦେଇଥିଲା । ଫଳରେ ଦୁର୍ଘଟଣାରେ ୨ଜଣଙ୍କ ମୃତ୍ଯୁ ହୋଇଥିବାବେଳେ ୬ଜଣ ଆହତ ହୋଇଥିଲେ । ଆହତଙ୍କ ମଧ୍ଯରୁ ୩ ଜଣଙ୍କୁ ବୁର୍ଲା ପଠା ଯାଇଛି । ସେପଟେ ଦୁର୍ଘଟଣା ଘଟାଇଥିବା କଣ୍ଟେନର ଡ୍ରାଇଭର ଫେରାର ହୋଇଯାଇଛି।
