କୋଟା, ୨୮/୦୮: ଇଞ୍ଜିନିୟରିଂ ହେଉ କି ମେଡିକାଲ୍ ପଢ଼ିବା ଲାଗି ରାଜସ୍ଥାନର କୋଟାକୁ ଛୁଟି ଆସିଥାନ୍ତି ଛାତ୍ରଛାତ୍ରୀ । କୋଚିଂ ପାଇଁ ପ୍ରସିଦ୍ଧ କୋଟାରେ ରବିବାର ମାତ୍ର ୪ ଘଣ୍ଟା ବ୍ୟବଧ୍ୟାନରେ ୨ ଜଣ ଆତ୍ମହତ୍ୟା କରିଛନ୍ତି । ଏଥିସହ ଚଳିତ ବର୍ଷ ଆତ୍ମହତ୍ୟା ସଂଖ୍ୟା ୨୩କୁ ବୃଦ୍ଧି ପାଇଛି ।
ମହାରାଷ୍ଟ୍ରର ୧୭ ବର୍ଷୀୟ ଅଭିସ୍କାର ଶାମ୍ବାଜୀ କସଲେ ଓ ବିହାରର ୧୮ ବର୍ଷୀୟ ଆଦର୍ଶ ରାଜ ପୃଥକ ପୃଥକ ଭାବେ ଜୀବନ ହାରିଛନ୍ତି । କୋଚିଂ ସେଣ୍ଟରର ୬ ମହଲା ଛାତରୁ ଡେଇଁ ଅଭିସ୍କାର ଜୀବନ ହାରିଥିବା ବେଳେ ଭଡ଼ା ଘରେ ଆତ୍ମହତ୍ୟା କରିଛନ୍ତି ଆଦର୍ଶ ।
କୋଟାରେ ଜଣଙ୍କ ପରେ ଜଣେ ଛାତ୍ରଙ୍କ ଆତ୍ମହତ୍ୟା ଛାତ୍ରଛାତ୍ରୀଙ୍କ ସମେତ ଅଭିଭାବକଙ୍କୁ ଚିନ୍ତିତ କରିଛି । ପ୍ରଶାସନ ଚିନ୍ତା ପ୍ରକଟ କରିବା ସହ କୋଟା ଜିଲ୍ଲାପାଳ ଆତ୍ମହତ୍ୟା ମାମଲାକୁ ଦେଖି ଆଡଭାଇଜରି ଜାରି କରିଛନ୍ତି । ସମସ୍ତ କୋଚିଂ ସେଣ୍ଟର ଆଗାମୀ ୨ ମାସ ଯାଏଁ ନିଟ୍ ଓ ଜେଇଇ କୋଚିଂ ନେଉଥିବା ଛାତ୍ରଛାତ୍ରୀଙ୍କ ନିୟମିତ ଟେଷ୍ଟ ନେବାକୁ ମନା କରାଯାଇଛି ।
୨୦୨୨ ମସିହାରେ କୋଟାରେ ୧୫ ଜଣ ଜୀବନ ହାରିଥିଲେ । ଡିସେମ୍ବର ମାସରେ ଗୋଟିଏ ଦିନରେ ଆତ୍ମହତ୍ୟା କରିଥିଲେ ୩ ଜଣ । ତଥ୍ୟ ଅନୁସାରେ, କୋଭିଡ୍ ପରେ କୋଟାରେ ଆତ୍ମହତ୍ୟା ସଂଖ୍ୟା ୬୦ ପ୍ରତିଶତକୁ ବୃଦ୍ଧି ପାଇଛି । ୨୦୧୭ରେ ୧୦ ଜଣ, ୨୦୧୮ରେ ୧୨ ଜଣ ଏବଂ ୨୦୨୧ରେ କୋଟାରେ ୯ ଜଣ ଜୀବନ ହାରିଥିଲେ ।
କରଡ଼ି ପାଇଁ ଜଙ୍ଗଲରେ ପହରା... ସହରରେ ପସରା, ୨ ମାସରେ ଜିଲ୍ଲାରୁ ୫ ହଜାର ଟନ୍ର ବେପାର
ଛାତ୍ର ଆତ୍ମହତ୍ୟା ପଛର ବଡ଼ କାରଣ ମାନସିକ ଚାପ ବୋଲି କହିଛନ୍ତି ବିଶେଷଜ୍ଞ । ମନସ୍ତତ୍ୱବିତଙ୍କ ଅନୁସାରେ, କୋଟାର କୋଚିଂ ସେଣ୍ଟରରେ ନାମଲେଖା ଲାଗି ସର୍ବନିମ୍ନ ବୟସ ସୀମା ଧାର୍ଯ୍ୟ ହେବା ଆବଶ୍ୟକ । ପ୍ରତିବର୍ଷ କୋଟାକୁ କୋଚିଂ ଲାଗି ୨ ଲକ୍ଷରୁ ଅଧିକ ଛାତ୍ରଛାତ୍ରୀ ଆସିଥାନ୍ତି ।
