ଜାକର୍ତ୍ତା,୦୫/୧୨: ଇଣ୍ଡୋନେସିଆର ସୁମାତ୍ରା ଦ୍ୱୀପରେ ଥିବା ମାରାପି ପର୍ବତରେ ରବିବାର ଆଗ୍ନେୟଗିରି ଉଦ୍ଗିରଣ ହୋଇଛି । ଏଥିରେ ଅନ୍ୟୁନ ୧୧ ପର୍ବତାରୋହୀଙ୍କ ମୃତ୍ୟୁ ଘଟିଛି । ଆହୁରି ୧୨ ଜଣଙ୍କୁ ଉଦ୍ଧାର ପାଇଁ ଉଦ୍ୟମ ଜାରି ରହିଛି । ୪୯ ଜଣଙ୍କୁ ଜୀବନ୍ତ ଉଦ୍ଧାର କରଯାଇପାରିଛି । ୨,୮୯୧ କିଲୋମିଟର ଉଚ୍ଚତାରେ ଥିବା ଏହି ଆଗ୍ନେୟଗିରିରୁ ପ୍ରାୟ ୩ କିମି ଉଚ୍ଚତା ପର୍ଯ୍ୟନ୍ତ ନିଆଁ ଓ ପାଉଁଶ ଉଠିଥିଲା । ଏଥିଯୋଗୁ ଆଖପାଖ ଅଞ୍ଚଳରେ ଥିବା ରାସ୍ତା ଏବଂ ଗାଡ଼ି ପାଉଁଶରେ ପୋତି ହୋଇଯାଇଥିଲା । ସୋମବାର ମଧ୍ୟ ସେଠାରେ ଛୋଟ ବିସ୍ଫୋରଣ ହୋଇଥିଲା । ଫଳରେ ଉଦ୍ଧାରକାର୍ଯ୍ୟ ବାଧାପ୍ରାପ୍ତ ହୋଇଥିଲା । ମାରାପି ଅର୍ଥ ନିଆଁର ପାହାଡ଼ । ସୁମାତ୍ରା ଦ୍ୱୀପରେ ଏହା ସବୁଠୁ ସକ୍ରିୟ ଆଗ୍ନେୟଗିରି ।
ହମାସର ବଙ୍କର ଓ ସୁଡଙ୍ଗ ଭିତରେ ପମ୍ପ ଲଗାଇ ପାଣି ଭର୍ତ୍ତି କଲା ଇସ୍ରାଏଲ
ରିପୋର୍ଟ ଅନୁସାରେ, ଏହି ପର୍ବତ ଅରୋହଣର ଦୁଇ ରାସ୍ତା ଆଗ୍ନେୟଗିରି ବିସ୍ଫୋରଣ ହୋଇଥିବା ସ୍ଥାନର ନିକଟବର୍ତ୍ତୀ । ଏବେ ସେହି ରାସ୍ତାକୁ ବନ୍ଦ କରିଦିଆଯାଇଛି । ଏଥିସହ ଜ୍ୱାଳାମୁଖୀ ବିସ୍ଫୋରଣ ସ୍ଥାନରୁ ୩ କିମି ପରିଧିରେ ଥିବା ଗ୍ରାମକୁ ମଧ୍ୟ ଖାଲି କରାଯାଇଛି । ପଡାଙ୍ଗ୍ ସର୍ଚ୍ଚ ଆଣ୍ଡ୍ ରେସ୍କ୍ୟୁ ଏଜେନ୍ସି ମୁଖ୍ୟ ଅବଦୁଲ ମଲିକଙ୍କ ସୂଚନା ଅନୁଯାୟୀ, ଶନିବାରଠାରୁ ପର୍ବତ ଉପରେ ୭୦ରୁ ଊଦ୍ଧ୍ୱର୍ ପର୍ବତାରୋହୀ ଥିଲେ ।
ମାତ୍ର ୧୫ ସେକେଣ୍ଡରେ ଆଇନ୍ ଲେଖିଲା ChatGPT, ସରକାର କଲେ ପାରିତ
ସେମାନଙ୍କ ମଧ୍ୟରୁ ୧୨ ଜଣ ନିଖୋଜ ଅଛନ୍ତି । ୪୯ ଜଣଙ୍କୁ ଉଦ୍ଧାର କରଯାଇଛି । କେତେଜଣଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି । ପର୍ବତାରୋହୀଙ୍କୁ ଉଦ୍ଧାର ପାଇଁ ରେସ୍କ୍ୟୁ ଟିମ୍ ରାତିରେ ମଧ୍ୟ ଉଦ୍ୟମ ଜାରି ରଖିଛନ୍ତି । ପ୍ରକାଶଥାଉ ଯେ, ଏହି ଦକ୍ଷିଣପୂର୍ବ ଏସୀୟ ଦେଶରେ ପ୍ରାୟ ୧୩୦ ସକ୍ରିୟ ଆଗ୍ନେୟଗିରି ରହିଛି । ଇଣ୍ଡୋନେସିଆର ଦ୍ୱୀପପୁଞ୍ଜ ପାସିଫିକ୍ ରିଙ୍ଗ୍ ଅଫ୍ ଫାୟାରରେ ରହିଛି, ଯେଉଁଠି ମହାଦ୍ୱୀପୀୟ ପ୍ଲେଟ୍ର ମିଳନ ଯୋଗୁ ଆଗ୍ନେୟ ଉଦ୍ଗିରଣ ଏବଂ ଭୂମିକମ୍ପ ହୋଇଥାଏ ।
