ବାଲିକୁଦା,୧୬/୫: ବିଦ୍ୟୁତ ଆଘାତରେ ଜଣେ ଯୁବକଙ୍କ ମୃତ୍ୟୁ ଘଟିଛି। ମୃତ ଯୁବକ ଜଣକ ହେଉଛନ୍ତି ଜଗତସିଂହପୁର ଜିଲ୍ଲା ବାଲିକୁଦା ବ୍ଲକ ଅଧୀନ ଅନନ୍ତପୁର ଫାଣ୍ଡି ଅନ୍ତର୍ଗତ ଭୁଆସୁଣୀ ଗାଁର କଳ୍ପତରୁ ବିଶ୍ବାଳଙ୍କ ପୁଅ ମେଘମହ୍ଲାର ବିଶ୍ବାଳ (୨୨)।
ମେଘମହ୍ଲାର ନିଜ ବାଡ଼ିରେ ଲାଗିଥିବା ଭେଣ୍ଡି କିଆରୀରେ ପାଣି ଦେବା ଲାଗି ବିଦ୍ୟୁତ ଚାଳିତ ମୋଟର ଯୋଗେ ପାଣି ଦେଉଥିଲେ। ଏହି ସମୟରେ ସେ ସଂଯୋଗିତ ବିଦ୍ୟୁତ ତାର ସଂସ୍ପର୍ଶରେ ଆସିଯିବାରୁ ଘଟଣାସ୍ଥଳରେ ହିଁ ତାଙ୍କର ପ୍ରାଣବାୟୁ ଉଡିଯାଇଥିଲା। ସେଠାରେ ଉପସ୍ତିତ ଥିବା ତାଙ୍କ ପରିବାର ଲୋକେ ତାଙ୍କୁ ସଙ୍ଗେସଙ୍ଗେ ୧୦୮ ଆମ୍ବୁଲାନ୍ସ ଯୋଗେ ବାଲିକୁଦା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରକୁ ନେଇ ଆସିଥିଲେ। ହେଲେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।
