ପାଳଲହଡା, ୧୨/୦୮ : ଟ୍ରକ୍ ଧକ୍କାରେ ଯୁବକ ମୃତ। ଶବ ରଖି ରାସ୍ତା ଅବରୋଧ କଲେ ଗ୍ରାମବାସୀ। ଅନୁଗୋଳ ପାଳଲହଡା ବ୍ଲକ ଖମାର ଥାନା ୧୪୯ନଂ ଜାତୀୟ ରାଜପଥ କଲଣ୍ଡା ଗାଁ ନିକଟରେ ଏହି ଦୁର୍ଘଟଣା ଘଟିଛି। ମୃତକ ଜଣଙ୍କ କଲଣ୍ଡା ଗାଁର ବସନ୍ତ ମହାନ୍ତି ବୋଲି ଜଣାପଡ଼ିଛି।
ସୂଚନାନୁଯାୟୀ, ମଙ୍ଗଳବାର ଭୋର୍ ପ୍ରାୟ ୫ଟା ବେଳେ କଲଣ୍ଡା ଗାଁର ବସନ୍ତ ମହାନ୍ତି (୪୨ ବର୍ଷ) ଶୌଚ ହେବା ପାଇଁ ଯାଉଥିବା ବେଳେ ଏକ ଟ୍ରକ୍ ତାଙ୍କୁ ଧକ୍କା ଦେଇଥିଲା। ଫଳରେ ଘଟଣାସ୍ଥଳରେ ବସନ୍ତଙ୍କ ମୃତ୍ୟୁ ଘଟିଥିଲା। ଉତ୍ତ୍ୟକ୍ତ ଲୋକେ ଶବ ରଖି କ୍ଷତିପୂରଣ ଦାବିରେ ୧୪୯ନଂ ଜାତୀୟ ରାଜପଥ ଅବରୋଧ କରିଥିଲେ। ପାଳଲହଡା ତହସିଲଦାର ଆକାଂକ୍ଷା ମହାପାତ୍ର ଓ ଖମାର ଥାନା ଅଧିକାରୀ ଅରୁଣ କୁମାର ପଣ୍ଡା ଘଟଣାସ୍ଥଳରେ ପହଞ୍ଚି ଉତ୍ୟକ୍ତ ଗ୍ରାମବାସୀଙ୍କୁ ବୁଝାସୁଝା କରିଛନ୍ତି। ଉପଯୁକ୍ତ କ୍ଷତିପୂରଣ ମିଳିବାର ପ୍ରତିଶୃତି ଦେବା ପରେ ଦୀର୍ଘ ୪ ଘଣ୍ଟା ପରେ ରାସ୍ତାରୋକ ହଟିଛି। ମୃତକଙ୍କ ପରିବାରକୁ ରେଡକ୍ରସ୍ରୁ ୫ ହଜାର ଟଙ୍କା ଓ ହରିଶ୍ଚନ୍ଦ୍ର ଯୋଜନାରେ ୩ ହଜାର ଟଙ୍କା ପ୍ରଦାନ କରାଯାଇଛି।
