ସୋରଡ଼ା, ୧୧।୮: ସୋରଡ଼ାର ବହୁ ପୁରାତନ ସୀତାରାମ ରଙ୍ଗମଞ୍ଚର ପୁନଃରୁଦ୍ଧାର ହୋଇଛି । ନୂତନ ରୂପରେଖରେ ଏହି ରଙ୍ଗମଞ୍ଚ ଲୋକାର୍ପିତ ହୋଇଛି I ଏହି ବିଶାଳ ଗୃହର ନବୀକରଣ ପାଇଁ ଉଦ୍ୟମ ଆରମ୍ଭ ହୋଇଛି I ପ୍ରଥମ ପର୍ଯ୍ୟାୟରେ କାନ୍ଥ, ଚଟାଣ, ରଙ୍ଗକରଣ କାର୍ଯ୍ୟ ଶେଷ ହୋଇଛି I ସୋମବାର ନଗରପାଳ ଶିବଶଙ୍କର ପଣ୍ଡା, କାଉନସିଲର ରଜନୀକାନ୍ତ ମହାପାତ୍ର, ମାଛ ସୋସାଇଟି ସମ୍ପାଦକ ତାରା ପ୍ରସାଦ ପାଢ଼ୀ, ପ୍ରମୁଖ ନିର୍ମାଣ କାର୍ଯ୍ୟ ଅନୁଧ୍ୟାନ କରିଛନ୍ତି I 

ସହରର ବହୁ ପୁରାତନ ଏହି ମଞ୍ଚରେ କାହିଁ କେଉଁ ଆବାହମାନ କାଳରୁ ନାଟକ, ସଭା, ସମିତି, ଭୋଜି ଆସର, ମେଳା, ପ୍ରଦର୍ଶନୀ ଆୟୋଜିତ ହୋଇଥାଏ I ଏକମାତ୍ର ଏହି ମଞ୍ଚରେ ସହସ୍ରାଧିକ ନାଟକ, ଅପେରା ମଞ୍ଚସ୍ଥ ହୋଇଛି I ଏନଏସି କନିଷ୍ଟ ଯନ୍ତ୍ରୀ ସୁରେନ୍ଦ୍ର ମହାରଣାଙ୍କ କହିବା ଅନୁଯାୟୀ, ମୁଖ୍ୟମନ୍ତ୍ରୀ ସହାୟତା ଯୋଜନାରେ ସାଢ଼େ ୪ ଲକ୍ଷ ଟଙ୍କା ବ୍ୟୟ କରାଯାଇ ଏହାର ପୁନଃରୁଦ୍ଧାର କରାଯାଇଛି I ଏହାକୁ ଆହୁରି ସୁନ୍ଦର କରାଯିବାକୁ ପ୍ରୟାସ ଆରମ୍ଭ ହୋଇଛି ବୋଲି କହିଛନ୍ତି I