କଳାହାଣ୍ଡି,୧୨/୦୮: ଗାଁରେ ଭାଲୁ ଆତଙ୍କ। କଳାହାଣ୍ଡି ଜିଲ୍ଲା କୋକସରା ବ୍ଲକ ଆମପାଣି ଘାଟିରେ ଥିବା ବୁଢ଼ାରଜା ମନ୍ଦିରରେ ଭାଲୁ ବୁଲୁଥିବା ଦେଖିବାକୁ ମିଳିଥିଲା । ଯାହାକୁ ନେଇ ଭୟଭୀତ ହୋଇପଡିଛନ୍ତି ଲୋକ ।
ସୂଚନା ମୁତାବକ, ଗତକାଲି ବିଳମ୍ବିତ ରାତିରେ ଏକ ଭାଲୁ ବିଚରଣ କରୁଥିବା ଦେଖିବାକୁ ମିଳିଥିଲା। ସାହାଜଖୋଲ ଜଙ୍ଗଲରୁ ଏହି ଭାଲୁଟି ମନ୍ଦିରକୁ ଖାଦ୍ୟ ଅନ୍ୱେଷଣରେ ଅନେକ ସମୟରେ ପୂର୍ବରୁ ମଧ୍ୟ ଆସୁଥିଲା। ଭାଲୁ କିଛି ସମୟ ରହିବା ପରେ ପୁଣି ନିକଟସ୍ଥ ଜଙ୍ଗଲକୁ ଫେରି ଯାଇଥିବା ସୂଚନା ମିଳିଛି। ତେବେ ଜଙ୍ଗଲ ପଦା ହେଉଥିବାରୁ ଖାଦ୍ୟ ଅନ୍ବେଷଣ ପାଇଁ ଗାଁ ମୁହାଁ ହେଉଛନ୍ତି ଭାଲୁ । ହଠାତ ଭାଲୁ ଚାଲି ଆସୁଥିବା ବେଳେ କିଛି ଅଘଟଣ ଘଟିବାର ମଧ୍ୟ ସମ୍ଭାବନା ରହିଛି । ତେଣୁ ବନ ବିଭାଗ ଭାଲୁଙ୍କ ଉପରେ ନଜର ରଖିବାକୁ ଦାବି ହୋଇଛି ।
