ଗୋପାଳପୁର,୦୧/୦୪: ମାନସିକ ସ୍ତରରେ ଅସୁସ୍ଥ ଥିବା ବ୍ୟକ୍ତିଙ୍କ ପାଇଁ ଏକ ମାସ ଧରି ଚାଲିଥିବା ଯୋଗ ଶିକ୍ଷା ଶିବିର ଉଦଯାପିତ। ବ୍ରହ୍ମପୁର ସହର ନିକଟସ୍ଥ ପାଲୁରୁହିଲଠାରେ ଓଡିଶା ସରକାରଙ୍କ ଇଣ୍ଟିଗ୍ରେଟେଡ ଇମ୍ଫାଷ୍ଟ୍ରକଚର୍ କମ୍ପ୍ଲେକ୍ସରେ ଏହି ଯୋଗ ଶିବିର ଆୟୋଜିତ ହୋଇଯାଇଛି। ଆଇଆରଇର ଅବସରପ୍ରାପ୍ତ ଅଧିକାରୀ ସୁକାନ୍ତ ପଟ୍ଟନାୟକଙ୍କ ପ୍ରଚେଷ୍ଟାରେ ଏହି ଯୋଗ ଶିବିର ଆୟୋଜନ କରାଯାଇଥିଲା। ଏଥିରେ ପତାଞ୍ଜଳି ଯୋଗ ସମିତି, ବ୍ରହ୍ମପୁର ଶାଖାର ସହଯୋଗରେ ଏକ ମାସଧରି ଚାଲୁ ରହିଥିଲା । ଏହି ଶିବିରରେ ଯୋଗ ଗୁରୁ ଜଗନ୍ନାଥ ପାଣିଗ୍ରାହୀଙ୍କ ପ୍ରତ୍ୟେକ୍ଷ ଶିକ୍ଷା ତତ୍ତ୍ବାବଧାନରେ ମାନସିକ ଅସୁସ୍ଥ ବ୍ୟକ୍ତିମାନଙ୍କୁ ଯୋଗ ଶିକ୍ଷା ପ୍ରଦାନ କରାଯାଇଥିଲା।
ଏହା ମଧ୍ୟ ପଢନ୍ତୁ- ଏମିତି ପାଳନ ହେଉଛି ଓଡ଼ିଶା ଦିବସ: ଫଳକରୁ ଉଭାନ ଓଡ଼ିଆ ଅସ୍ମିତା, ବେଳାଭୂମିରେ ବଙ୍ଗାଳୀ ଭାଷାର ପ୍ରଭୁତ୍ୱ
ଏଥିରେ ୧୬୦ଜଣ ପୁରୁଷ ଓ ମହିଳା ମାନସିକ ଅସୁସ୍ଥ ବ୍ୟକ୍ତି ଯୋଗ ଶିକ୍ଷା ଗ୍ରହଣ କରିଥିଲେ। ଯୋଗ ଶିକ୍ଷାଦ୍ଵାରା ମାନସିକ ଅସୁସ୍ଥ ବ୍ୟକ୍ତିଙ୍କ ସ୍ବାସ୍ଥ୍ୟ ଓ ମାନସିକ ସ୍ତରରେ ଉନ୍ନତି ହୋଇଥିବା ଜଣାପଡ଼ିଛି। ଆଜି ଉଦଯାପନ ସମାରୋହ ଥିବା ବେଳେ ଏଥିରେ ମୁଖ୍ୟ ଅତିଥି ଭାବେ ବ୍ରହ୍ମପୁର ଷ୍ଟେଟ ବ୍ୟାଙ୍କର ଖେତ୍ରପାଳ ହରିକୃଷ୍ଣ ପଣ୍ଡା ଯୋଗ ଦେଇ ସାଧୁବାଦ ଜଣାଇଥିଲେ। ସେହିପରି ବ୍ରହ୍ମପୁର ପତାଞ୍ଜଳୀ ପ୍ରଭାରୀ ଶିଶିର କୁମାର ଦାସଙ୍କ ନିର୍ଦେଶକ୍ରମେ ଏହି ଶିବର ଏକ ମାସ ଧରି ଚାଲିଥିଲା। ଆଗାମୀ ଦିନରେ ଯୋଗଗୁରୁ ଜଗନ୍ନାଥଙ୍କ ଠାରୁ ତାଲିମ ପାଇଥିବା ଆଶୁତୋଷ ପଣ୍ଡା, ସୁଶ୍ରୀ ସୃତି ପଟ୍ଟନାୟକ ଏହି ଯୋଗ କର୍ଯ୍ୟକ୍ରମ ଚାଲୁ ରଖିବେ।
