ନୂଆଦିଲ୍ଲୀ: ୱାଶିଂଟନ ଏବଂ କିଭ ମଧ୍ୟରେ ଏକ ନୂତନ ଚୁକ୍ତିନାମା ସ୍ୱାକ୍ଷରିତ ହୋଇଛି। ଏହା ଚୁକ୍ତି ଅନୁସାରେ ୟୁକ୍ରେନରେ ଥିବା ଖଣିଜ ଭଣ୍ଡାରରେ ଆମେରିକା ନିବେଶ କରିବ। କାରଣ ଏହା ଯୁଦ୍ଧଗ୍ରସ୍ତ ଦେଶକୁ ସାମରିକ ସହାୟତା ହ୍ରାସ କରିବାକୁ ଚାହୁଁଛି। ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଏବଂ ୟୁକ୍ରେନୀୟ ନେତା ଭୋଲୋଡିମିର ଜେଲେନ୍ସକିଙ୍କ ମଧ୍ୟରେ ବିବାଦ ପରେ ଏହି ଚୁକ୍ତି ହୋଇଛି । ତେବେ ଏହି ଚୁକ୍ତି ବିଷୟରେ ଯାହା ଜଣାପଡୁଛି, ୟୁକ୍ରେନ ପାଇଁ କୌଣସି ସୁରକ୍ଷା ଗ୍ୟାରେଣ୍ଟି ନାହିଁ । 

ଏହି ଚୁକ୍ତି କଣ...

ଟ୍ରମ୍ଫ ଫେବୃଆରୀ ୨୦୨୨ ରେ ରୁଷର ଆକ୍ରମଣ ପର ଠାରୁ ତାଙ୍କ ପୂର୍ବବର୍ତ୍ତୀ ଜୋ ବାଇଡେନଙ୍କ ପ୍ରଶାସନ ଅଧୀନରେ ୟୁକ୍ରେନକୁ ଦିଆଯାଇଥିବା ଆମେରିକୀୟ ସହାୟତା ପାଇଁ କ୍ଷତିପୂରଣ ଦାବି କରିଥିଲେ। ଜର୍ମାନ ଅର୍ଥନୈତିକ ଗବେଷଣା ସଂସ୍ଥା କିଏଲ ଇନଷ୍ଟିଚ୍ୟୁଟ୍ ଅନୁଯାୟୀ, ଆମେରିକା ୟୁକ୍ରେନକୁ ଦେଇଥିବା ପ୍ରାୟ ଚାରି ଗୁଣ ପରିମାଣ, ଯାହା ବର୍ତ୍ତମାନ ୧୨୦ ବିଲିୟନ ଡଲାର ରହିଛି, ଆମେରିକାର ନେତା ୫ ଶହ ବିଲିୟନ କ୍ଷତିପୂରଣ ଦାବି କରିଥିଲେ।

ଜେଲେନ୍ସକି ଚୁକ୍ତିର ସେହି ସଂସ୍କରଣକୁ ଅସ୍ବିକାର କରି କହିଥିଲେ ଯେ, ସେ ଏପରି ଏକ ଚୁକ୍ତିରେ ସ୍ୱାକ୍ଷର କରିବେ ନାହିଁ ଯାହାକି ୟୁକ୍ରେନୀୟ ମାନଙ୍କୁ "ଦଶ ପିଢ଼ି" ପର୍ଯ୍ୟନ୍ତ ଦେବାକୁ ପଡିବ। ୟୁକ୍ରେନ ଦୀର୍ଘକାଳୀନ ଆମେରିକୀୟ ନିବେଶକୁ ସୁରକ୍ଷିତ କରିବା ପାଇଁ ଖଣିଜ ଚୁକ୍ତିରେ ରାଜି ହୋଇଛି । କାରଣ ଟ୍ରମ୍ପ ସାରା ବିଶ୍ୱରେ ଆମେରିକାର ସୁରକ୍ଷା ପ୍ରତିଶ୍ରୁତିକୁ ବ୍ୟାପକ ଭାବରେ ହ୍ରାସ କରିଛନ୍ତି।

ତେବେ ଟ୍ରମ୍ପ ୟୁକ୍ରେନକୁ ସୁରକ୍ଷା ଗ୍ୟାରେଣ୍ଟି ଦେବାକୁ ପଛଘୁଞ୍ଚା ଦେଇଛନ୍ତି ଏବଂ ନାଟୋରେ ଯୋଗଦେବା ପାଇଁ ଏହାର ପ୍ରସ୍ତାବକୁ ପ୍ରତ୍ୟାଖ୍ୟାନ କରିଛନ୍ତି । କିନ୍ତୁ ସେ କହିଛନ୍ତି ଯେ ଭୂମିରେ ଆମେରିକାର ଉପସ୍ଥିତି ୟୁକ୍ରେନକୁ ଲାଭଦାୟକ ହେବ।

ଏହା କିପରି କାମ କରିବ?

ଦୁଇ ଦେଶ ଏକ ମିଳିତ ପୁନଃନିର୍ମାଣ ନିବେଶ ପାଣ୍ଠି ପ୍ରତିଷ୍ଠା କରିବେ,ଯେଉଁଥିରେ ପ୍ରତ୍ୟେକ ପକ୍ଷର ସମାନ ଅଧିକାର ରହିବ। ପାଣ୍ଠିର ଲାଭ କେବଳ ୟୁକ୍ରେନରେ ବିନିଯୋଗ କରାଯିବ, ଯାହାକୁ ଫେବୃଆରୀ ୨୦୨୨ ରେ ରୁଷର ଆକ୍ରମଣ ପରଠାରୁ ଆମେରିକୀୟ ସମର୍ଥନରେ କୋଟି କୋଟି ଡଲାର ପାଇଁ କୌଣସି "ଋଣ" ଫେରସ୍ତ କରିବାକୁ କୁହାଯିବ ନାହିଁ। ପ୍ରଧାନମନ୍ତ୍ରୀ ଡେନିସ୍ ସିମଗାଲ୍ କହିଛନ୍ତି ଯେ ୟୁକ୍ରେନର "ଏହାର ଉପଭୁମି, ଭିତ୍ତିଭୂମି ଏବଂ ପ୍ରାକୃତିକ ସମ୍ପଦ ଉପରେ ପୂର୍ଣ୍ଣ ନିୟନ୍ତ୍ରଣ ରହିବ"। ଏହି ଚୁକ୍ତି ପ୍ରଥମ ୧୦ ବର୍ଷ ପାଇଁ ୟୁକ୍ରେନରେ ଖଣିଜ, ତୈଳ ଏବଂ ଗ୍ୟାସ ପ୍ରକଳ୍ପ ସହିତ ଭିତ୍ତିଭୂମି ଏବଂ ପ୍ରକ୍ରିୟାକରଣକୁ ସ୍ୱତନ୍ତ୍ର ଭାବରେ ଆର୍ଥିକ ସହାୟତା ପ୍ରଦାନ କରିବ, ଯାହା ପରେ "ଭାଗୀଦାର ମାନଙ୍କ ମଧ୍ୟରେ ଲାଭ ବଣ୍ଟନ କରାଯାଇ ପାରିବ।"

ୟୁକ୍ରେନ ପାଖରେ କେଉଁ ସମ୍ପଦ ଅଛି?

ବିଭିନ୍ନ ଆକଳନ ଅନୁଯାୟୀ, ୟୁକ୍ରେନ ବିଶ୍ୱର ପ୍ରାୟ ପାଞ୍ଚ ପ୍ରତିଶତ ଖଣିଜ ସମ୍ପଦ ଗଛିତ ରଖିଛି । ଏହା ଖଣିଜ ସମ୍ପଦ ପୃଥିବୀରେ ପ୍ରାୟ ବିରଳ ରହିଛି । କିନ୍ତୁ ଅନେକ ସମ୍ପଦ ବ୍ୟବହାର କରିବା ପାଇଁ ଏପର୍ଯ୍ୟନ୍ତ କାର୍ଯ୍ୟ ଆରମ୍ଭ ହୋଇନାହିଁ ଏବଂ ଅନେକ ସ୍ଥାନ ବର୍ତ୍ତମାନ ରୁଷିଆନ ସେନା ଦ୍ୱାରା ନିୟନ୍ତ୍ରିତ ଅଞ୍ଚଳରେ ଅଛି।

ଫ୍ରାନ୍ସର ଭୁତାତ୍ତ୍ୱିକ ଏବଂ ଖଣି ଗବେଷଣା ବ୍ୟୁରୋ ଅନୁଯାୟୀ, ୟୁକ୍ରେନରେ ବିଶ୍ୱର ପ୍ରାୟ ୨୦ ପ୍ରତିଶତ ଗ୍ରାଫାଇଟ୍ ଅଛି, ଯାହା ବୈଦ୍ୟୁତିକ ବ୍ୟାଟେରୀ ପାଇଁ ଏକ ଅତ୍ୟାବଶ୍ୟକୀୟ ସାମଗ୍ରୀ, ଏବଂ ଏହା ମାଙ୍ଗାନିଜ୍ ଏବଂ ଟାଇଟାନିୟମର ଏକ ପ୍ରମୁଖ ଉତ୍ପାଦକ। ଏହା ମଧ୍ୟ କହିଛି ଯେ ଏହା ୟୁରୋପର ସର୍ବବୃହତ ଲିଥିୟମ୍ ଗଚ୍ଛିତ ମଧ୍ୟରୁ ଏହା ଗୋଟିଏ ରଖିଛି । 

ୟୁକ୍ରେନ୍ ପାଇଁ ଆମେରିକାର ସମର୍ଥନର ଅର୍ଥ କ'ଣ?

ୟୁକ୍ରେନ୍ କହିଛି ଯେ ଯେକୌଣସି ଚୁକ୍ତିରେ ଦୀର୍ଘକାଳୀନ ଏବଂ ଦୃଢ଼ ସୁରକ୍ଷା ଗ୍ୟାରେଣ୍ଟି ଅନ୍ତର୍ଭୁକ୍ତ ହେବା ଆବଶ୍ୟକ, ଯାହା ରୁଷକୁ ପୁଣି ଆକ୍ରମଣ କରିବାରୁ ନିବୃତ୍ତ କରିବ।