ନୂଆଦିଲ୍ଲୀ,୦୨/୦୫: ମେଟା ସିଇଓ ମାର୍କ ଜୁକରବର୍ଗ ଏବଂ ତାଙ୍କ ପତ୍ନୀଙ୍କ ଦ୍ୱାରା ପ୍ରତିଷ୍ଠା ହୋଇଥିବା ଏକ ସ୍କୁଲ ବନ୍ଦ ହେବାକୁ ଯାଉଛି । ୨୦୧୬ରେ କାର୍ଲିଫର୍ଣ୍ଣିଆରେ ଆର୍ଥିକ ସ୍ଥିତିରେ କିଛି ଛାତ୍ରଛାତ୍ରୀଙ୍କୁ ସହୟତା କରିବାକୁ ମାଗଣା ସ୍କୁଲ ପ୍ରତିଷ୍ଠା କରିଥିଲେ । ଆସନ୍ତାବର୍ଷ ଏହି ଶିକ୍ଷାନୁଷ୍ଠାନ ବନ୍ଦ ହେବ ବୋଲି ଜାତୀୟ ଗଣମାଧ୍ୟମରୁ ସୂଚନା ମିଳିଛି । ଏ ଖବର ସାମ୍ନାକୁ ଆସିବା ପରେ ଛାତ୍ରଛାତ୍ରୀଙ୍କ ଅଭିଭାବକ ଚିନ୍ତାରେ ପଡିଛନ୍ତି ।
ମେଟା ମୁଖ୍ୟାଳୟ ନିକଟବର୍ତ୍ତୀ ପୂର୍ବ ପାଲୋ ଆଲ୍ଟୋରେ ଚାନ୍ ଜୁକରବର୍ଗ ଇନିସିଏଟିଭ୍ (ସିଜେଡଆଇ) ଅଧିନରେ ଏହି ସ୍କୁଲ ପ୍ରତିଷ୍ଠା କରାଯାଇଥିଲା । ଛାତ୍ରଛାତ୍ରୀଙ୍କ ଅଭିଭାବକ ମାନଙ୍କୁ ଜଳଖିଆ ପାଇଁ ନିମନ୍ତ୍ରଣ କରାଯାଇ ଆସନ୍ତା ବର୍ଷ ସ୍କୁଲ ବନ୍ଦ ହେବା ନେଇ ଖବର ଦିଆଯାଇଥିଲା । ଯାହା ସେମାନଙ୍କୁ ଆଶ୍ଚର୍ଯ୍ୟ କରି ଦେଇଛି । ବହୁତ ବିଚାର ବିମର୍ଶ ପରେ ପୂର୍ବ ପାଲୋ ଆଲ୍ଚୋରେ ଥିବା ଆମର ବିଦ୍ୟାଳୟଗୁଡିକ ୨୦୨୫-୨୬ ଶିକ୍ଷାବର୍ଷ ଶେଷରେ ବନ୍ଦ ହୋଇଯିବ । ଏହା ଏକ କଷ୍ଟକର ନିଷ୍ପତି ଥିଲା ଏବଂ ଆମେ ଆଗାମୀ ବର୍ଷରେ ଛାତ୍ରମାନଙ୍କ ସହାୟକ ପରିବର୍ତ୍ତନ ସୁନିଶ୍ଚିନ୍ତ କରିବାକୁ ପ୍ରତିବଦ୍ଧ ବୋଲି କହିଥିଲେ ବିଦ୍ୟାଳୟ କର୍ତ୍ତୃପକ୍ଷ ।
ପାଣ୍ଠି ଦେବାକୁ ଚାହୁଁନାହାଁନ୍ତି- ସିଜେଡଆଇ ୫୦ନିୟୁତ ଡଲାର ନିବେଶ କରିବାକୁ ପ୍ରତିଶ୍ରୁତି ଦେଇଛି । ସ୍କୁଲ ବନ୍ଦ ହେବାର କାରଣ ସ୍ପଷ୍ଟ ଜଣାପଡିନାହିଁ କିନ୍ତୁ ଜଣେ ଛାତ୍ର ତାଙ୍କ ଅଭିଭାବକଙ୍କୁ କହିଥିଲେ ସ୍କୁଲ ପାଣ୍ଠି ଯୋଗାଇବା ପାଇଁ ଟଙ୍କା ବନ୍ଦ କରାଯାଇଛି । ଏମ୍ଲିନ୍ ଭାଇନିକୋଲୋ ତାଙ୍କ ପୁଅ ସ୍କୁଲ ବନ୍ଦ ହେବା ନେଇ ଶିକ୍ଷକଙ୍କୁ କହୁଥିବା ଶୁଣିଥିଲେ । ସ୍କୁଲକୁ ଯିଏ ପଣ୍ଡ ଦେଉଥିଲେ ସେ ଆଉ ଦେବାକୁ ଚାହୁଁନାହାନ୍ତି ବୋଲି କହୁଥିଲେ ।
ସ୍କୁଲଟି ପ୍ରି-ସ୍କଲାର ପିଲାମାନଙ୍କୁ ନେଇ ଆରମ୍ଭ ହୋଇଥିଲା । ପ୍ରତିବର୍ଷ ଅଷ୍ଟମ ଶ୍ରେଣୀ ପର୍ଯ୍ୟନ୍ତ ଗୋଟିଏ ଶ୍ରେଣୀ ବଢାଇବାକୁ ଯୋଜନା କରାଯାଉଥିଲା । ହେଲେ ଏବେ ସ୍କୁଲ କାହିଁକି ବନ୍ଦ ହେବ ସେ ନେଇ କୌଣସି ସୂଚନା ମିଳିନାହିଁ । ସାମାଜିକ ପ୍ରସଙ୍ଗରେ ସାର୍ବଜନୀନ ଦୃଷ୍ଟିକୋଣରୁ ଏହି ନିଷ୍ପତ୍ତି ନିଆଯାଇଥିବା କୁହାଯାଉଛି ।
