ମୁମ୍ବାଇ,୧୨/୧୧: ବଲିଉଡ୍‌ର ଜଣାଶୁଣା ଅଭିନେତା ହିମାଂଶୁ କୋହଲି ନିଜ ବୃତ୍ତିଗତ ଓ ବ୍ୟକ୍ତିଗତ ଜୀବନକୁ ନେଇ ସବୁବେଳେ ବେଶ୍ ଚର୍ଚ୍ଚାରେ ଥାଆନ୍ତି । ତେବେ ବର୍ତ୍ତମାନ ସେ ତାଙ୍କ ଡ୍ରିମ ଗର୍ଲକୁ ବିବାହ କରିବାକୁ ଯାଉଛନ୍ତି । ତାଙ୍କ ଘରେ ବିବାହ ରୀତିନୀତି ଆରମ୍ଭ ହୋଇଥିବା ବେଳେ ମେହେନ୍ଦୀ ସମାରୋହର ଫଟୋ ଭାଇରାଲ ହୋଇଛି । ହିମାଂଶୁଙ୍କ ମେହେନ୍ଦୀ ସମାରୋହର ଫଟୋରେ  ଦେଖିବାକୁ ମିଳିଛି ଯେ ଥିମ୍ ଅନୁଯାୟୀ ହିମାଂଶ ସବୁଜ କୁର୍ତ୍ତା ପିନ୍ଧିଥିବାର ନଜର ଆସିଛନ୍ତି । ଏଥିସହ ତାଙ୍କ ସାଙ୍ଗ ଏବଂ ପରିବାର ଲୋକ ନାଚୁଥିବାର ନଜର ଆସିଛନ୍ତି।

ହିମାଂଶୁ ତାଙ୍କ ଭାବି ପତ୍ନୀଙ୍କ ନାମ ତାଙ୍କ ହାତରେ ଲେଖିଛନ୍ତି। ଅନ୍ୟ ଫଟୋରେ ସାଙ୍ଗମାନଙ୍କ ସହିତ ମଜା କରୁଥିବା ଦେଖାଯାଉଛି। ଅନ୍ୟପଟେ ସେ ନିଜ ପରିବାର ସହିତ ନାଚୁଥିବାର ଦେଖିବାକୁ ମିଳିଛି। ପରିବାର ସଦସ୍ୟମାନେ ହିମାଂଶୁଙ୍କ ବିବାହକୁ ନେଇ ଉତ୍ସାହିତ ଅଛନ୍ତି। ୧୨ ନଭେମ୍ବରରେ ବିବାହ କରିବାକୁ ଯାଉଛନ୍ତି । ତାଙ୍କ ପରିବାର ସଦସ୍ୟଙ୍କ ବ୍ୟତୀତ କେବଳ ସ୍ୱତନ୍ତ୍ର ବନ୍ଧୁ ଏବଂ ସମ୍ପର୍କୀୟମାନେ ଯୋଗଦେବେ। ପ୍ରକାଶ ଥାଉକି,  ୩୫ ବର୍ଷୀୟ ହିମାଂଶ କୋହଲିଙ୍କ ଭାବି ପତ୍ନୀ ଇଣ୍ଡଷ୍ଟ୍ରିର ନୁହଁନ୍ତି । ନେହା କକ୍କରଙ୍କ ସହ ସମ୍ପର୍କ ପାଇଁ ହିମାଂଶ ପୂର୍ବରୁ ଚର୍ଚ୍ଚାରେ ରହିଆସିଛନ୍ତି। ଉଭୟ ବିବାହ କରିବାକୁ ଯୋଜନା କରୁଥିଲେ, କିନ୍ତୁ ଏହା ପୂର୍ବରୁ ସେମାନଙ୍କ ସମ୍ପର୍କ ଭାଙ୍ଗି ଯାଇଥିଲା ।