ବଣାଇ,୨୭/୦୭: ଗୋଠ ଛେଉଣ୍ଡ ଦନ୍ତା ହାତୀର ଉତ୍ପାତ । ଭାଙ୍ଗୁଛି ଘର, ନଷ୍ଟ କରୁଛି ଫସଲ । କଲବଲ ହେଉଛନ୍ତି ଗ୍ରାମବାସୀ । ବଣାଇ ଅଞ୍ଚଳରେ ଏଭଳି ଦୃଶ୍ୟ ଦେଖିବାକୁ ମିଳିଛି ।
ସୂଚନା ଅନୁଯାୟୀ, ଏକ ଦନ୍ତା ହାତୀ ନିଜ ଦଳରୁ ବିଚ୍ଛିନ୍ନ ହେବା ପରେ ହେଉଛି ଉତ୍ପାତ । ଏହି ହାତୀ କେତେବେଳେ ବଣାଇ, ତ କେତେବେଳେ ତଳିତା, ଜକେଇ କଲା, ଧରଣୀ ଧର ପାଲି ଅ଼ଞ୍ଚଳରେ ବୁଲୁଛି । ଦୀର୍ଘ ୬ ଦିନ ଘରି ସ୍ଥାନ ପରିବର୍ତ୍ତନ କରି ଚାଷୀ ଠାରୁ ଗ୍ରାମବାସୀ, ସମସ୍ତଙ୍କୁ କରିଛି ନାକେଦମ୍ । ଏଥିପାଇଁ ହଜିଛି ବନ ବିଭାଗର ନିଦ । ଏହି ଗୋଠ ଛଡା ଦନ୍ତା, ଘର ଭାଙ୍ଗିବା ସହିତ ନଷ୍ଟ କରୁଛି ଫସଲ । ଏବେ ପ୍ରଶ୍ନ ଉଠୁଛି ଯେ ଏହି ହାତୀ ଯିବ କୁଆଡେ ? ଖାଦ୍ୟ ଅନ୍ଵଷଣରେ ଏବେ ଗାଁ ମୁହାଁ ହାତୀ । ବନ ବିଭାଗ ରାତିରେ ଏକ ଟିମ କରି ନିଆଁ ହୁଳା ଧରି ହାତୀକୁ ଘଉଡ଼ାଇ ଥିବାର ଦୃଶ୍ୟ ଦେଖିବାକୁ ମିଳିଥିଲା ।