ନୂଆଦିଲ୍ଲୀ,୦୫/୧୨: ୟୁନାଇଟେଡ଼ ହେଲଥ କେୟାର ସିଇଓ ବ୍ରାୟନ୍ ଥମସନ୍ଙ୍କ ହତ୍ୟା । ଗତକାଲି ଆମେରିକାର ମ୍ୟାନହଟ୍ଟନ ହୋଟେଲ ସମ୍ମୁଖରେ ହୋଇଥିଲା ଆଖିବୁଜା ଗୁଳିମାଡ଼। ଫଳରେ ତାଙ୍କର ଘଟଣାସ୍ଥଳରେ ମୃତ୍ୟୁ ହୋଇଥିଲା । ଏନେଇ ପୋଲିସ ଖବର ପାଇ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛନ୍ତି ।ଅନ୍ୟପଟେ ୟୁନାଇଟେଡ଼ ହେଲଥ କେୟାର ସିଇଓଙ୍କ ହତ୍ୟାକୁ ନେଇ ଘଟଣାସ୍ଥଳରେ ପ୍ରକାଶ ପାଇଛି ଉତ୍ତେଜନା।
ସୂଚନା ମୁତାବକ, ୟୁନାଇଟେଡ଼ ହେଲଥ କେୟାର ସିଇଓ ସିଇଓ କମ୍ପାନୀର ବାର୍ଷିକ ନିବେଶକ ସମ୍ମିଳନୀରେ ଯୋଗଦେବା ପାଇଁ ଆମେରିକା ଆସିଥିଲେ । ଆଉ ସେଠାରେ ଗତକାଲି ସକାଳେ ତାଙ୍କ ଉପରକୁ ମ୍ୟାନହଟ୍ଟନ ହୋଟେଲ ସମ୍ମୁଖରେ ଆଖିବୁଜା ଗୁଳିମାଡ଼ ହୋଇଥିଲା । ଯାହାପରେ ତାଙ୍କୁ ଡ଼ାକ୍ତରଖାନା ନିଆଯାଇଥିବା ବେଳେ ସେଠାରେ ଡ଼ାକ୍ତର ତାଙ୍କୁ ମୃତ ଘୋଷଣା କରିଥିଲେ । ତେବେ ପୂରା ଘଟଣାଟି ସିସିଟିଭିରେ କଏଦ ହୋଇଛି। ଯେଉଁଥିରେ ଦେଖିବାକୁ ମିଳିଛି ଯେ,ଆକ୍ରମଣକାରୀ ହୋଟେଲ ବାହାରେ ବ୍ରାଏନ୍ ଥମ୍ପସନଙ୍କୁ ଅପେକ୍ଷା କରିଥିଲେ । ବ୍ରାଏନ୍ ସେଠାରେ ପହଞ୍ଚିବା ମାତ୍ରେ ଆକ୍ରମଣକାରୀ ତାଙ୍କୁ ଗୋଡ଼ାଇ ଗୁଳି ଚଳାଇଥିଲା । ଏହି ସମୟରେ ଆକ୍ରମଣକାରୀଙ୍କ ବନ୍ଧୁକ ମଧ୍ୟ ଜାମ୍ ହୋଇଯାଏ । ତଥାପି ସେ ବନ୍ଧୁକକୁ କ୍ଲିନ କରି ପୁଣି ଥରେ ଗୁଳି ମାଡ଼ କରିଥିଲା । ତେବେ ସିସିଟିଭି ଆଧାରରରେ ପୋଲିସ ଘଟଣାର ତଦନ୍ତ ଜାରି ରଖିଛି ।
