ନୂଆଦିଲ୍ଲୀ: ଆମେରିକାର ନବ ନିର୍ବାଚିତ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଜାନୁଆରୀ ୨୦ରେ ହେବାକୁ ଥିବା ଶପଥ ଗ୍ରହଣ ସମାରୋହ ପୂର୍ବରୁ ପ୍ରାୟ ସମସ୍ତ ପଦବୀ ପାଇଁ ତାଙ୍କ ଘନିଷ୍ଠ ବ୍ୟକ୍ତିଙ୍କୁ ମନୋନୀତ କରିଛନ୍ତି। ଟ୍ରମ୍ପ ତାଙ୍କ ପ୍ରଶାସନରେ ନାସା ପାଇଁ ବୁଧବାର ଦିନ ଏଲୋନ୍ ମସ୍କଙ୍କ ସ୍ପେସ୍ ଏକ୍ସ ସହିତ ମହାକାଶକୁ ପ୍ରଥମ ବ୍ୟକ୍ତିଗତ ମହାକାଶ ଯାତ୍ରା କରିଥିବା ବିଲିୟନେୟାର୍ ଜେରେଡ୍ ଇସାକମ୍ୟାନଙ୍କୁ ନିଯୁକ୍ତି ଘୋଷଣା କରିଛନ୍ତି। ନାସାର ନେତୃତ୍ୱ ନେବାକୁ ଟ୍ରମ୍ପ ଜେରେଡ୍ ଇସାକମ୍ୟାନଙ୍କୁ ମନୋନୀତ କରିଛନ୍ତି।
କାର୍ଡ ପ୍ରୋସେସିଙ୍ଗ୍ କମ୍ପାନୀର ସିଇଓ ତଥା ପ୍ରତିଷ୍ଠାତା ୪୧ ବର୍ଷିୟ ଜେରେଡ୍ ଇସାକମ୍ୟାନ୍ ୨୦୨୧ ର ସେହି ଯାତ୍ରାରେ ପ୍ରତିଯୋଗୀ ବିଜେତା ମାନଙ୍କୁ ସାଙ୍ଗରେ ନେଇଥିଲେ ଏବଂ ସେପ୍ଟେମ୍ବରରେ ସ୍ପେସ୍ ଏକ୍ସର ନୂତନ ସ୍ପେସ୍ ୱାଲ୍କିଂ ସୁଟ୍ ପରୀକ୍ଷା କରିବା ପାଇଁ ଏକ ମିଶନ ସହିତ ମହାକାଶକୁ ଯାଇଥିଲେ । ଯଦି ସିନେଟ ତାଙ୍କ ନିଯୁକ୍ତିକୁ ନିଶ୍ଚିତ କରେ, ତେବେ ସେ ଫ୍ଲୋରିଡାର ପୂର୍ବତନ ଡେମୋକ୍ରାଟିକ୍ ସିନେଟର ୮୨ ବର୍ଷିୟ ବିଲ୍ ନେଲସନଙ୍କ ସ୍ଥାନ ନେବେ । ଯିଏକି ରାଷ୍ଟ୍ରପତି ଜୋ ବାଇଡେନଙ୍କ ଦ୍ୱାରା ମନୋନୀତ ହୋଇଥିଲେ।
ନବ ନିର୍ବାଚିତ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ପୂର୍ବତନ ସେନା ତଥା ଇରାକ ଯୁଦ୍ଧର ଭେଟେରାନ ଡାନିଏଲ ପି ଡ୍ରିସ୍କଲଙ୍କୁ ସଶସ୍ତ୍ର ବାହିନୀର ସଚିବ ଭାବରେ ମନୋନୀତ କରିଛନ୍ତି। ବୁଧବାର ନିଜେ ସେ ସିକ୍ୟୁରିଟି ଆଣ୍ଡ ଏକ୍ସଚେଞ୍ଜ କମିଶନର ଚେୟାରମ୍ୟାନ୍ ଭାବରେ କ୍ରିପ୍ଟୋକରେନ୍ସି ସମର୍ଥକ ପଲ୍ ଆଟକିନ୍ସଙ୍କୁ ମନୋନୀତ କରିବାକୁ ଇଚ୍ଛା ପ୍ରକାଶ କରିଛନ୍ତି।
