ଭଦ୍ରକ,୨୩।୧୦ : ବାତ୍ୟା ପାଇଁ ଜିଲ୍ଲାର ଉପକୂଳବର୍ତ୍ତୀ ଅଞ୍ଚଳ , ଗ୍ରାମାଞ୍ଚଳରେ ଜନ ସାଧାରଣଙ୍କ ପାଇଁ ପ୍ରଶାସନ ସଜାଗ ରହିଛି । ଜିଲ୍ଲାରେ ୧୦୫ ବାତ୍ୟା ଆଶ୍ରୟସ୍ଥଳୀ ସହ ୫୯୮ ସ୍କୁଲ , ସରକାରୀ ଘର ଆଦି କୁ ଆଶ୍ରୟ ସ୍ଥଳୀ ଭାବେ ବ୍ୟବହାର ହେବା ପାଇଁ ପ୍ରସ୍ତୁତ ରହିଛି । ଜିଲ୍ଲାର ବିଭିନ୍ନ ତଳିଆ ଅଞ୍ଚଳରୁ ସ୍ଥାନାନ୍ତର ପ୍ରକ୍ରିୟା ଆରମ୍ଭ । ଜିଲ୍ଲା ରେ ୨୬୩ ଜଣଙ୍କୁ ସ୍ଥାନାନ୍ତର କରାଯାଇଛି । ୧୪୧ ଗର୍ଭବତୀଙ୍କୁ ଆଶ୍ରୟ ସ୍ଥଳୀକୁ ସ୍ଥାନାନ୍ତର କରାଯାଇଥିବା ବେଳେ ୧୧୪ ଜଣଙ୍କୁ ମେଡିକାଲରେ ଭର୍ତ୍ତି କରାଯାଇଛି । ସୁରକ୍ଷା ପାଇଁ ସମସ୍ତ ହାଇ ମାସ୍କ ଲାଇଟ ଡାଉନ୍ କରାଯାଇଛି । ବଡ ବଡ ହୋଡ଼ିଂକୁ ଖୋଲି ଦିଆଯାଇଛି । ବାତ୍ୟା ଓ ପବନକୁ ଲକ୍ଷ୍ୟ କରି ନିଆଯାଇଛି ନିଷ୍ପତ୍ତି ।
ତେବେ ଭଦ୍ରକ ପୌରାଞ୍ଚଳ ରେ ବର୍ଷା କୁ ନଜର ରେ ରଖି ଆଶ୍ରୟ ସ୍ଥଳୀ ପ୍ରସ୍ତୁତ ହୋଇଛି । ୧୦ ନମ୍ବର ୱାର୍ଡ ରେ ଦୁଇ ଟି ଯଥା ଭଦ୍ରକ କଲେଜ ଓ ବଙ୍କ ସ୍କୁଲ କୁ ଆଶ୍ରୟ ସ୍ଥଳୀ କରା ଯାଇଛି । ଏହି ସ୍ଥାନ ରେ ନୋଡାଲ ଅଫିସର ଓ ଆଶା କର୍ମୀ , ଅଙ୍ଗନୱାଡ଼ି କର୍ମୀ ଙ୍କ ସହ ଲୋକ ପ୍ରତିନିଧି ମାନେ ସଜାଗ ଅଛନ୍ତି । ପାଗ ବିଗିଡ଼ିଲେ କିମ୍ବା ବର୍ଷା ଆରମ୍ଭ ହେଲେ ଲୋକ ଙ୍କୁ ଆଣିବା ପାଇଁ ପ୍ରସ୍ତୁତ ରହିଛନ୍ତି ।
