କୋଲକାତା,୧।୨: ଅର୍ଥମନ୍ତ୍ରୀ ନିର୍ମଳା ସୀତାରମଣ ଶନିବାର ଆଗତ କରିଛନ୍ତି ୨୦୨୫-୨୬ ବଜେଟ୍। ଏହାକୁ ନେଇ ତୃଣମୂଳ କଂଗ୍ରେସ କେନ୍ଦ୍ର ସରକାରଙ୍କ ଉପରେ ବର୍ଷିଛି। ଟିଏମ୍ସି ସାଂସଦ ଅଭିଷେକ ବାନାର୍ଜୀ ସାଧାରଣ ବଜେଟ୍ ଉପରେ ପ୍ରତିକ୍ରିୟା ଦେଇ କହିଛନ୍ତି ବିହାରରେ ନିର୍ବାଚନ ଅଛି, ତେଣୁ ବିହାର ପରିପ୍ରେକ୍ଷୀରେ ପ୍ରସ୍ତୁତ କରାଯାଇଛି। କିନ୍ତୁ ପଶ୍ଚିମବଙ୍ଗକୁ ପ୍ରତି ଅବହେଳା କରାଯାଇଛି।
ଅଭିଷେକ ବିଜେପିକୁ କଡା ସମାଲୋଚନା କରି କହିଛନ୍ତି, ପଶ୍ଚିମବଙ୍ଗରୁ ଯେତେ ବି ବିଜେପି ସାଂସଦ ଦିଲ୍ଲୀ ଆସନ୍ତୁ, ବଞ୍ଚିତ କରିବାର ଖେଳ ଜାରି ରହିଛି। ସବୁକିଛି ଦେଖିବା ପରେ ବି ପଶ୍ଚିମବଙ୍ଗରେ ଥିବା ବିଜେପି ସାଂସଦ ଚୁପ୍ ରହିଛନ୍ତି। ଏହି ବଜେଟ୍ରୁ ଅଧିକ ଆଶା ନଥିଲା। ଯେତେବେଳେ ସେ ବଙ୍ଗଳାରୁ ୧୮ ସାଂସଦ ପଠାଇଥିଲେ, ସେତେବେଳେ ମଧ୍ୟ ସେ ବଙ୍ଗଳାକୁ କିଛି ଦେଇନଥିଲେ। ଆଜି ବି ବିଜେପି ପାଖରେ ୧୨ ସାଂସଦ ଅଛନ୍ତି, ତଥାପି ପଶ୍ଚିମବଙ୍ଗକୁ କିଛି ମିଳିଲାନି। ଏହାପରେ ବି କୌଣସି ସାଂସଦ ବିରୋଧ କରିବେନି।
ପଶ୍ଚିମବଙ୍ଗ ଦୀର୍ଘ ସମୟ ଧରି ବଞ୍ଚିତ ରହିଛି। ଆଜି ମଧ୍ୟ ବଞ୍ଚିତ, କାରଣ ଚଳିତ ବର୍ଷ ବିହାରରେ ନିର୍ବାଚନ ଅଛି, ତେଣୁ ବିହାର ପାଇଛି ସବୁକିଛି କରାଗଲା। ସେମାନେ ନିର୍ବାଚନକୁ ଧ୍ୟାନରେ ରଖି ବଜେଟ୍ ଆଗତ କରନ୍ତି। ସେମାନେ ସାଧାରଣ ଓ ଗରିବ ଲୋକଙ୍କ ପାଇଁ କିଛି କରନ୍ତି ନାହିଁ। ଏହି ବଜେଟ୍ ରାଜନୈତିକ ନୁହେଁ ବଂର ଅବସରବାଦୀ। ଜନକୈନ୍ଦ୍ରୀକ ନୁହେଁ ବିଜେପିର ନିର୍ବାଚନି ମେସିନାରୀ ଓ ତାଙ୍କ ସହଯୋଗୀଙ୍କୁ ଖୁସି କରିବା ପାଇଁ ତିଆରି କରାଯାଇଥିବା ନିର୍ବାଚନୀ ଷ୍ଟଣ୍ଟ। ପଶ୍ଚିମବଙ୍ଗ ପାଇଁ ଏହି ବଜେଟ୍ ଆର୍ଥିକ ବିଶ୍ବାସଘାତଠାରୁ କମ୍ ନୁହେଁ। ରାଜ୍ୟ ପାଇଁ ଗୋଟିଏ ବି ସାର୍ଥକ ଆର୍ଥିକ ଆବଣ୍ଟନ କରାଯାଇ ନାହିଁ। ବଙ୍ଗଳାର ଆର୍ଥକି ବକାଶକୁ ରୋକିବା ପାଇଁ ଏହା ଏକ ଷଡଯନ୍ତ୍ର।
ଲୋକସଭା ନିର୍ବାଚନ ଓ ନୂଆ ଇଭିଏମ୍ କିଣିବାକୁ ବଜେଟ୍ରୁ ମିଳିଲା ଫଣ୍ଡ, ଜାଣନ୍ତୁ ମିଳିଲା କେତେ ?
