ନୂଆଦିଲ୍ଲୀ, ୮/୧୦ : ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ଗତ କିଛି ସିଜନରେ ନିରନ୍ତର ଭାବେ ଭଲ ପ୍ରଦର୍ଶନ କରି ଆସୁଛି । କିନ୍ତୁ ଏବେ ପର୍ଯ୍ୟନ୍ତ ଟାଇଟେଲ ଏହି ଟିମରୁ ଦୂରରେ ରହିଛି । ଆଇପିଏଲ୍ ୨୦୨୪ରେ ଆରସିବି ଏଲିମିନେଟର ମ୍ୟାଚରେ ରାଜସ୍ଥାନ ରୟାଲ୍ସଠାରୁ ପରାଜୟ ହୋଇ ବାହାର ହୋଇଯାଇଥିଲା । ଏବେ ବିସିସିଆଇ ଦ୍ବାରା ଜାରି ହୋଇଥିବା ନୂଆ ରିଣ୍ଟେଶନ ପଲିସି ଏବଂ ଦରମା ସ୍ଲଟ କାରଣରୁ ଟିମ ଲାଗି ଖେଳାଳୀଙ୍କୁ ରିଟର୍ଣ୍ଣ କରିବା ବହୁ ଅସୁବିଧା ହୋଇଯାଇଛି । ଅକ୍ସନ ପୂର୍ବରୁ ଆସନ୍ତୁ ଜାଣିବା ଏହି ୩ଖେଳାଳୀଙ୍କ ବିଷୟରେ ଯେଉଁମାନଙ୍କୁ ଆରସିବି ରିଲିଜ କରିବାର ନିଷ୍ପତ୍ତି ନେଇପାରେ ।
ୟଶ ଦୟାଲକୁ ଆରସିବି ଆଇପିଏଲ୍ ୨୦୨୪ରେ ୫କୋଟି ଟଙ୍କା ଦେଇ ନିଜ ସହ ଯୋଡ଼ି ଥିଲା । ୟଶ ନିଜ ପ୍ରଥମ ସିଜନରେ ବେଙ୍ଗାଲୁରୁଲାଗି ସବୁଠାରୁ ଅଧିକ ଓ୍ବିକେଟ (୧୫) ନେଇଥିବା ବୋଲର ହୋଇଥିଲେ । ସେ ଓ୍ବିକେଟ ନେଇଥିଲେ, କିନ୍ତୁ ପାଓ୍ବାରପ୍ଲେ ଏବଂ ଡେଥ ଓଭରରେ ସେ ଖୁବ୍ ରନ୍ ନେଇଥିଲେ । ଗତ ସିଜନରେ ୟଶଙ୍କ ଇକନୋମୀ ରେଟ ୯.୧୫ ଥିଲା । ସେ ମାତ୍ର ଟିମ୍ ଇଣ୍ଡିଆ ଲାଗି ଡେବ୍ୟୁ କରି ନାହାନ୍ତି, କିନ୍ତୁ ତାଙ୍କୁ ବାଂଲାଦେଶ ବିପକ୍ଷ ସିରିଜର ସ୍କ୍ବାଡ଼ରେ ଚୟନ କରାଯାଇଥିଲା । ଜଣେ ଖେଳାଳୀ ଭାବେ ୟଶଙ୍କ ପଦ ବଢିବାରେ ଲାଗିଛି ଏବଂ ଏଭଳି ନ ହେଉ କି କୌଣସି ଭାବେ ତାଙ୍କର ରିଟର୍ଣ୍ଣ କରିବା ଆରସିବିକୁ ବହୁ ଭାରି ପଡ଼ିପାରେ ।
ଗ୍ଲେନ ମ୍ୟାକ୍ସଓ୍ବେଲ
ଗ୍ଲେନ ମ୍ୟାକ୍ସଓ୍ବେଲ ଆଇପିଏଲରେ ଆରସିବି ଲାଗି ୫୨ମ୍ୟାଚରେ ୨୮.୭୭ ପ୍ରତିଶତରେ ୧,୨୬୬ରନ କରିଥିଲେ । ଗତ ସିଜନରେ ସେ ୧୨ ମ୍ୟାଚରେ କେବଳ ୫୨ରନ୍ କରିଥିଲେ । ଯେଉଁଥିରେ ତାଙ୍କୁ ଖୁବ୍ ଟ୍ରୋଲ୍ ହେବାକୁ ପଡ଼ିଥିଲା । ମ୍ୟାକ୍ସଓ୍ବେଲ ଗତ କେତେକ ସିଜନରେ ଆଇପିଏଲରେ ଏକ ବ୍ୟାଟର ଭାବେ ଫେଲ୍ ହେବାରେ ଲାଗିଛନ୍ତି । ଯାହାଦ୍ବାରା ତାଙ୍କ ଫ୍ରାଞ୍ଚାଇଜ କ୍ରିକେଟ ଭିତରେ ଭ୍ୟାଲ୍ୟୁ କମ୍ ହେବାର ସମ୍ଭାବନା ରହିଛି ।
ଫାଫ ଡୁ ପ୍ଲେସିସ
ଫାଫ ଡୁ ପ୍ଲେସିସ ବର୍ଷ ୨୦୨୨ରେ ରୟଲ ଚ୍ୟାଲେଞ୍ଜର୍ସ ବେଙ୍ଗାଲୁରୁରେ ଜଏନ କରିଥିଲେ । ସେ ଜଣେ ଖେଳାଳୀ ଭାବେ ବାରମ୍ବାର ଭଲ ପ୍ରଦର୍ଶନ କରୁଛନ୍ତି ଏବଂ ଗତ ୩ସିଜିନରେ ପ୍ରାୟ ୧,୬୩୬ରନ କରିସାରିଛନ୍ତି । ସେ ସେଣ୍ଟ ଲୁସିୟା କିଙ୍ଗ୍ସକୁ ନିକଟରେ ନିଜ ଅଧିନାୟକତ୍ବରେ କାରେବିୟନ ପ୍ରିମିୟର ଲିଗର ଚାମ୍ପିୟନ କରିଛନ୍ତି । ଡୁ ପ୍ଲେସିସର ପ୍ରଦର୍ଶନ ଟପ୍ ଲେବୁଲର ରହିଛି । କିନ୍ତୁ ବିସିସିଆଇ ଯେଉଁ ଦରମାର କ୍ୟାଟେଗୋରୀ କରିଛନ୍ତି ତାଙ୍କ ଅନୁସାରେ ୧୧କୋଟି ବି ଡୁ ପ୍ଲେସିସଲାଗି ଅଧିକ ହୋଇଥାଏ ।
