ନୂଆଦିଲ୍ଲୀ: ମୁକେଶ ଅମ୍ବାନୀଙ୍କ ପୁଅ ଅନନ୍ତ ଅମ୍ବାନୀଙ୍କ ପଶୁ ପ୍ରେମ ସଂପର୍କରେ ସମସ୍ତେ ଜାଣିଛନ୍ତି । ଆଉ ଏବେ ଅନନ୍ତ ଅମ୍ବାନୀ ୩ଟି ଆଫ୍ରିକୀୟ ହାତୀଙ୍କୁ ନୂଆ ଜୀବନ ଦେଇଛନ୍ତି । ଆଫ୍ରିକାର ୩ଟି ଜଙ୍ଗଲୀ ହାତୀଙ୍କୁ ବିମାନରେ ଜାମନଗରରେ ଥିବା ବନ୍ୟଜନ୍ତୁ ଉଦ୍ଧାର କେନ୍ଦ୍ର ବନ୍ତାରାକୁ ଅଣାଯାଉଛି । ଏଥିରେ ଦୁଇଟି ମାଈ ଏବଂ ଗୋଟିଏ ଅଣ୍ଡିରା ହାତୀ ରହିଛି । ଏହି ସବୁ ହାତୀର ବୟସ ୨୮ରୁ ୨୯ ବର୍ଷ ମଧ୍ୟରେ ହେବ ।
ମିଳିଥିବା ସୂଚନା ଅନୁସାରେ, ଟ୍ୟୁନିସିଆରେ ଥିବା ଏକ ଘରୋଇ ଚିଡ଼ିଖାନା ହାତୀମାନଙ୍କର ଖାଦ୍ୟ ଏବଂ ଚିକିତ୍ସା ଖର୍ଚ୍ଚ ଲାଗି ଖୁବ ସଂଘର୍ଷ କରୁଥିଲା । ଏଭଳି ସ୍ଥିତିରେ ଚିଡ଼ିଆଖାନାର ଅଧିକାରୀ ବନ୍ତାରାକୁ ଏନେଇ ଜଣାଇଥିଲେ । ଅନନ୍ତ ଅମ୍ବାନୀ ଏନେଇ ଜାଣିବା ପରେ ଅବିଳମ୍ବେ ୩ଟି ହାତୀକୁ ଉଦ୍ଧାର କରିବାକୁ ପଦକ୍ଷେପ ଗ୍ରହଣ କରିଛନ୍ତି । ଗୋଟିଏ ଚାଟାର୍ଡ ବିମାନରେ ହାତୀ ଆସି ବନତାରାରେ ପହଞ୍ଚିବେ ।
୩ଟି ହାତୀ ଅଚୁତମ, କାନୀ ଏବଂ ମୀନାକୁ ଦୁଇ ଦଶକ ପୂର୍ବରୁ ମାତ୍ର ୩-୪ ବର୍ଷ ହୋଇଥିବା ବେଳେ ଟ୍ୟୁନିସିଆର ଚିଡ଼ିଆଖାନରେ ଛାଡ଼ି ଦିଆଯାଇଥିଲ । ସେଠାରେ ୨୩ ବର୍ଷ ହେଲା ଦର୍ଶକଙ୍କ ଆକର୍ଷଣ ହୋଇ ଆସିଛନ୍ତି ଅଚୁତମ, କାନୀ ଏବଂ ମୀନା । ଦୀର୍ଘ ବର୍ଷ ଚିଡ଼ିଆଖାନାରେ ରହିବା ପରେ ହାତୀମାନଙ୍କୁ ପୁଣି ଥରେ ଜଙ୍ଗଲରେ ଛାଡ଼ିବା କଷ୍ଟକର । ମଣିଷ ସହାୟତା ଲୋଡ଼ୁଥିବା ହାତୀ ଜଙ୍ଗଲରେ ପୁଣି ଥରେ ବଞ୍ଚିବା ଲାଗି ସଂଘର୍ଷ କରିବା ସମ୍ଭବ ନୁହେଁ ବୋଲି ସଂପୃକ୍ତ ଚଡ଼ିଆଖାନାର ଜଣେ ଅଧିକାରୀ କହିଛନ୍ତି । ତେବେ ଏଭଳି ସ୍ଥିତିରେ ଅନନ୍ତ ଅମ୍ବାନୀଙ୍କ ବନତାରାରେ ହାତୀମାନଙ୍କୁ ସଠିକ ଖାଦ୍ୟ ଏବଂ ଚିକିତ୍ସା ମିଳିପାରିବ ।
