ନୂଆଦିଲ୍ଲୀ: ଆନ୍ଧ୍ର ପ୍ରଦେଶର ଉପମୁଖ୍ୟମନ୍ତ୍ରୀ ପଓ୍ବନ କଲ୍ୟାଣ ଦୀପାବଳି ଅବସରରେ ପାକିସ୍ତାନ, ବାଂଲାଦେଶ ଏବଂ ଆଫଗାନିସ୍ତାନରେ ରହୁଥିବା ହିନ୍ଦୁମାନଙ୍କୁ ଶୁଭେଚ୍ଛା ଜଣାଇଛନ୍ତି । ଅଭିନେତାରୁ ନେତା ହୋଇଥିବା ପଓ୍ବନ କଲ୍ୟାଣ ଗୁରୁବାର ସୋସିଆଲ ମିଡିଆ ଏକ୍ସରେ ଲେଖିଛନ୍ତି,‘ପାକିସ୍ତାନ, ବାଂଲାଦେଶ ଏବଂ ଆଫଗାନିସ୍ତାନରେ ରହୁଥିବା ହିନ୍ଦୁମାନଙ୍କୁ ମୁଁ ଦୀପାବଳିର ଶୁଭକାମନା ଜଣାଉଛି । 

ବିଶେଷ କରି ବାଂଲାଦେଶର ହିନ୍ଦୁଙ୍କୁ ନିଆରା ଢ଼ଙ୍ଗରେ ଶୁଭେଚ୍ଛା ଜଣାଇଛନ୍ତି ପଓ୍ବନ କଲ୍ୟାଣ । ସେ ଲେଖିଛନ୍ତି, ‘ଏଭଳି ସ୍ଥିତି ଭାଗବାନ ଶ୍ରୀରାମ ଆପଣମାନଙ୍କୁ ଶକ୍ତି ଓ ସାହସ ଦିଅନ୍ତୁ । ସବୁ ଭାରତୀୟ ଆପଣମାନଙ୍କ ସୁରକ୍ଷା ଓ ସ୍ଥିରତା କାମନା କରୁଛୁ ।’ 

This song by Hindu child from Pakistan reflects the deep pain of partition. And the longing for reconnect to the soul of Bharat.
My heartfelt ‘Diwali’ Greetings to Hindus in Pakistan ,Bangaladesh and Afghanistan.
Especially for Hindus in Bangladesh,Lord Sri Rama may give you… https://t.co/cMonJzFm8z

— Pawan Kalyan (@PawanKalyan) October 31, 2024

 ଜନ ସେନା ନେତା ଏବଂ ଉପମୁଖ୍ୟମନ୍ତ୍ରୀ ପଓ୍ବନ କଲ୍ୟାଣ ଆହୁରି ଲେଖିଛନ୍ତି ଯେ, ଦୀପାବଳିରେ ଆସନ୍ତୁ ପାକିସ୍ତାନ ଏବଂ ବାଂଲାଦେଶରେ ଉତ୍ପୀଡ଼ନର ଶିକାର ହେଉଥିବା ହିନ୍ଦୁଙ୍କ ସୁରକ୍ଷା ପାଇଁ କାମନା କରିବା । ସେମାନଙ୍କ ଭୂମିରେ ଧର୍ମର ପୁନଃସ୍ଥାପନ ହେଉ । ଏହି ସମୟରେ ସେ ପାକିସ୍ତାନର ଜଣେ ଛୋଟ ପିଲା ଗାଇଥିବା ଗୀତର ପ୍ରଶଂସା ମଧ୍ୟ କରିଛନ୍ତି । ସେପଟେ ଆନ୍ଧ୍ର ପ୍ରଦେଶର ଲୋକମାନଙ୍କୁ ଦୀପାବଳିର ଶୁଭେଚ୍ଛା ମଧ୍ୟ ଜଣାଇଛନ୍ତି ପଓ୍ବନ କଲ୍ୟାଣ । ଏହା ସହ ରାଜ୍ୟବାସୀଙ୍କ ଜୀବନରେ ଖୁସି ଓ ସମୃଦ୍ଧି ଭରିଯାଉ ବୋଲି ସେ କାମନା କରିଛନ୍ତି ।