ନୂଆଦିଲ୍ଲୀ: କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖଡଗେ ଆଜି (ଗୁରୁବାର) ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଓ୍ବାନ୍ ନେସନ୍ ଓ୍ବାନ ଇଲେକସନକୁ ଶୀଘ୍ର କାର୍ଯ୍ୟକାରିତା ସମ୍ପର୍କରେ ଦେଇଥିବା ବିବୃତ୍ତି ଉପରେ ଟାର୍ଗେଟ କରିଛନ୍ତି। ଖଡଗେ ଏହାକୁ ଅସମ୍ଭବ ବୋଲି କହିଛନ୍ତି।
ପିଏମ ମୋଦୀ ଗୁରୁବାର ଦିନ ଗୁଜୁରାଟରେ ସର୍ଦ୍ଦାର ବଲ୍ଲଭଭାଇ ପଟେଲଙ୍କ ଜନ୍ମ ବାର୍ଷିକୀ ଅବସରରେ ଏକ କାର୍ଯ୍ୟକ୍ରମକୁ ସମ୍ବୋଧିତ କରି କହିଛନ୍ତି ଯେ, ଓ୍ବାନ ନେସନ, ଓ୍ବାନ ଇଲେକସନ ପ୍ରସ୍ତାବ, ଯାହାର ଉଦ୍ଦେଶ୍ୟ ଦେଶରେ ସମସ୍ତ ନିର୍ବାଚନକୁ ଗୋଟିଏ ଦିନରେ କିମ୍ବା ଏକ ନିର୍ଦ୍ଦିଷ୍ଟ ସମୟ ସୀମା ମଧ୍ୟରେ କରିବାକୁ ଲକ୍ଷ୍ୟ ରହିଛି । ଏହା ଶୀଘ୍ର ଅନୁମୋଦିତ ହେବ ଏବଂ ଏକ ବାସ୍ତବତାରେ ପରିଣତ ହେବ।
ଏନେଇ କଂଗ୍ରେସ ସଭାପତି ମଲ୍ଲିକାର୍ଜୁନ ଖଡଗେ କହିଛନ୍ତି ଯେ, ପ୍ରଧାନମନ୍ତ୍ରୀ ମୋଦୀ ଯାହା କହିଛନ୍ତି ତାହା କରିବେ ନାହିଁ କାରଣ ଏହି ବିଲ୍ ସଂସଦରେ ଆସିବା ପର୍ଯ୍ୟନ୍ତ ତାଙ୍କୁ ସମସ୍ତଙ୍କ ସମର୍ଥନ ନେବାକୁ ପଡିବ, ଆଉ ସେତେବେଳେ ହିଁ ଏହା ଘଟିବ । ଗୋଟିଏ ରାଷ୍ଟ୍ର ଗୋଟିଏ ନିର୍ବାଚନ ଅସମ୍ଭବ ।
ପ୍ରଧାନମନ୍ତ୍ରୀ ମୋଦୀ କହିଛନ୍ତି ଯେ ଦେଶର ସମସ୍ତ ନିର୍ବାଚନକୁ ଏକ ଦିନରେ କିମ୍ବା ଏକ ନିର୍ଦ୍ଦିଷ୍ଟ ସମୟସୀମା ମଧ୍ୟରେ ଏକକାଳୀନ ଆୟୋଜନ କରିବାକୁ ଲକ୍ଷ୍ୟ ରଖାଯାଇଥିବା 'ଏକ ରାଷ୍ଟ୍ର, ଗୋଟିଏ ନିର୍ବାଚନ' ପ୍ରସ୍ତାବ ଖୁବ ଶୀଘ୍ର ଅନୁମୋଦନ ହୋଇ ବାସ୍ତବତାରେ ପରିଣତ ହେବ । ଏହି ପ୍ରସ୍ତାବକୁ ଚଳିତ ବର୍ଷ ପ୍ରାରମ୍ଭରେ କ୍ୟାବିନେଟ ଅନୁମୋଦନ କରିଥିଲା ଏବଂ ଚଳିତ ବର୍ଷ ଶେଷରେ ସଂସଦର ଶୀତକାଳୀନ ଅଧିବେଶନରେ ଉପସ୍ଥାପନ କରାଯିବ।
ସେ କହିଛନ୍ତି, “ଆମେ ବର୍ତ୍ତମାନ 'ୱାନ ନେସନ ୱାନ ଇଲେକସନ' ଦିଗରେ କାର୍ଯ୍ୟ କରୁଛୁ, ଯାହା ଭାରତର ଗଣତନ୍ତ୍ରକୁ ମଜବୁତ କରିବ, ଭାରତର ସମ୍ବଳର ସର୍ବୋତ୍ତମ ଉପଯୋଗ କରିବ ଏବଂ ଏକ ବିକଶିତ ଭାରତର ସ୍ୱପ୍ନକୁ ସାକାର କରିବାରେ ଦେଶକୁ ନୂତନ ଗତି ଦେବ ।
