ନୂଆଦିଲ୍ଲୀ,୨୪।୧୧: ଆଖି ଆମ ଶରୀରର ସବୁଠାରୁ ଗୁରୁତ୍ୱପୂର୍ଣ୍ଣ ଅଙ୍ଗ। ତେବେ ଆଖିରେ ମଧ୍ୟ ରହିଛି ଅନେକ ସମସ୍ୟା, ଯେପରିକି ମୋତିଆବିନ୍ଦୁ ଓ ଅନ୍ଧାରକଣା ଭଳି ସମସ୍ୟା। ତେଣୁ ଭିଟାମିନ୍ ଭରପୂର ଜିନିଷ ଖାଇବା ପରାମର୍ଶ ଦିଆଯାଏ। ଭିଟାମିନ୍ ଏ ଆଖି ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ, କିନ୍ତୁ ଆପଣ ଜାଣନ୍ତି କି କିଛି ଭିଟାମିନ୍ ଅଛି, ଯାହା ଆଖି ପାଇଁ କ୍ଷତିକାରକ ଏବଂ ଯଦି ସେମାନଙ୍କର ପରିମାଣ ଅଧିକ ହୁଏ ତେବେ ଏହା ସିଧାସଳଖ ଆଖି ଉପରେ କୁ- ପ୍ରଭାବ ପକାଇଥାଏ। ତେବେ ଆସନ୍ତୁ ଆଜି ଆପଣଙ୍କୁ ଜଣାଇବା କେଉଁ ଭିଟାମିନ୍ ଅଧିକ ଆଖି ଉପରେ ଖରାପ ପ୍ରଭାବ ପକାଇଥାଏ ।
କୋଲେଷ୍ଟ୍ରଲ କମାଇବା ଏବଂ ହାଇପରଲିପାଇଡେମିଆର ଚିକିତ୍ସା ପାଇଁ ନିୟାସିନ୍ କିମ୍ବା ଭିଟାମିନ୍ ବି -୩ ସାଧାରଣତଃ ବ୍ୟବହୃତ ହୁଏ।କିନ୍ତୁ ନିକଟରେ ହୋଇଥିବା ଏକ ରିସର୍ଚ୍ଚ ଅନୁଯାୟୀ ଏହି ଭିଟାମିନ୍ର ଅତ୍ୟଧିକ ମାତ୍ରା ଆପଣଙ୍କ ଆଖି ଉପରେ ଖରାପ ପ୍ରଭାବ ପକାଇପାରେ। ନିୟାସିନ୍ ର ଅଧିକ ମାତ୍ରା କାରଣରୁ ମ୍ୟାକୁଲାରେ ତରଳ ପଦାର୍ଥ ଜମା ହୋଇଯାଏ, ଯାହା ଅସ୍ପଷ୍ଟ ଦୃଷ୍ଟିଶକ୍ତି ଏବଂ ଅନ୍ୟାନ୍ୟ ଲକ୍ଷଣ ସୃଷ୍ଟି କରିଥାଏ ।ତେଣୁ, ଡାକ୍ତରମାନେ ବିଶ୍ବାସ କରନ୍ତି ଯେ କୋଲେଷ୍ଟ୍ରଲ ହ୍ରାସ କରିବା ପାଇଁ ଗୋଟିଏ ଦିନରେ ୩ ରୁ ୬ ଗ୍ରାମ ନିୟାସିନ୍ ଗ୍ରହଣ କରିବା ଉଚିତ୍ ନୁହେଁ।
ଯଦି ଆପଣ ଦୃଷ୍ଟି ଶକ୍ତିରେ ଉନ୍ନତି ଆଣିବାକୁ , ଚଷମା ପିନ୍ଧିବା ଠାରୁ ଦୂରେଇ ରହିବାକୁ କିମ୍ବା ମୋତିଆବିନ୍ଦୁ ସମସ୍ୟାକୁ ହ୍ରାସ କରିବାକୁ ଚାହୁଁଛ, ତେବେ ତୁମେ ଭିଟାମିନ୍ ‘ଏ’ରେ ଭରପୂର ଖାଦ୍ୟ ଖାଇବା ଉଚିତ୍। ଅଣ୍ଡା,ମାଛ, ମାଂସ, କ୍ଷୀର, କନ୍ଦମୂଳ, ଗାଜର ଏବଂ ସବୁଜ ପନିପରିବା ଖାଇବାକୁ ହେବ। ତେବେ ଭିଟାମିନ୍ ‘ଏ’କୁ ମଧ୍ୟ ଅତ୍ୟାଧିକ ପରିମାଣରେ ଖାଆନ୍ତୁ ନାହିଁ।
