ନୂଆଦିଲ୍ଲୀ,୨୨/୧୧: ସୁନ୍ଦର କେଶ କାହାକୁ ବା ଭଲ ନ ଲାଗେ । ହେଲେ ବର୍ତ୍ତମାନ ସମସ୍ତଙ୍କର ଚୁଟି ଝଡିବା ବଡ ସମସ୍ୟା ଭାବେ ଉଭା ହୋଇଛି । କମ୍ ବୟସରୁ ଅନେକଙ୍କର କେଶ ଝଡୁଛି । କାହାର ଚୁଟି ପାଚି ଯାଉଛି ତ ପୁଣି କାହାର ଶୁଷ୍କ ହୋଇଯାଉଛି । ଯାହାକୁ ନେଇ ଝିଅମାନେ ଚିନ୍ତାରେ ପଡିଛନ୍ତି । ଏବେ ଏହି ଚିନ୍ତାରୁ ମିଳିବ ମୁକ୍ତି । ସଫ୍ଟ ଓ ସିଲ୍କ କେଶ ପାଇଁ ଘରେ ବନାନ୍ତୁ ପ୍ୟାକ୍ । ତେବେ ସୁନ୍ଦର କେଶର ସିକ୍ରେଟ ଜାଣିବାକୁ ପଢନ୍ତୁ ଏହି ରିପୋର୍ଟ ।

ଚୁଟିକୁ ସଫ୍ଟ ଓ ସିଲ୍କ କରିବାକୁ ହେଲେ ଆଉ ପାର୍ଲର ଯିବାକୁ ପଡିବ ନାହିଁ । ଘରେ ବସି ପାଇପାରିବେ ସାଇନିଂ କେଶ । ଯଦି ଚୁଟି ଡ୍ରାଏ ଅଛି ତେବେ ସଫ୍ଟ ଆଉ ସିଲ୍କ ପାଇଁ ଅନେକ ଝିଅ ପାର୍ଲର ଯାଇଥାନ୍ତି । ବିଭିନ୍ନ ପ୍ରକାର ଟ୍ରିଟମେଣ୍ଟ କରିଥାନ୍ତି । ହେଲେ ଘରେ ବସି ଚୁଟକିରେ ଏହି ସମସ୍ୟାର ସମାଧାନ କରନ୍ତୁ  । ବିନା ଖର୍ଚ୍ଚରେ ହୋମମେଡ ସାମ୍ପୁ ପ୍ରସ୍ତତ କରନ୍ତୁ । ଯାହାକୁ ସପ୍ତାହକୁ ୩ ଥର ଲଗାଇଲେ ଆପଣଙ୍କ ଚୁଟି ସଫ୍ଟ ସିଲ୍କ ହୋଇଯିବ।

ସଫ୍ଟ ସିଲ୍କ କେଶ ପାଇଁ ପ୍ୟାକ୍- ବଜାରରେ ମିଳୁଥିବା ସାମ୍ପୁ ବ୍ୟବହାରରେ ପ୍ରାୟ ଚୁଟି ଶୁଷ୍କ ହୋଇଯାଏ । ତେଣୁ ଘରେ ତିଆରି କରନ୍ତୁ ହାତ ତିଆରି ସାମ୍ପୁ । ୩ ଟି ଜିନିଷରୁ ଏହି ହୋମମେଡ ସାମ୍ପୁ ତିଆରି ହୋଇଥାଏ । ତୁଳସୀ ଓ ଆଲବେରାରୁ ତିଆରି ସାମ୍ପୁ ଚୁଟିକୁ ବଢିବା ସହିତ ସାଇନିଂ ଓ ସଫ୍ଟ କରିବାରେ ସହାୟକ ହୋଇଥାଏ ।

ପ୍ୟାକ୍ ତିଆରି ପ୍ରଣାଳୀ- ପ୍ରଥମେ ଗୋଟିଏ ପାତ୍ରରେ ପାଣି ନେଇ ତାକୁ ଗରମ କରନ୍ତୁ । ସେଥିରେ କିଛି ଚାଉଳ ପକାନ୍ତୁ । ଏହା ପରେ ସେଥିରେ ୧୦ରୁ୧୫ଟି ତୁଳସୀ ପତ୍ର ଏବଂ ଆଲୋବେରା ପତ୍ରକୁ କାଟି ପକାନ୍ତୁ । ପାଣି ଅଧା ନ ହେବା ଯାଏ ଏହାକୁ ଫୁଟାନ୍ତୁ । ଏହାପରେ ବ୍ୟବହାର କରୁଥିବା ସାମ୍ପୁରୁ ଏକଚାମଚ ପକାନ୍ତୁ । ଏହାକୁ ଲଗାଇ କେଶ ସଫା କରନ୍ତୁ । ଦେଖିବେ ଆପଣଙ୍କ ଚୁଟି ସିଲ୍କ ଓ ସଫ୍ଟ ହୋଇଯିବ ।