ନୂଆଦିଲ୍ଲୀ,୧୬/୧୧: ଶୀତ ଦିନରେ ଗୋଟିଏ ବଡ ସମସ୍ୟା ହେଉଛି ଚର୍ମ ଶୁଖିଯିବା । ଶୀତ କୋପରେ ମୁହଁ, ଓଠ ସବୁ ଶୁଖି ଫାଟିଯାଏ । ବଡିଲୋସନ, ଲିଭବାମ କିଛି କାମ କରେ ନାହିଁ । ତେବେ ଶୀତ ଦିନ ଏପରି ହେବା ପଛର କାରଣ ରହିଛି ଭିଟାମିନ ଅଭାବ । ତେବେ ଶରୀରରେ କେଉଁ ଭିଟାମିନ ଅଭାବରୁ ଏପରି ହୋଇଥାଏ ଆସନ୍ତୁ ଜାଣିବା ଏହି ରିପୋର୍ଟରୁ ।

ପାଦ ଥାପି ସାରିଛି ଶୀତ । ଯଦିଓ ଅତ୍ୟଧିକ ମାତ୍ରରେ ଶୀତର ପ୍ରକୋପ ନାହିଁ ତଥାପି ଆଗକୁ ଶୀତ ବଢିବ ବୋଲି ଅନୁମାନ କରାଯାଉଛି । ତେବେ ଶୀତ ଦିନ ମୁହଁ ଓଠ ଓ ଚର୍ମ ଫାଟିଥାଏ । ଏହାକୁ ନେଇ ସମସ୍ତେ ଚିନ୍ତାରେ ପଡିଥାନ୍ତି । ଶୀତ ଦିନରେ ଏପରି ସମସ୍ୟା ପଛରେ ଭିଟାମିନ୍ ଅଭାବ କରାଣ ରହିଛି । ତେବେ ଏଠି ପ୍ରଶ୍ନ ଆସୁଥିବ କେଉଁ ଭିଟାମିନ ଅଭାବରୁ ଏପରି ହୋଇଥାଏ ।

ଶରୀରରେ ଦୁଇଟି ଭିଟାମିନ୍‌ ଅଭାବରୁ ଶୀତ ଦିନେ ମୁହଁ ଓ ଚର୍ମ ଶୁଷ୍କ ହୋଇଯାଏ । ଭିଟାମିନ-ସି ଓ ଭିଟାମିନ ଡି ଅଭାବରୁ ଏପରି ହୋଇଥାଏ । ଭିଟାମିନ ସି ଆମ ଶରୀର ପାଇଁ ଲାଭଦାୟକ ହୋଇଥାଏ । ଏହି ଭିଟାମିନ ଆମ ତ୍ବଚାକୁ ଚିକ୍କଣ କରିଥାଏ । ଏହି ଭିଟାମିନ ଅଭାବରୁ ସ୍କିନ ଶୁଖିଯାଏ । ଏହାର ଅଭାବ ପୂରଣ ପାଇଁ ଲେମ୍ବୁ, ଟମୋଟୋ, ଅଙ୍ଗୁର, କଳା କିସମିସ, ବ୍ରୋକଲି ଓ ସ୍ପାଉଡସ ଡାଏଟ ସାମିଲ କରନ୍ତୁ । ଏହି ସମସ୍ୟାର ସମାଧାନ ହୋଇପାରିବ ।

ସେହିପରି ଭିଟାମିନ୍ ଡି ଅଭାବରୁ ମଧ୍ୟ ଶୀତ ଦିନେ ମୁହଁ ଓ ଚର୍ମ ଫାଟିଥାଏ । ଶୀତ ଦିନେ ଶରୀରକୁ ସୂର୍ଯ୍ୟକିରଣ କମ୍ ମିଳେ । ଫଳରେ ଭିଟାମିନ୍ ଡିର ଅଭାବ ଦେଖାଦିଏ । ଏହି ଭିଟାମିନ ଅଭାବ ଦୂର କରିବାକୁ ଖାଦ୍ୟରେ କିୱି, କଦଳୀ, ଅମୃତଭଣ୍ଡାକୁ ସାମିଲ କରନ୍ତୁ । ଏହା ସହିତ ଦହି, ବାଦାମ, କ୍ଷୀର ଖାଆନ୍ତୁ । ସମସ୍ୟାରୁ ମୁକ୍ତି ମିଳିବ ।