ମୁମ୍ବାଇ: ଜାରି ରହିଛି ମହାରାଷ୍ଟ୍ର ବିଧାନସଭା ନିର୍ବାଚନ । ୨୮୮ ଆସନ ଲାଗି ମତଦାନ କରୁଛନ୍ତି ଭୋଟର । ମୁମ୍ବାଇରେ ବଲିଉଡ୍ ଅଭିନେତା ଏବଂ ଅଭିନେତ୍ରୀ ମଧ୍ୟ ମତଦାନ କରିଛନ୍ତି । ସେହିଭଳି ଗ୍ୟାଙ୍ଗଷ୍ଟର ଲରେନ୍ସ ବିଷ୍ଣୋଇର ଟାର୍ଗେଟକୁ ଆସିଥିବା ବଲିଉଡ ସୁପରଷ୍ଟାର ସଲମାନ ଖାନ ଆଜି ନିଜର ମତ ସାବ୍ୟସ୍ତ କରିଛନ୍ତି । ଆଖିରେ କଳା ଚଷମା ଏବଂ ମୁଣ୍ଡରେ ଟୋପି ପିନ୍ଧି ବାନ୍ଦ୍ରା ପଶ୍ଚିମ ମତଦାନ କେନ୍ଦ୍ରରେ ପହଞ୍ଚିଥିଲେ ବଲିଉଡ୍ର ଭାଇଜାନ୍ ।
ଏହି ସମୟରେ ସୁପରଷ୍ଟାରଙ୍କୁ ଘେରି ରହିଥିଲା କଡ଼ା ସୁରକ୍ଷା ବଳୟ । ଭୋଟ ଦେବା ପରେ ସଲମାନଙ୍କ ଖାନ ମତଦାନ କେନ୍ଦ୍ର ବାହାରକୁ ଆସି ହାତ ହଲାଇ ଉପସ୍ଥିତ ଲୋକମାନଙ୍କୁ ଅଭିବାଦନ ଜଣାଇଥିଲେ । ଏହା ସହ ସ୍ମିତହାସ୍ୟ ଦେଇ କ୍ୟାମରାକୁ ଅନାଇଥିଲେ ସଲମାନ୍ । ଅଭିନେତା ସଲମାନ ଖାନଙ୍କ ପୂର୍ବରୁ ତାଙ୍କ ବାପା ସଲିମ ଖାନ ଏବଂ ମା ସଲମା ଭୋଟ ଦେବାକୁ ଆସିଥିଲେ । ସେହିଭଳି ତାଙ୍କ ଭାଇ ସୋହେଲ ଖାନ ମଧ୍ୟ ଭୋଟ ଦେବାକୁ ପହଞ୍ଚିଥିଲେ ।
ସେମାନଙ୍କ ବ୍ୟତୀତ ଅନ୍ୟ ବଲିଉଡ କଳାକାର ମତାଦନ କରିଛନ୍ତି । ଅକ୍ଷୟ କୁମାର, ରଣବୀର କପୁର, ଗୋବିନ୍ଦା, କାର୍ତ୍ତିକ ଆର୍ଯ୍ୟନ, ରାଜକୁମାର ରାଔ, ଫରହାନ ଅଖତରଙ୍କ ସମେତ ବହୁ କଳାକାର ନିଜ ନିଜର ନେତାଙ୍କ ଲାଗି ଭୋଟ ଦେଇଛନ୍ତି । ସୂଚନାଯୋଗ୍ୟ, ସଲାମାନ ଖାନ ନିଜର ଅପକମିଂ ଫିଲ୍ମ ‘ସିକନ୍ଦର’ ଲାଗି ଚର୍ଚ୍ଚାରେ ଅଛନ୍ତି । ଏବେ ଏବେ ଖବର ଆସିଥିଲା ଯେ, ଅଭିନେତା ରଶ୍ମିକା ମନ୍ଦାନାଙ୍କ ସହ ଫିଲ୍ମର ଦୁଇଟି ଗୀତ ସୁଟ୍ କରିସାରିଛନ୍ତି । ଦୁଇଟି ଗୀତ ଇଦ୍ ଏବଂ ହୋଲି ଉପରେ ପର୍ଯ୍ୟବେସିତ । ଆକ୍ସନ ଭର୍ତ୍ତି ଫିଲ୍ମ ‘ସିକନ୍ଦର’ ୨୦୨୫ ଇଦ୍ରେ ମୁକ୍ତିଲାଭ କରିବ ।
