ନୂଆଦିଲ୍ଲୀ: ମହାରାଷ୍ଟ୍ର ବିଧାନସଭା ନିର୍ବାଚନରେ ଏନସିପି ଶରଦ ପାୱାରଙ୍କ ଅତ୍ୟନ୍ତ ନିରାଶାଜନକ ପ୍ରଦର୍ଶନ ଦେଖିବାକୁ ମିଳିଛି । ଆଉ ଏହି ସମୟରେ ଦଳର ମୁଖ୍ୟଙ୍କ ବୟସକୁ ବିଚାର କରି ସେ ଏବେ ରାଜନୀତିରୁ ଅବସର ନେବେ ବୋଲି ଅନୁମାନ କରାଯାଉଥିଲା। କିନ୍ତୁ ବର୍ତ୍ତମାନ ସେ ନିଜେ ଏହି ବିଷୟରେ ଉତ୍ତର ରଖିଛନ୍ତି ।

ମହାରାଷ୍ଟ୍ରର କରାଦରେ ଶରଦ ପାୱାର କହିଛନ୍ତି, "ମୁଁ ଏବଂ ମୋର ସହକର୍ମୀ ମାନେ ସ୍ଥିର କରିବେ କି ମୁଁ ଅବସର ନେବି କି ନାହିଁ । ଅନ୍ୟମାନେ କାହିଁକି ଏପରି କହୁଛନ୍ତି।" ସେ ଆହୁରି ମଧ୍ୟ କହିଛନ୍ତି ଯେ ଲାଡଲି ବହନ ଯୋଜନା ମାଧ୍ୟମରେ ମହିଳା ମାନଙ୍କୁ କିଛି ପରିମାଣ ଦିଆଯାଇଥିଲା, ଆମେ ଏକ ଅଭିଯାନ ଆରମ୍ଭ କରିଛୁ ଯେ ଯଦି ଆମେ କ୍ଷମତାରେ ନାହୁଁ ତେବେ ଏହି ଟଙ୍କା ବନ୍ଦ ହୋଇଯିବ, ବୋଧହୁଏ ସେଥିପାଇଁ ମହିଳାମାନେ ମହାୟୁତିକୁ ଭୋଟ୍ ଦେଇଛନ୍ତି।

ମହାରାଷ୍ଟ୍ର ବିଧାନସଭା ନିର୍ବାଚନରେ ମହାବିକାଶ ଅଗାଡି ସମ୍ମୁଖୀନ ହୋଇଥିବା ଅସୁବିଧା ଉପରେ ଶରଦ ପାୱାର କହିଛନ୍ତି ଯେ, ଯେଉଁ ଫଳାଫଳ ଆଶା କରାଯାଉଥିଲା ତାହା ହେଲା ନାହିଁ। ଆମେ କାରଣ ଗୁଡିକୁ ଅଧ୍ୟୟନ କରିବୁ ଏବଂ ଲୋକଙ୍କ ନିକଟକୁ ଯିବୁ । 

ଆମେ ଆପଣଙ୍କୁ କହିରଖୁଛୁ ଯେ ମହାରାଷ୍ଟ୍ର ବିଧାନସଭା ନିର୍ବାଚନରେ ଶରଦ ପାୱାରଙ୍କ ଦଳ ଅତ୍ୟନ୍ତ ନିରାଶାଜନକ ପ୍ରଦର୍ଶନ କରିଛି। ଏହି ନିର୍ବାଚନରେ ଏନସିପି ଶରଦ ଚନ୍ଦ୍ର ପାୱାର ମାତ୍ର ୧୦ ଟି ଆସନ ପାଇଛନ୍ତି। ଏହା ପରେ ପ୍ରଶ୍ନ ଉଠିବା ଆରମ୍ଭ କରିଛି । 

ବାସ୍ତବରେ, ଶରଦ ପାୱାରଙ୍କୁ ୮୪ ବର୍ଷ ବୟସ ହୋଇଛି ଏବଂ ତାଙ୍କ ଦଳ ବିଧାନସଭାରେ ୧୦ ଆସନ ପାଇଛନ୍ତି, ଏହି ଦୁଇଟି ବିଷୟକୁ ଦୃଷ୍ଟିରେ ରଖି ରାଜନୈତିକ ସର୍କଲରେ କଳ୍ପନା ଜଳ୍ପନା ପ୍ରକାଶ ପାଇଛି ଯେ ଶରଦ ପାୱାର ବର୍ତ୍ତମାନ ରାଜନୀତିରୁ ଅବସର ନେବେ ।