ନୂଆଦିଲ୍ଲୀ,୨୪।୧୧:   ଖଲିସ୍ତାନୀ ଆତଙ୍କୀ ହରଦୀପ ସିଂହ ନିଜ୍ଜରର ହତ୍ୟାକୁ ନେଇ ଭାରତ- କାନାଡାରେ ବିବାଦ ଜାରି ରହିଛି। ନିଜ୍ଜର ହତ୍ୟା ପରେ ଜଷ୍ଟିନ୍ ଟ୍ରୁଡୋ ଭାରତ ଉପରେ ଅଭିଯୋଗ ଆଣିବା ପରେ ଏବେ ଫଶି ଯାଇଛନ୍ତି। ଏବେ ସେ ବୁଝିପାରୁ ନାହାନ୍ତି ଅପରାଧି ବିଦେଶୀ ନା ତାଙ୍କ ଅଧିକାରୀ। ଗଣମାଧ୍ୟମର ରିପୋର୍ଟରେ ପ୍ରଧାନମନ୍ତ୍ରୀ ମୋଦି ଓ ଏନ୍‌ଏସ୍‌ଏ ଅଜିତ ଡୋଭାଲଙ୍କ ବିଷୟରେ ମଧ୍ୟ ଆଲୋଚନା ହେବାପରେ ଜଷ୍ଟିନ୍ ଟ୍ରୁଡୋ ବୁଝିପାରୁ ନାହାନ୍ତି ସେ କିଭଳି ସଫେଇ ଦେବେ। ଏକ ସାମ୍ବାଦିକ ସମ୍ମିଳନୀରେ ସଫେଇ ଦେଇ ସେ ନିଜର ଗୁଇନ୍ଦା ଅଧିକାରୀଙ୍କୁ ଅପରାଧି ବୋଲି କହିଦେଇଛନ୍ତି। ଟ୍ରୁଡୋ କହିଛନ୍ତି ଏହା ଏକ ଅବିଶ୍ବାସନୀୟ ଓ ଅପରାଧିକ ଲିଙ୍କ। କାନାଡା ମିଡିଆରେ ଯାଇଥିଲା ଯେ, ଖଲିସ୍ତାନୀ ହରଦୀପ ସିଂହ ନିଜ୍ଜରର ହତ୍ୟା ଷଡଯନ୍ତ୍ରର ସୂଚନା ପିଏମ୍ ମୋଦି ଓ ଭାରତର ବରିଷ୍ଠ ଅଧିକାରୀଙ୍କୁ ଜଣାଥିଲା। 

ବ୍ରାମ୍ପଟନ୍‌ରେ ଗଣମାଧ୍ୟମ ସହ କଥା ହୋଇ ଟ୍ରୁଡୋ କହିଛନ୍ତି, ଦୁର୍ଭାଗ୍ୟପୂର୍ଣ୍ଣ ଯେ ଲଗାତାର ଗଣମାଧ୍ୟମରେ କଛି କଥା ଲିକ୍ ହେଉଛି। ତେଣୁ ଆମେ ଯାଞ୍ଚ କରିବା ଆରମ୍ଭ କରିଦେଇଛୁ, କେଉଁ ଲୋକ ଏଭଳି ମିଡିଆରେ ବୟାନ ଦେଉଛନ୍ତି। କ’ଣ ସେମାନେ ବିଦେଶୀ ଶକ୍ତି ସହ ମିଶିକି ଅଛନ୍ତି। କାନାଡାର ନ୍ୟାସନାଲ ସିକ୍ୟୁରିଟି ଆଣ୍ଡ ଇଣ୍ଟେଲିଜେଣ୍ଟ ଆଡଭାଇଜରୀ ଅର୍ଥାତ NSIA ନତାଲି ଜୀ ଡ୍ରୋଇନ୍ ଗୁରୁବାର କହିଛନ୍ତି, କାନାଡା ସରକାର ଏଭଳି କୌଣସି ଲିଙ୍କର ସୁଚନା ଦେଇ ନାହାନ୍ତି। ସେ କହିଛନ୍ତି, କାନାଡା ସରକାର ନା ଏଭଳି କଥା କେବେ କହିଛନ୍ତି, ନା ତାଙ୍କୁ ଏଭଳି କଥାର ସୂଚନା ଅଛି। ପ୍ରଧାନମନ୍ତ୍ରୀ ମୋଦି, ବୈଦେଶିକ ମନ୍ତ୍ରୀ ଜୟଶଙ୍କର ଓ ଏନ୍‌ଏସ୍‌ଏ ଅଜିତ ଡୋଭାଲ କାନାଡାରେ କୌଣସି ଅପରାଧିକ ଗତିବିଧି ସହ ଜଡିତ ଥିଲେ।

ସେ କହିଛନ୍ତି, ଏଭଳି କଥା ଭିତ୍ତିହୀନ ଓ କେବଳ ଅନୁମାନ ଆଧାରିତ। ଡେଲି ଗ୍ଲୋବ ଓ ମେଲ୍‌ରେ ମଙ୍ଗଳବାର ରିପୋର୍ଟ ପ୍ରକାଶ ପାଇଥିଲା। ଏଥିରେ କୌଣସି ଅଜଣା ସୁରକ୍ଷା ଅଧିକାରୀ କହିଛନ୍ତି, ପ୍ରଧାନମନ୍ତ୍ରୀ ମୋଦିଙ୍କ ସହ ଭାରତର ଶୀର୍ଷ ଅଧକାରୀ ନିଜ୍ଜରର ହତ୍ୟା ଷଡଯନ୍ତ୍ର ବିଷୟରେ ଜାଣିଥିଲେ। ଏହାପରେ ବୈଦେଶିକ ମନ୍ତ୍ରଣାଳୟ ମୁଖପାତ୍ର ରଣଧିର ଜସଓ୍ବାଲ କହିଛନ୍ତି, ଏମିତିବି ମିଡିଆ ରିପୋର୍ଟ ଟିପ୍ପଣୀ ଦିଆଯାଏନି, କିନ୍ତୁ ଖବରକାଗଜର ରିପୋର୍ଟରେ ଯେଉଁଭଳି ଅଭିଯୋଗ ରହିଛି ଓ କାନାଡା ସରକାରଙ୍କ ସୁତ୍ର କହିଛନ୍ତି, ଏଭଳି ସ୍ଥିତିର ଏହି ରିପୋର୍ଟକୁ ଖାରଜ କରିବା ଜରୁରୀ। ସେ କହିଛନ୍ତି, ଏଭଳି ଅଭିଯାନ ଦ୍ବାରା ସମ୍ପର୍କ ଆହୁରି ଖରାପ ହୋଇଯିବ।