ଭୁବନେଶ୍ୱର ୨୭/୦୧: ଯଦି କୌଣସି ବ୍ୟକ୍ତି ପିତୃ ଦୋଶରେ ପୀଡିତ ହୋଇଥାନ୍ତି, ତାଙ୍କୁ ଅନେକ ସମସ୍ୟାର ସାମ୍ନା କରିବାକୁ ପଡିଥାଏ। ରୋଗ ବ୍ୟାଧି ଲାଗି ରହିବା ସହ ତାଙ୍କୁ କଠିନ ପରିଶ୍ରମ ସତ୍ତ୍ୱେ କ୍ୟାରିୟରରେ ସଫଳତା ମିଳେ ନାହିଁ । ପୌରାଣିକ ବିଶ୍ୱାସ ଅନୁଯାୟୀ, ଯେପରି ଈଶ୍ବରଙ୍କ କୃପା ବିନା କେହି ଜୀବନରେ ଅଗ୍ରଗତି କରିପାରିବେ ନାହିଁ, ସେହିଭଳି ଯଦି କୌଣସି ବ୍ୟକ୍ତିଙ୍କ ଉପରେ ପୂର୍ବପୁରୁଷମାନେ କ୍ରୋଧିତ ଥାଆନ୍ତି, ତେବେ ତାଙ୍କର ସମସ୍ତ କାର୍ଯ୍ୟରେ ବାଧା ଉପୁଜେ।

ପିତୃ ଦୋଷ ଥିଲେ, ଏଥିରୁ ମୁକ୍ତି ପାଇବା ଅତ୍ୟନ୍ତ ଜରୁରୀ।  ପ୍ରାୟତଃ ଲୋକମାନେ ପିତୃ ଦୋଶରୁ ମୁକ୍ତି ପାଇବା ପାଇଁ ସେମାନଙ୍କ ପୂର୍ବପୁରୁଷମାନଙ୍କ ପାଇଁ ପିଣ୍ଡ ଦାନ ଶ୍ରାଦ୍ଧ କାମ ଆଦି କରନ୍ତି। କିନ୍ତୁ ଏହା ପଛର କାରଣ ଜାଣି ପାରନ୍ତି ନାହିଁ ଯେ ପିତୃ ଦୋଷ କାହିଁକି ଲାଗେ। ଧାର୍ମିକ ବିଶ୍ୱାସ ଅନୁଯାୟୀ ପିତୃ ଦୋଷ ଛୋଟ ଛୋଟ ଭୁଲ ଯୋଗୁଁ ମଧ୍ୟ ଲାଗିପାରେ। ଆସନ୍ତୁ ଜାଣିବା ପିତୃ ଦୋଷ କାରଣ କ’ଣ? 

ଜ୍ୟୋତିଷ ଶାସ୍ତ୍ର ଅନୁଯାୟୀ, ଯଦି ଘରର ସଦସ୍ୟଙ୍କ ଅକାଳରେ ମୃତ୍ୟୁ ହୁଏ ଏବଂ ତାଙ୍କର ଶେଷ ରୀତିନୀତି କିମ୍ବା ତର୍ପଣ ସଠିକ୍‌ ଭାବରେ କରାଯାଇନଥାଏ, ତେବେ ତାଙ୍କର ଆତ୍ମା ଘୁରି ବୁଲେ  ଏବଂ ପରଲୋକରେ ଆତ୍ମାକୁ ଯନ୍ତ୍ରଣା ଭୋଗିବାକୁ ପଡେ। ତାଙ୍କ ମନର ଦୁଃଖ ଓ ଅସନ୍ତୋଷ ହେତୁ ଘରର ମୁଖ୍ୟଙ୍କୁ ପିତୃ ଦୋଷର ସାମ୍ନା କରିବାକୁ ପଡେ।

ପିତୃ ଦୋଷର ଅନ୍ୟ ଏକ ପ୍ରମୁଖ କାରଣ ହେଉଛି ଯେତେବେଳେ କୌଣସି ବ୍ୟକ୍ତିଙ୍କ ଜନ୍ମ କୁଣ୍ଡଳୀରେ ଦ୍ୱିତୀୟ ଘରେ, ଅଷ୍ଟମ ଘର ଏବଂ ଦଶମ ଘରେ ସୂର୍ଯ୍ୟଙ୍କ ସହିତ କେତୁ ରହିଥାନ୍ତି।  ଏହି ସ୍ଥିତିରେ ପିତୃ ଦୋଷ ଲାଗିଥାଏ। ଯଦି ପିତୃ ଦୋଷରୁ ମୁକ୍ତି ପାଇବା ପାଇଁ ଉପାୟ କରାନଯାଏ, ତେବେ ଏହା ପିଢି ଧରି ଚାଲିଥାଏ।

ଏହା ବ୍ୟତୀତ ଅନ୍ୟ କିଛି ଭୁଲ ଯୋଗୁଁ ମଧ୍ୟ ପିତୃ ଦୋଷ ଲାଗିଥାଏ...

-ଘରେ ପିତୃପୁରୁଷ କିମ୍ବା ବଡମାନଙ୍କୁ ଅପମାନିତ କରିବା ଦ୍ୱାରା ପିତୃ ଦୋଷ ଲାଗିପାରେ।

-ବର, ଓସ୍ତ ଏବଂ ନିମ ଗଛ କାଟିବା ଦ୍ୱାରା ପିତୃ ଦୋଷ ଲାଗିପାରେ।

-ଘରେ ଦୈନନ୍ଦିନ କଳହ ଲାଗି ରହିଲେ ପିତୃ ଦୋଷ ଲାଗିପାରେ 

-ଏହା ବ୍ୟତୀତ କୌଣସି ପ୍ରାଣୀ କିମ୍ବା ସାପକୁ ହତ୍ୟା କରିବା ଦ୍ୱାରା ପିତୃ ଦୋଷ ଲାଗିପାରେ।

ପିତୃ ଦୋଷରୁ ମୁକ୍ତି ପାଇବାର ଉପାୟ :

-ପିତୃ ଦୋଷରୁ ମୁକ୍ତି ପାଇବା ପାଇଁ, ପିତୃପକ୍ଷ ସମୟରେ ପିତୃପୁରୁଷଙ୍କ ଶ୍ରଦ୍ଧା କାର୍ଯ୍ୟ କରିବା ଉଚିତ୍ । ଏହି ସମୟ ମଧ୍ୟରେ, ସେମାନଙ୍କର ପିଣ୍ଡ ରୀତିନୀତି ଅନୁଯାୟୀ କରିବା ଉଚିତ୍‌। 

-କ୍ରୋଧିତ ପିତୃପୁରୁଷଙ୍କୁ ସନ୍ତୁଷ୍ଟ କରିବା ପାଇଁ, ପିତୃପକ୍ଷ ସମୟରେ ଓସ୍ତ ଗଛରେ କଳା ରାଶି ମିଶ୍ରିତ କ୍ଷୀର ଢାଳିବା ଉଚିତ୍ । 

-ଅମାବାସ୍ୟା ଦିନ ସନ୍ଧ୍ୟାରେ ଘରର ଦକ୍ଷିଣ ଦିଗରେ ଏକ ରାଶି ତେଲ ଦୀପ ଜଳାଇବା ଉଚିତ୍ । 

-ପିତୃ ଦୋଷରୁ ମୁକ୍ତି ପାଇବା ପାଇଁ, ପ୍ରତ୍ୟେକ ଅମାବାସ୍ୟା ଦିନ ପିତୃପୁରୁଷଙ୍କ ତର୍ପଣ କରି ସେମାନଙ୍କ  ନାମରେ ଦାନ-ପୂଣ୍ୟ କରନ୍ତୁ ଏବଂ ସାମର୍ଥ୍ୟ ଅନୁଯାୟୀ ଭୋଜନ କରାନ୍ତୁ। ଆହୁରି ମଧ୍ୟ କୁକୁର, ଗାଈ ଏବଂ କାଉମାନଙ୍କୁ ଖାଦ୍ୟ ଖାଇବାକୁ ଦିଅନ୍ତୁ।