ଭୁବନେଶ୍ବର,୨୫/୧୦: ପବନର ବେଗ ବଢ଼ିବାରେ ଲାଗିଛି। ସମୁଦ୍ରରେ ଉଠୁଛି ବଡ଼ ଜୂଆର। ପାରାଦୀପ ଠାରୁ ୫୦ ଏବଂ ଧାମରା ଠାରୁ ମାତ୍ର ୬୦ କିଲୋମିଟର ଦୂରରେ ରହିଛି ସାମୁଦ୍ରିକ ଝଡ଼ 'ଦାନା'। ଘଣ୍ଟାକୁ ୧୩ କିଲୋମିଟର ବେଗରେ ସ୍ଥଳଭାଗ ଆଡ଼କୁ ମାଡ଼ି ଆସୁଛି ବାତ୍ୟା 'ଦାନା'। ଏଥିସହିତ ଲ୍ୟାଣ୍ଡଫଲ ପ୍ରକ୍ରିୟା ଆରମ୍ଭ ହେବା ସହିତ ସକାଳ ପର୍ଯ୍ୟନ୍ତ ଚାଲିବ ରହିବ ବୋଲି କହିଛନ୍ତି ଆଞ୍ଚଳିକ ପାଣିପାଗ କେନ୍ଦ୍ରର ନିର୍ଦ୍ଦେଶିକା ମନୋରମା ମହାନ୍ତି।
ଉପକୂଳ ଅଞ୍ଚଳରେ ପ୍ରବଳରୁ ଅତି ପ୍ରବଳ ବର୍ଷା ହେବାରେ ଲାଗିଛି। ଭିତରକନିକାରୁ ଧାମରା ମଧ୍ୟରେ ଦାନା ଲ୍ୟାଣ୍ଡଫଲ୍ କରିବ ବୋଲି ସ୍ପଷ୍ଟ ହୋଇଛି। ଲ୍ୟାଣ୍ଡଫଲ ପ୍ରକିୟା ୫ ଘଣ୍ଟାଧରି ଚାଲିବା ସହିତ ସ୍ଥଳଭାଗ ଛୁଇଁବା ବେଳେ ପବନର ବେଗ ଘଣ୍ଟାପ୍ରତି ୧୦୦ ରୁ ୧୧୦ କିଲୋମିଟର ରହିବ ବୋଲି ସ୍ପଷ୍ଟ ହୋଇଛି। ତେବେ ଆଗାମୀ ତିନି ଘଣ୍ଟା ମଧ୍ୟରେ 'ଦାନା' ସ୍ଥଳଭାଗ ଛୁଇଁବା ନେଇ ସ୍ପଷ୍ଟ କରିଛନ୍ତି ଭାରତୀୟ ପାଣିପାଗ ବିଭାଗର ମହାନିର୍ଦ୍ଦେଶକ ଶ୍ରୀ ମୃତ୍ୟୁଞ୍ଜୟ ମହାପାତ୍ର।