ଫିରିଙ୍ଗିଆ,୨୦/୬ : କନ୍ଧମାଳ ଜିଲ୍ଲା ଫିରିଙ୍ଗିଆ ବ୍ଲକ ଅଧୀନରେ ଥିବା ବନ୍ଧଗଡ଼ଠାରେ ଅଂଚଳର ଅଧିଷ୍ଠାତ୍ରୀ ଦେବୀ ମା’ ବରାଳ ଦେବୀଙ୍କ ଐତିହାସିକ ବାର୍ଷିକ ପୂଜା ସହ ଯାତ୍ରା ଉଦୟଗିରି  ଆରମ୍ଭ ହୋଇଯାଇଛି  I ଆବାହମାନ କାଳରୁ ଏହି ବନ୍ଧଗଡ଼ଠାରେ ମା’ଙ୍କ ଏହି ଯାତ୍ରା ଅନୁଷ୍ଠିତ ହୋଇଆସୁଥିବାବେଳେ ପ୍ରତ୍ୟେକ ବର୍ଷ ପରି ଚଳିତ ବର୍ଷ ମଧ୍ୟ ଯାତ୍ରା ପରିଚାଳନା କମିଟି ତରଫରୁ ବହୁ ଧୂମଧାମରେ ଆରମ୍ଭ ହୋଇଛି I 

ତେବେ ତିନି ଦିନ ଧରି ଅନୁଷ୍ଠିତ ହେବାକୁ ଥିବା ଏହି ଯାତ୍ରାର ପ୍ରଥମ ଦିନରେ ଏକ ବିରାଟ ପଟୁଆରରେ ପାରମ୍ପରିକ ବାଜା ବାଦ୍ୟ ସହ ପୂଜକ ବାହକଙ୍କ ସହ ମା’ଙ୍କ ସମସ୍ତ ସେବାୟତ ମା’ଙ୍କ ମନ୍ଦିରରେ ପହଂଚିବା ପରେ ପରମ୍ପରା ଅନୁସାରେ ମନ୍ଦିରରେ ମା’ଙ୍କ ପୂଜା ଅନୁଷ୍ଠିତ ହୋଇଥିଲା I ଅନ୍ୟପଟେ ପ୍ରତ୍ୟେକ ବର୍ଷ ପରି ଚଳିତ ବର୍ଷ ମଧ୍ୟ ମାନସିକ ଧାରୀମାନଙ୍କ ସହ ହାଜରହଜାର ଭକ୍ତଙ୍କ ସମାଗମ ଦେଖିବାକୁ ମିଳିଥିଲା I ଶ୍ରଦ୍ଧାଳୁମାନଙ୍କ ସାମଗମକୁ ଆଖି ଆଗରେ ରଖି ଫିରିଙ୍ଗିଆ ଥାନା ପକ୍ଷରୁ ସୁରକ୍ଷା ବ୍ୟବସ୍ଥାକୁ ମଧ୍ୟ୍ୟ ବ୍ୟାପକ କରାଯାଇଥିଲା I 

ଅନ୍ୟପଟେ ଏହି ଯାତ୍ରା ପାଇଁ ପ୍ରତ୍ୟେକ ଦିନ ରାତିରେ ବିଭିନ୍ନ ପ୍ରକାର ମନୋରଞ୍ଜନର ବ୍ୟବସ୍ଥା କରାଯାଇଥିବାବେଳେ ମିନା ବଜାର, ରାମ ଦୋଳି ବ୍ରେକ ଡ୍ୟାନ୍ସର ମଧ୍ୟ୍ୟ ବ୍ୟବସ୍ଥା କରାଯାଇଛି  I ତେବେ ଏହି ଯାତ୍ରାକୁ ପରିଚଳନା କରିବା ପାଇଁ ଯାତ୍ରା କମିଟିର ସଭାପତି, ସମ୍ପାଦକ କୋଷାଧକ୍ଷଙ୍କ ସହ ସମସ୍ତ ସଦସ୍ୟ ଉପସ୍ଥିତି ରହି ପରିଚାଳନା କରୁଥିବା ଦେଖିବାକୁ ମିଳିଥିବାବେଳେ ପ୍ରତ୍ୟେକ ବର୍ଷ ପରି ତିନି ଦିନ ଧାରି ଯାତ୍ରାଟି ଶାନ୍ତି ଶୃଙ୍ଖଳାର ସହ କରାଯିବ ବୋଲି କମିଟି ପକ୍ଷରୁ ସୂଚନା ଦିଆଯାଇଛି I