ଢେଙ୍କାନାଳ, ୯।୧୦ : ୫୫ ନଂ ଜାତୀୟ ରାଜପଥ ମହିଷାପାଟ ଛକରେ ମର୍ମନ୍ତୁଦ ଦୁର୍ଘଟଣା । ଏକ ଇଟିକା କାରକୁ ଧକ୍କା ଦେଇ ହୋଟେଲ ଭିତରେ ପଶିଲା ଟ୍ରେଲର । ଦୁର୍ଘଟଣାରୁ ଅଳ୍ପକେ ବର୍ତ୍ତିଲେ ହୋଟେଲ କର୍ମଚାରୀ । କାରରେ ଥିବା ଡ୍ୟାନ୍ସ ଗ୍ରୁପର ୪ ଜଣ ଗୁରୁତର ହୋଇଛନ୍ତି। ଗୁରୁତରମାନଙ୍କୁ ଜିଲ୍ଲା ମୁଖ୍ୟ ଡାକ୍ତରଖାନାରେ ଭର୍ତ୍ତି କରାଯାଇଛି।
ଅନୁଗୁଳକୁ କାରରେ ଯାଉଥିଲେ ଏକ ଡ୍ୟାନ୍ସ ଗ୍ରୁପ। ମହିଷାପାଟ ଛକରେ ଏକ ଟ୍ରେଲର ଭାରସାମ୍ୟ ହରାଇ କାରକୁ ଧକ୍କା ଦେଇଥିଲା। ଏଥିସହ ଛକ ନିକଟରେ ଥିବା ଏକ ହୋଟେଲ ଭିତରେ ଗାଡି ପଶି ଯାଇଥିଲା। ଏଥିରେ କାରରେ ବସିଥିବା ଡ୍ୟାନ୍ସ ଗ୍ରୁପର ୪ ଜଣ ଗୁରୁତର ହୋଇଥିଲେ। ସେମାନଙ୍କୁ ଜିଲ୍ଲା ମୁଖ୍ୟ ଡାକ୍ତର ଖାନାରେ ଭର୍ତ୍ତି କରାଯାଇଛି।
