ନୂଆଦିଲ୍ଲୀ ,୧୩/୧୧: ବୁଲଡୋଜର ଆକ୍ସନ ଗ୍ରହଣୀୟ ନୁହେଁ । ଅଭିଯୁକ୍ତ କିମ୍ବା ଦୋଷୀର ଘର ଭାଙ୍ଗିବା ଭୁଲ । ବୁଲଡୋଜର ଆକ୍ସନ ବେଆଇନ । ଜଣେ ଅପରାଧୀ ପାଇଁ ପୁରା ଘର ଭାଙ୍ଗି ପାରିବ ନାହିଁ । ପ୍ରଶାସନ ଜଜ୍ ନୁହଁନ୍ତି । ଶାସନର ଅପବ୍ୟବହାର ଗ୍ରହଣୀୟ ନୁହେଁ । ବୁଲଡୋଜର ଆକ୍ସନର ଶୁଣାଣି ପ୍ରଶାସନ ଉପରେ ବର୍ଷିବା ସହିତ ଏହାକୁ ନିନ୍ଦା କରିଛନ୍ତି ସୁପ୍ରିମକୋର୍ଟ । ବୁଲଡୋଜର ଆକ୍ସନ ଉପରେ ସୁପ୍ରିମ ବ୍ରେକ୍ ଲଗାଇଛନ୍ତି । ୩ମାସରେ
ସୁପ୍ରିମକୋର୍ଟ ଆଜି ବୁଲଡୋଜର ଆକ୍ସନ ଉପରେ ଶୁଣାଣି କରିଥିଲେ । ବୁଲଡୋଜର ଆକ୍ସନକୁ ନେଇ ପ୍ରଶାସନ ଉପରେ ବର୍ଷିଛନ୍ତି ସର୍ବୋଚ୍ଚ ନ୍ୟାୟଳୟ । ବୁଲଡୋଜର ଆକ୍ସନକୁ ନିନ୍ଦା କରିଛନ୍ତି । ସର୍ବୋଚ୍ଚ ନ୍ୟାୟଳୟ କହିଛନ୍ତି, ''ବୁଲଡୋଜର ଆକ୍ସନ ବେଆଇନ । ଏହା ଆଇନର ଉଲଘଂନ। କୌଣସି ମାମଲାରେ ଦୋଷୀ କିମ୍ବା ଅଭିଯୁକ୍ତର ପୁରା ଘର ଭଙ୍ଗା ଯାଇପାରିବ ନାହିଁ । ଆଇନରେ ରାଜ୍ ହେବା ଦରକାର । ପଦକ୍ଷେପ ପୂର୍ବରୁ ନିରପେକ୍ଷ ବିଚାର ଜରୁରୀ । ବୁଲଡୋଜର ଆକ୍ସନ ପକ୍ଷପାତ ହୋଇଥାଏ । ବେଆଇନ କାର୍ଯ୍ୟ ନେଇ ଅଧିକାରୀ ଦୋଷୀ ହେବେ । ଦୋଷୀ ଅଧିକାରୀଙ୍କ ଉପରେ କଡା କାର୍ଯ୍ୟାନୁଷ୍ଠାନ ଗ୍ରହଣ ହେବ । ଜଣେ ଦୋଷୀ ପାଇଁ ପୁରା ପରିବାରକୁ ଦଣ୍ଡ କାହିଁକି ।''
ସୁପ୍ରିମକୋର୍ଟ ଆହୁରି କହିଛନ୍ତି, ''ଘର ଏକ ସ୍ବପ୍ନ ପରି ହୋଇଥାଏ। ଜଣଙ୍କର ଘର ତାଙ୍କର ଶେଷ ସୁରକ୍ଷାା ସ୍ଥାନ ହୋଇଥାଏ । ସରକାରୀ ଶକ୍ତିର ଦୂରପଯୋଗ କରି ସେମାନଙ୍କ ସ୍ବପ୍ନକୁ ଭାଙ୍ଗିବା ଭୁଲ । ଅପରାଧୀକୁ ଦଣ୍ଡ ଦେବା ଘର ଭାଙ୍ଗିବା ନୁହେଁ । ଭୁଲ ପକ୍ରିୟାରେ ଘର ଭାଙ୍ଗିବା ନେଇ କ୍ଷତିପୂରଣ ମିଳିବା ଦରକାର । ପ୍ରଶାସନ ତାର ମନମୁଖୀ କାର୍ଯ୍ୟ କରିପାରିବ ନାହିଁ । ଯଦି ଗୋଟିଏ ମାମଲାରେ ଜଣେ ଦୋଷୀ ତେବେ ଘର ଭାଙ୍ଗି ପୁରା ପରିବାରକୁ ଦଣ୍ଡ କାହିଁକି ଦିଆଯିବ। ପରିବାରଠୁ ତାଙ୍କ ଘର ଛଡାଇ ନେବା ଉଚିତ୍ ନୁହେଁ । ବୁଲଡୋଜର ଆକ୍ସନ ଆଇନ ନହେବାର ଭୟ ସୃଷ୍ଟି କରୁଛି । ନୋଟିସରେ ଉଚ୍ଛେଦର ପ୍ରକୃତ କାରଣ ରହିବା ଦରକାର । ଉଚ୍ଛେଦର ୧୫ଦିନ ପୂର୍ବରୁ ନୋଟିସ ପଠାଇବା ଆବଶ୍ୟକ ।''
ବୁଲଡୋଜରକୁ ନେଇ ସୁପ୍ରିମକୋର୍ଟଙ୍କ ଗାଇଡଲାଇନ
. ଉଚ୍ଛେଦର ୧୫ଦିନ ପୂର୍ବରୁ ନୋଟିସ କରିବା ଦରକାର
.ନୋଟିସରେ ଉଚ୍ଛେଦର ପ୍ରକୃତ କାରଣ ରହିବା ଦରକାର
. କେବଳ ବେଆଇନ ଘର ଭଙ୍ଗିବାକୁ ଅନୁମତି
.ନୋଟିସକୁ ଡିଜିଟାଲ ପୋର୍ଟାଲରେ ପକାଇବା ଜରୁରୀ
.୩ ମାସ ମଧ୍ୟରେ ପୋର୍ଟାଲ ଗଠନ ନେଇ ନିର୍ଦ୍ଦେଶ
