କଟକ, ୦୨/୧୨ : ଛତ୍ରବଜାରରେ ଯୋଗାଣ ବିଭାଗର ରେଡ୍। ଚଢ଼ା ଦରରେ ଆଳୁ ବିକ୍ରି ହେଉଥିବା ଅଭିଯୋଗରେ ରେଡ୍ ଚାଲିଛି। ଦର ନିୟନ୍ତ୍ରଣ ପାଇଁ ଯୋଗାଣ ବିଭାଗ ପକ୍ଷରୁ ବେପାରିଙ୍କୁ ତାଗିଦ୍ କରାଯାଉଛି। ନିର୍ଦ୍ଧାରିତ ଦରଠାରୁ ଅଧିକ ଦରରେ ନବିକିବାକୁ ନିର୍ଦ୍ଦେଶ ଦିଆଯାଇଛି। ଆଳୁ କିଲୋ ପିଛା ୪୦ରୁ ୪୫ ଟଙ୍କାରେ ବିକ୍ରି କରିବାକୁ କୁହାଯାଉଛି। ଅଧିକ ଦରରେ ବିକିଲେ କାର୍ଯ୍ୟାନୁଷ୍ଠାନ ନିଆଯିବ ବୋଲି ଯୋଗାଣ ଅଧିକାରୀ କହିଛନ୍ତି।
ସେପଟେ ରାଜଧାନୀର ବିଭିନ୍ନ ମାର୍କେଟରେ ମଧ୍ୟ ଯୋଗାଣ ବିଭାଗ ରେଡ୍ କରିଛି। ୟୁନିଟ-୧, ୟୁନିଟ-୪, ଆଇଗିଣିଆରେ ଯୋଗାଣ ବିଭାଗ ଚଢାଉ କରିଛି। ୪ ନଂ ମାର୍କେଟରେ ୧୦ରୁ ଉର୍ଦ୍ଧ୍ଵ ଦୋକାନୀଙ୍କୁ କାରଣ ଦର୍ଶାଅ ନୋଟିସ୍ ଜାରି କରାଯାଇଛି। ଏହା ସହ ଦୋକାନରେ ରେଟ୍ ଚାର୍ଟ ମରା ଯାଇନଥିବା ଏବଂ ଦୋକାନୀଙ୍କ ପାଖରେ କିଣାବିକାର ରସିଦ୍ ନଥିବାରୁ ତାଗିଦ୍ କରାଯାଇଛି।
