ନୂଆଦିଲ୍ଲୀ: ନିଜ ବନ୍ଧୁକରୁ ନିଜକୁ ଗୁଳି କଲେ ସବ-ଇନସପେକ୍ଟର। ଆନ୍ଧ୍ରପ୍ରଦେଶର ୱେଷ୍ଟ ଗୋଦାବରୀ ତାନୁକୁ ରୁରାଲ ପୋଲିସ ଷ୍ଚେସନରେ ସବ-ଇନସପେକ୍ଟର ଏଜିଏସ ମୁର୍ଥି ନିଜ ସର୍ଭିସ ରିଭଲଭରରୁ ନିଜକୁ ଗୁଳି କରି ଆତ୍ମହତ୍ୟା କରିଛନ୍ତି। ଶୁକ୍ରବାର ସକାଳ 7ଟା 45ରେ ଏହି ଘଟଣା ଘଟିଥିବା ନେଇ ଏସପି ଆନନ୍ଦ ନାଇମି ଅସ୍ମି ସୂଚନା ଦେଇଛନ୍ତି। 

ଘଟଣା ସମ୍ପର୍କରେ ସୂଚନା ଦେଇ ଅସ୍ମୀ କହିଛନ୍ତି “ଆଜି ସକାଳେ ପୋଲିସ ଷ୍ଟେସନ ଭିତରେ ଏଜିଏସ ମୁର୍ଥି ଆତ୍ମହତ୍ୟା କରିଛନ୍ତି। ବର୍ତ୍ତମାନ ଘଟଣାର ତଦନ୍ତ ଚାଲିଛି। ପୂରା ରିପୋର୍ଟ ମିଳିବା ପରେ ଆତ୍ମହତ୍ୟାର କାରଣ ସ୍ପଷ୍ଟ ହେବ।”

ସୂଚନା ମୁତାବକ, ଆତ୍ମହତ୍ୟା କରିଥିବା ଏଜିଏସ ମୁର୍ଥି ନିକଟରେ ତାନୁକୁ ରୁରାଲ ପୋଲିସ ଷ୍ଚେସନରେ ଯୋଗ ଦେଇଥିଲେ। ବିଭିନ୍ନ ଦୁର୍ନିତୀରେ ମାମଲାରେ ତାଙ୍କ ବିରୋଧରେ ଅଭିଯୋଗ ଥିବାରୁ ତାଙ୍କୁ ତାନୁକୁ ରୁରାଲ ଥାନାକୁ ବଦଳି କରାଯାଇଥିଲା। ଏହି ଅଭିଯୋଗର ଇନକ୍ୱାରି କମିଟି ରିପୋର୍ଟ ଏଯାଏ ଆସିନଥିବା ବୋଲି ସୂଚନା ମିଳିଛି। ତେବେ ସେ ଶୁକ୍ରବାର ସକାଳେ ପ୍ରଥମେ ଥାନାକୁ ଆସି କାର୍ଯ୍ୟରେ ଯୋଗ ଦେଇଥିଲେ। ପରେ ସେ ଆତ୍ମହତ୍ୟା ଭଳି ଚରମ ନିଷ୍ପତ୍ତି ନେଇଥିଲେ। 

ଏହି ଘଟଣା ପରେ ପୋଲିସ ନିଜ ଆଡୁ ଏକ ମାମଲା ରୁଜୁକରିଘଟଣାର ଛାନଭିନ ଆରମ୍ଭ କରିଛି ବୋଲି ପୋଲିସ ଅଧିକାରୀ ସୂଚନା ପ୍ରଦାନ କରିଛନ୍ତି।