ନୂଆଦିଲ୍ଲୀ, ୧୦/୧୦ : ଟେନିସର ଭେଟରାନ ଖେଳାଳୀ ରାଫେଲ ନାଡାଲ ସନ୍ନ୍ୟାସର ଘୋଷଣା କରିଛନ୍ତି । ସେ ନଭେମ୍ବରରେ ହେବାକୁ ଥିବା ଡେବିସ କପ ଫାଇନାଲ ପରେ ରିଟାୟର ମେଣ୍ଟ ନେବେ । ନାଡାଲ ୨୨ଥର ଗ୍ରାଣ୍ଡ ସ୍ଲାମ ଚାମ୍ପିୟନ ରହିସାରିଛନ୍ତି। ସ୍ପେନରେ ରହୁଥିବା ନାଡାଲ ନିଜ ନାମରେ କେତେକ ବଡ଼ ରେକର୍ଡ଼ କରିଛନ୍ତି । ନାଡାଲ ସୋସିଆଲ ମିଡ଼ିଆ ମାଧ୍ୟମରେ ନିଜର ସନ୍ନ୍ୟାସର ଘୋଷଣା କରିଛନ୍ତି । ନାଡାଲ ଇଷ୍ଟାଗ୍ରାମରେ ଭିଡ଼ିଓ ସେୟାର କରିଛନ୍ତି । ସେଥିରେ ସେ କହିଛନ୍ତି କି ମୁଁ ପ୍ରଫେଶନାଲ ଟେନିସରୁ ସନ୍ନ୍ୟାସ ନେଉଛି । ନାଡାଲ ଫ୍ୟାନ୍ସଙ୍କୁ ମେସେଜ ଦେଇ ଇମୋଶନାଲ ହୋଇଯାଇଥିଲେ । ସେ କହିଥିଲେ କି ମୋ ଲାଗି ଗତ କିଛି ବର୍ଷ ହେବ ବହୁ ଅସୁବିଧା ରହିଛି ।
ନାଡାଲଙ୍କ କ୍ୟାରିୟର ଏବେ ପର୍ଯ୍ୟନ୍ତ ବହୁତ ଭଲ ରହିଛି । କିନ୍ତୁ ତାଙ୍କ ଲାଗି ସନ୍ନ୍ୟାସର ନିଷ୍ପତ୍ତି ସହଜ ନ ଥିଲା । ନାଡାଲ ରିଟାୟରମେଣ୍ଟର ଘୋଷଣା ଲାଗି ଇଷ୍ଟାଗ୍ରାମରେ ଏକ ଭିଡ଼ିଓ ସେୟାର କରିଛନ୍ତି । ଏଥିରେ ସେ କହିଛନ୍ତି କି, ମୁଁ ଏହା କହିବାକୁ ଆସିଛି କି ପ୍ରୋଫେଶନାଲ ଟେନିସରୁ ସନ୍ନ୍ୟାସ ନେଉଛି । ମୋ ଲାଗି ଗତ କିଛି ବର୍ଷ ବହୁ ଅସୁବିଧା ରହିଥିଲା।’ ନାଡାଲ ଏହି ଘୋଷଣା ସମୟରେ ବହୁ ଇମଶୋନାଲ ବି ହୋଇଥିଲେ । ନାଡାଲ ନିଜ କ୍ୟାରିୟର ସମୟରେ ୨୨ଥର ଗ୍ରାଣ୍ଡ ସ୍ଲାମ ଚାମ୍ପିୟନ ରହିସାରିଛନ୍ତି । ନାଡାଲ ୨୦୦୯ ଏବଂ ୨୦୨୨ରେ ଅଷ୍ଟେ୍ରଲିଆ ଓପନ ତାଜ୍ ଜିତିଥିଲେ । ସେହିଭଳି ୨୦୧୦, ୨୦୧୩, ୨୦୧୭ ଏବଂ ୨୦୧୯ରେ ୟୁଏସ ଓପନର ତାଜ୍ ଜିତିଥିଲେ । ନାଡାଲ ଓ୍ବିମ୍ବଲଡନର ତାଜ୍ ୨୦୦୮ ଏବଂ ୨୦୧୦ରେ ଜିତିଥିଲେ ।
