ସିଓଲ: ବିରୋଧୀ ଦଳ ଉତ୍ତରକୋରିଆ ସହ ସମ୍ପର୍କ ରଖିବା ଓ ରାଷ୍ଟ୍ରବିରୋଧୀ ଗତିବିଧିରେ ସାମିଲ ଥିବା ନେଇ ଅଭିଯୋଗ କରି ଗତ ମଙ୍ଗଳବାର ଦକ୍ଷିଣ କୋରିଆର ରାଷ୍ଟ୍ରପତି ୟୁନ୍ ସୁକ ୟୋଲ ଦେଶରେ ସାମରିକ ଆଇନ ଲାଗୁ କରିଥିଲେ। ଦେଶରେ ଅସାମ୍ୱିଧାନିକ ଉପାୟରେ ସାମରିକ ଆଇନ ଲାଗୁ କରିବା ନେଇ ଦକ୍ଷିଣ କୋରିଆ ପୋଲିସର ବୁଧବାର ୟୁନ୍ ଙ୍କ ଅଫିସରେ ଚଢଉ କରିଛି।
ଦକ୍ଷିଣ କୋରିଆ ପୋଲିସର ଏକ ସ୍ପେଶାଲ ଟିମ ବୁଧବାର ରାଷ୍ଟ୍ରପତିଙ୍କ କାର୍ଯ୍ୟାଳୟ ଉପରେ ଚଢ଼ଉ କରିଥିଲା। କୋରିଆର ନେସନାଲ ପୋଲିସ ଏଜେନ୍ସି, ସିଓଲ ମେଟ୍ରୋପୋଲିଟନ ପୋଲିସ ଏଜେନ୍ସି ଓ ନେସନାଲ ଆସେମ୍ଲି ସିକ୍ୟୁରିଟି ସର୍ଭିସ ମିଳିତ ଭାବେ ଏକ ଟିମ ଗଠନ କରି ଏହି ଚଢଉ କରିଥିଲେ।
ଏହି ଚଢଉ ବେଳେ ଦକ୍ଷିଣ କୋରିଆର ପୂର୍ବତନ ପ୍ରତିରକ୍ଷା ମନ୍ତ୍ରୀ କିମ୍ ୟୋଙ୍ଗ-ହ୍ୟୁନ୍ ଆତ୍ମହତ୍ୟା କରିବାକୁ ଚେଷ୍ଟା କରିଥିଲେ। ରାଷ୍ଟ୍ରପତିଙ୍କ ନିର୍ଦ୍ଦେଶରେ ପ୍ରତିରକ୍ଷା ମନ୍ତ୍ରୀ ଦେଶରେ ସାମରିକ ଶାସନ ଲଗେଇବାକୁ ଦେଇଥିବାରୁ ପୋଲିସ ତାଙ୍କୁ ଗିରଫ କରିବାକୁ ଯାଇଥିଲା। ପୋଲିସ ଗିରଫ କରିବ ବୋଲି ଜାଣିବା ପରେ କିମ୍ ଆତ୍ମହତ୍ୟା କରିବାକୁ ଉଦ୍ୟମ କରିଥିଲେ।
ଏହି ପରିସ୍ତିତି ପାଇଁ ମୁଁ ସମ୍ପୂର୍ଣ୍ଣ ରୁପେ ଦାୟି। ମୋ ଅଧିନରେ କାମ କରୁଥିବା ସମସ୍ତେ କେବଳ ମୋ ଆଦେଶ ମାନୁଥିଲେ ବୋଲି କିମ୍ ନିଜ ଓକିଲଙ୍କ ଦ୍ୱାରା ଜଣାଇଛନ୍ତି। ଅନ୍ୟପଟେ କିମ୍ ଙ୍କ ସହ ୟୁନ୍ ଙ୍କ ଉପରେ ଦେଶ ଛାଡି ନଯିବା ପାଇଁ ପ୍ରତିବନ୍ଧ ଲାଗାଇଛି ଦକ୍ଷିଣ କୋରିଆ ପୋଲିସ। ଦେଶର ରାଷ୍ଟ୍ରପତି ଶାସନ ଲଗେଇବାରେ ୟୁନ୍ ଙ୍କୁ ସାହାଯ୍ୟ କରିଥିବା ଦେଶର ଦୁଇଜଣ ଉଚ୍ଚ ପଦସ୍ଥ ପୋଲିସ ଅଧିକାରୀଙ୍କୁ ମଧ୍ୟ ଦକ୍ଷିଣ କୋରିଆ ପୋଲିସ ଅଟକ ରଖିଛି।
ଡିସେମ୍ବର ୩ ତାରିଖ ଦିନ ରାଷ୍ଟ୍ରପତି ୟୁନ୍ ସୋକ ୟୋଲ ସମଗ୍ର ଦେଶରେ ସାମରିକ ଆଇନ ଲାଗୁକରିଥିଲେ। ସେ ସେନାକୁ ପାର୍ଲାମେଣ୍ଟ ଭବନ ଦଖଲ କରିବାକୁ ଆଦେଶ ଦେଇଥିଲେ। ଦେଶରେ ଘୋର ରାଜନୈତିକ ସଙ୍କଟ ଦେଖାଦେବାରୁ ସେ ବାଧ୍ୟ ହୋଇ ସାମରିକ ଆଇନକୁ ହଟେଇଥିଲେ। ରକ୍ଷା ମନ୍ତ୍ରୀ କିମ୍ ନିଜ ଦେଶରେ ବିରୋଧର ସମ୍ମୁଖିନ ହେବା ପରେ ଗତ ଗୁରୁବାର(ଡିସେମ୍ବର୫) ଦିନ ଇସ୍ତଫା ଦେଇଛନ୍ତି।
ଗତ ବୁଧବାର(ଡିସେମ୍ୱର ୪) ଦିନ, ଦକ୍ଷିଣ କୋରିଆର ସରକାରି ଗଣମାଧ୍ୟମ ପ୍ରଥମ ଥର ପାଇଁ ଉତ୍ତର କୋରିଆର ରାଜନୈତିକ ଦୃଶ୍ୟପଟକୁ ନେଇ ଖବର ପ୍ରସାରଣ କରିଛି। “ୟୁନ୍ ସୁକ ୟୋଲ ଦେଶରେ ସାମରିକ ଆଇନ ଲାଗୁ କରିଛନ୍ତି। ନିଜ ଫାଶିବାଦି ଚିନ୍ତାଧାରାରେ ବନ୍ଧୁକ ଓ ଛୁରି ସହାୟତାରେ ଉତ୍ତର କୋରିଆରେ ଏକଛତ୍ରବାଦୀ ଶାସନର ଆରମ୍ଭ ହୋଇଛି" ବୋଲି ଦକ୍ଷିଣ କୋରିଆର ସରକାରି ଗଣମାଧ୍ୟମରେ ପ୍ରକାଶ ପାଇଛି।
